Iż-żgħażagħ tkellmu! Skopri x’verament iridu

L-aħħar aġġornament sar fi L-Erbgħa, 12/01/2022

Sa fl-aħħar waslet is-sena Ewropea taż-Żgħażagħ, u ż-żgħażagħ tkellmu – X’jixtiequ verament mill-2022?

Iż-żgħażagħ huma fiċ-ċentru tal-attenzjoni tas-Sena Ewropea taż-Żgħażagħ. Il-Kummissjoni Ewropea nediet stħarriġ online f’Ottubru 2021 għaż-żgħażagħ biex jaqsmu l-ideat tagħhom u jgħinu fit-tfassil tas-Sena. L-istħarriġ issa għalaq iżda r-riżultati huma disponibbli online. 

Interessat f’xi sejbiet?

• Dawk li wieġbu jixtiequ li l-festivals, il-workshops, id-dibattiti u s-sessjonijiet ta’ taħriġ jiġu organizzati bħala attivitajiet. 
• 58.8% taż-żgħażagħ jixtiequ jikkontribwixxu b’mod attiv għas-Sena Ewropea taż-Żgħażagħ, filwaqt li 62.9% ma jafux jew mhumiex ċerti kif isemmgħu leħinhom jew jesprimu l-opinjoni tagħhom.
• Il-biċċa l-kbira ta’ dawk li wieġbu jippreferu li l-attivitajiet isiru kemm f’format wiċċ imb wiċċ kif ukoll online (56.19%).

Trid titgħallem aktar? Iċċekkja r-rapport sħiħ u aqra dwar il-proposti u t-tħassib taż-żgħażagħ.