Cúrsaí oiliúna maidir le Deiseanna Digiteacha

An nuashonrú is déanaí an An Chéadaoin, 21/10/2020

Cuireann an tionscnamh um thréimhsí oiliúna maidir le Deiseanna Digiteacha cúrsaí oiliúna ardoideachais trasteorann ar fáil do mhic léinn agus do chéimithe nua.

Tá sé á mhaoiniú ag an gclár Fís 2020 agus cuirtear i bhfeidhm é trí Erasmus+ agus é mar aidhm aige deis a thabhairt do mhic léinn as gach disciplín taithí dhigiteach phraiticiúil a fháil i réimsí a bhfuil éileamh orthu sa mhargadh.

Cé atá in ann iarratas a dhéanamh?

• Mic léinn as ollscoileanna i dtíortha Erasmus+ agus i dtíortha comhlachaithe Fís 2020;
• Is féidir le céimithe nua, laistigh de 12 mhí tar éis dóibh céim a bhaint amach, iarratas a dhéanamh freisin, ar choinníoll go ndearna siad an t-iarratas sular bronnadh an chéim orthu.

Iarratas a dhéanamh

Déanann iarratasóirí iarratas trína n-ollscoil, de réir an uainithe agus na nósanna imeachta a leagann an ollscoil síos le haghaidh chúrsaí oiliúna Erasmus+.

Deontas

Faigheann na daoine a bhíonn faoi oiliúint liúntas €500 sa mhí ar an meán, ach beidh an méid beacht ag brath ar an tír agus ar an bhfad (idir 2 agus 12 mhí), i gcomhréir le rialacha agus nósanna imeachta Erasmus+.
Ní bhíonn cuideachtaí rannpháirteach san idirbheart ach is féidir leo cur leis an deontas sin.
 
Féach ar na folúntais atá ar fáil ar Eures agus ar shuíomh gréasáin intéirneachtaí Erasmus.
 
Léigh tuilleadh faoin tionscadal anseo.