Ráiteas Príobháideachais Sonrach – Tairseach Eorpach na hÓige

Cuspóir na hoibríochta próiseála: Déanann AS.EAC.A.4 sonraí pearsanta a bhailiú agus a úsáid chun eolas agus deiseanna a sholáthar do dhaoine óga ar fud na hEorpa maidir le téamaí Chláir Óige an Aontais Eorpaigh.

Is iad seo a leanas na cuspóirí atá leis an mbailiú sonraí:

Soláthar eolais
- Sonraí teagmhála a chur ar fáil don phobal i gcoitinne (i bhfoirm céadainmneacha nó sloinnte agus/nó seoltaí ríomhphoist iad siúd a mbaineann ailt, imeachtaí nó míreanna nuachta leo).
- É a chur ar a gcumas d’úsáideoirí údaraithe go gclárófaí iad ar EYP mar údair/eagarthóirí, agus chun cúnamh teicniúil a chur ar fáil nuair is gá sin.
An fhoirm chun cheist a chur
- É a chur ar a gcumas do dhaoine aonair ceist a chur trí EYP agus freagra a fháil ó Eurodesk, Nasc na Bruiséile, líonra Eurodesk agus/nó riarthóirí EYP.
An Cór Dlúthpháirtíochta Eorpach
- É a chur ar a chumas don aos óg clárú chun a bheith páirteach leis an gCór trína gcuid bunshonraí pearsanta agus teagmhála a chur ar fáil. É a chur ar a gcumas do chláraithe an Chóir na nithe seo a leanas a chur ar fáil go deonach freisin: breis sonraí teagmhála, sonraí maidir leis na cineálacha gníomhaíochtaí is suim leo, eolas faoi na scileanna agus faoin taithí a bheadh le roinnt acu le gníomhaíochtaí, maille le cuntas comair ar an oideachas a fuair siad, ar a stair fostaíochta agus ar aon obair dheonach atá déanta cheana acu.
- É a chur ar a gcumas do chláraithe an Chóir ríomhphoist, nuachtlitreacha agus fógraí eile a fháil a bhaineann leis an gCór agus le tionscnaimh eile atá dírithe ar an óige, cibé an tionscnaimh de chuid an Choimisiúin Eorpaigh iad nó nach iad, mar aon le suirbhéanna agus modhanna eile chun aiseolas a bhailiú ó chláraithe. Féadfaidh cláraithe an Chóir a chur in iúl cé na cineálacha teachtaireachtaí ab fhearr leo a fháil.
- É a chur ar a gcumas don Chóir deiseanna oiliúna a chur ar fáil do chláraithe an Chóir.
- É a chur ar a gcumas do chláraithe an Chóir aiseolas a thabhairt faoi na seirbhísí agus na próisis.
- É a chur ar a gcumas do rannpháirtithe an Chóir taifead a dhéanamh dá dtorthaí foghlama neamhfhoirmiúla san uirlis sheachtrach ‘Youthpass’.
- É a chur ar a gcumas d’ionadaithe údaraithe eagraíochtaí a bhfuil an t-údarú acu gníomhaíochtaí de chuid an Chóir a reáchtáil próifílí ar a n-eagraíochtaí a choinneáil ar bun, céadainmneacha agus sloinnte agus / nó seoltaí ríomhphoist na ndaoine a bhfuil baint acu leis na heagraíochtaí agus leis na gníomhaíochtaí a dhéanann siad leis an gCór san áireamh.
- É a chur ar a gcumas d’ionadaithe údaraithe eagraíochtaí a bhfuil an t-údarú acu gníomhaíochtaí de chuid an Chóir a reáchtáil cuardach a dhéanamh i mbunachar sonraí chláraithe an Chóir chun daoine a lorg a bheadh sásta obair dheonach a dhéanamh ar cheann de ghníomhaíochtaí an Chóir, trí shonraí na gníomhaíochta atá beartaithe a mheaitseáil leis na sonraí pearsanta agus na céadroghanna a chuir cláraithe an Chóir ar fáil.
- É a chur ar a gcumas do na hionadaithe údaraithe sin dul i dteagmháil leis na hiarrthóirí roghnaithe, is é sin i gcás inar thoiligh na hiarrthóirí cláraithe sin go bhféadfadh an eagraíocht teagmháil a dhéanamh leo ar an gcaoi sin.
- É a chur ar a gcumas do na hionadaithe údaraithe sin gníomhaíochtaí faoi leith a thairiscint d’iarrthóirí cláraithe an Chóir agus bainistiú a dhéanamh ar na tairiscintí a rinneadh.
- É a chur ar a gcumas do na riarthóirí an Chóir bainistiú a dhéanamh ar bhunachar sonraí chláraithe an Chóir mar aon le cúnamh a thabhairt do chláraithe an Chóir.
- É a chur ar a gcumas do Ghníomhaireachtaí Náisiúnta atá freagrach as Erasmus+ agus an Cór Dlúthpháirtíochta Eorpach a chur chun feidhme na seiceálacha, na hiniúchtaí agus na meastóireachtaí a dhéanamh ar thionscadail a fhaigheann tacaíocht ón Aontas agus ina bhfuil na cláraithe páirteach, sin agus cúnamh a thabhairt d’ionadaithe údaraithe na n-eagraíochtaí trí rochtain theoranta a thabhairt dóibh ar bhunachar sonraí an Chóir.
- É a chur ar a gcumas do riarthóirí an Chóir bainistiú a dhéanamh ar ghníomhaíochtaí an Chóir agus ar nósanna imeachta cuardaigh agus meaitseála an Chóir, mar aon le cúnamh a thabhairt d’ionadaithe údaraithe na n-eagraíochtaí sin a bhfuil an t-údarú acu gníomhaíochtaí de chuid an Chóir a reáchtáil.
- É a chur ar a gcumas do riarthóirí an Chóir agus páirtithe iontaofa nach iad eolas agus fógraí faoin gCór agus faoi ghníomhaíochtaí a bhaineann leis a sheoladh chuig cláraithe an Chóir agus chuig ionadaithe údaraithe eagraíochtaí.
- É a chur ar a gcumas do riarthóirí an Chóir anailís a dhéanamh ar shonraí na gcláraithe agus ar an aiseolas a fhaightear uathu.
- É a chur ar a gcumas do Thoscaireachtaí an Aontais eolas a fháil maidir le rannpháirtithe an Chóir atá imlonnaithe sna tíortha ina bhfuil na Toscaireachtaí sin lonnaithe trí rochtain theoranta a thabhairt dóibh ar bhunachar sonraí an Chóir.
Bunachar sonraí d’eagraíochtaí agus de dheiseanna
- Sonraí teagmhála a chur ar fáil don phobal i gcoitinne (i bhfoirm céadainmneacha agus sloinnte agus / nó seoltaí ríomhphoist iad siúd a bhfuil baint acu le heagraíochtaí de chuid an Chóir Dlúthpháirtíochta Eorpaigh a bhfuil Lipéad Cáilíochta acu).
- É a chur ar a gcumas d’eagraíochtaí de chuid an Chóir Dlúthpháirtíochta Eorpaigh a bhfuil Lipéad Cáilíochta acu sonraí teagmhála foilsithe a n-eagraíochtaí a bhainistiú.
- É a chur ar a gcumas d’eagraíochtaí de chuid an Chóir Dlúthpháirtíochta Eorpaigh a bhfuil Lipéad Cáilíochta acu a ndeiseanna a fhógairt d'iarrthóirí ionchasacha, agus é a chur ar chumas daoine óga teagmháil a dhéanamh leis na heagraíochtaí sin.
- É a chur ar a gcumas do riarthóirí EYP cúnamh teicniúil a thabhairt d’eagraíochtaí.
DiscoverEU
- É a chur ar a gcumas do dhaoine óga iarratas a dhéanamh ar an tionscnamh trína gcuid bunshonraí pearsanta, sonraí teagmhála, agus eolas breise maidir le taisteal a chur ar fáil.
- É a chur ar a gcumas d’iarratasóirí ríomhphoist agus fógraí eile a bhaineann le DiscoverEU agus le tionscnaimh eile atá dírithe ar an óige, cibé an tionscnaimh de chuid an Choimisiúin Eorpaigh iad nó nach iad, suirbhéanna agus modhanna eile chun aiseolas a bhailiú ó iarratasóirí san áireamh, chomh maith le cumarsáid, ábhar feachtais agus cuirí chuig imeachtaí a fháil ón gCoimisiún, ón nGníomhaireacht Feidhmiúcháin Eorpach um Oideachas agus Cultúr, ó Ghníomhaireachtaí náisúnta Erasmus+, ó Eurodesk agus ó eagraíochtaí eile atá údaraithe ag an gCoimisiún Eorpach (le toiliú).
- É a chur ar a gcumas do riarthóirí DiscoverEU sonraí iarratasóirí atá stóráilte ar líne a rochtain, leanúint ar aghaidh le roghnú iarratasóirí, anailís a dhéanamh ar shonraí agus aiseolas ó na hiarratasóirí, teagmháil a dhéanamh le hiarratasóirí ar an bhfón nó trí ríomhphost, agus cúnamh a chur ar fáil d’iarratasóirí (an dara leibhéal tacaíochta). Is iad na Eurodesk-anna náisiúnta a chuireann an chéad leibhéal tacaíochta ar fáil.
- É a chur ar a chumas don chonraitheoir údaraithe atá freagrach as na pasanna taistil a shannadh sonraí teoranta na n-iarratasóirí roghnaithe agus na n-iarratasóirí ar an liosta ionadaithe a fháil chun teagmháil a dhéanamh leo trí ríomhphost nó ar an bhfón.
- É a chur ar a gcumas do Ghníomhaireachtaí Náisiúnta Erasmus+ agus Eurodesk sonraí iarratasóirí roghnaithe agus iarratasóirí ar an liosta ionadaithe a rochtain ionas gur féidir leo teagmháil a dhéanamh leo trí ríomhphost nó ar an bhfón chun cuirí chuig imeachtaí a sheoladh chucu.
- Cumhdaítear gach gníomhaíocht phróiseála eile a bhaineann le Gníomhaíocht DiscoverEU le Taifead DPR-EC-38151.1.
Díorma na nIriseoirí Óga san Eoraip
- É a chur ar chumas an Choimisiúin Eorpaigh agus a phróiseálaí, Eurodesk Brussels Link, iarratais a fháil ó dhaoine óga ar mian leo a bheith páirteach sa díorma, baill an díorma a roghnú, imeachtaí a eagrú don díorma, cumarsáid a dhéanamh leis na hiriseoirí óga agus ailt a scríobhann iriseoirí óga a fhoilsiú ar Thairseach Eorpach na hÓige, ar shuíomhanna gréasáin an Choimisiúin Eorpaigh agus ar na meáin shóisialta Eurodesk. Osclaítear na hiarratais uair sa bhliain agus tá ábhar á tháirgeadh go gníomhach ag an díorma roghnaithe ar feadh tuairim is bliain amháin. Is é Eurodesk a bhainistíonn an díorma, a cruthaíodh den chéad uair le linn Bhliain Eorpach na hÓige in 2022. Cuireann na hiriseoirí óga ábhar bunaithe ar thuairimí ar fáil maidir le téamaí éagsúla spéise do dhaoine óga agus trí chineálacha éagsúla formáidí (airteagail, físeáin, podchraoltaí agus eile).

Breithnithe comónta:

Le haghaidh cuid de na gnéithe thuasluaite, reáchtálann Tairseach Eorpach na hÓige agus a bhfothairsigh comórtais ó am go chéile, ar féidir gur gá sonraí pearsanta a chur isteach mar gheall orthu. Tá rannpháirtíocht sna comórtais sin iomlán roghnach, agus cuirtear rannpháirtithe ionchasacha ar an eolas faoi aon impleachtaí a bhaineann le sonraí pearsanta sula gcuirfear aon rud isteach.

Chun rochtain a fháil ar fheidhmiúlachtaí áirithe, d’fhéadfaí go n-iarrfaí ar úsáideoirí logáil isteach agus iad féin a fhíordheimhniú sula mbeidh siad in ann na gnéithe sin a úsáid. Leis sin a dhéanamh, féadfaidh EYP Seirbhís Bainistíochta Aitheantais (IMS) an Choimisiúin Eorpaigh a úsáid, leis an gcóras EU Login. Tá Ráiteas Príobháideachais dá chuid féin ag an gcóras sin.

Ní phróiseálfaidh an Coimisiún Eorpach ná na heagraíochtaí a bhfuil sé de chúram orthu na feidhmeanna sin de chuid Thairseach Eorpach na hÓige a dhéanamh na sonraí pearsanta a bailíodh chun aon chríche seachas na críocha thuasluaite.

Ní úsáidfear do shonraí pearsanta le haghaidh cinnteoireacht uathoibrithe, próifíliú san áireamh.

Is iad seo a leanas príomhbhunúis dlí na próiseála a dhéantar ar shonraí pearsanta le haghaidh Thairseach Eorpach na hÓige: Rialachán (AE) 2021/888 lena mbunaítear an Cór Dlúthpháirtíochta Eorpach agus lena n-aisghairtear Rialacháin (AE) 2018/1475 agus (AE) Uimh. 375/2014, Rialachán (AE) 2021/817 lena mbunaítear an Clár Erasmus+ agus lena n-aisghairtear Rialachán (AE) Uimh. 1288/2013, agus Cinneadh ón gCoimisiún maidir le cláir oibre bhliantúla 2018, 2019 agus 2020 don réamhbheart ‘DiscoverEU: Pasanna taistil saor in aisce d’Eorpaigh atá ag slánú 18 mbliana d’aois’.

Déanaimid do shonraí pearsanta a phróiseáil ar na cúiseanna seo a leanas:

(a) is gá an phróiseáil a dhéanamh chun cúram a chur i gcrích a dhéantar ar mhaithe le leas an phobail nó le linn feidhmiú údaráis oifigiúil atá dílsithe don institiúid de chuid an Aontais nó don chomhlacht de chuid an Aontais;

(b) is gá an phróiseáil a dhéanamh chun oibleagáid dhlíthiúil a chomhlíonadh a bhfuil an rialaitheoir faoina réir;

(c) tá toiliú tugtha ag an ábhar sonraí a shonraí pearsanta a phróiseáil ar cheann amháin nó níos mó cúiseanna sonracha.

Tá na gníomhaíochtaí próiseála seo a leanas bunaithe ar thoiliú sainráite na rannpháirtithe:

Sonraí teagmhála na n-iarratasóirí (seoltaí ríomhphoist) a úsáid chun a chur ar a gcumas dóibh ríomhphoist agus fógraí eile a bhaineann le DiscoverEU agus le tionscnaimh eile atá dírithe ar an óige, cibé an tionscnaimh de chuid an Choimisiúin Eorpaigh iad nó nach iad, suirbhéanna agus modhanna eile chun aiseolas a bhailiú ó iarratasóirí san áireamh, chomh maith le cumarsáid, ábhar feachtais agus cuirí chuig imeachtaí a fháil ón gCoimisiún, ón nGníomhaireacht Feidhmiúcháin Eorpach um Oideachas agus Cultúr, ó Ghníomhaireachtaí náisúnta Erasmus+, ó Eurodesk agus ó eagraíochtaí eile atá údaraithe ag an gCoimisiún Eorpach (le toiliú).
É a chur ar a gcumas d’eagraíochtaí meán clóite, teilifíse nó raidió arna roghnú ag an gCoimisiún Eorpach teagmháil a dhéanamh le hiarratasóirí roghnaithe, tar éis do na hiarratasóirí sin a dtoiliú sainráite a thabhairt maidir leis sin.
Eolas a chur ar fáil le haghaidh alt, míreanna nuachta, imeachtaí agus scéalta. Déanann baill foirne Eurodesk i Nasc na Bruiséile agus baill foirne eagraíochtaí náisiúnta atá i líonra Eurodesk na sonraí sin a chur isteach agus a choinneáil de láimh. Tá taispeáint agus foilsiú sonraí pearsanta sna hailt, sna himeachtaí nuachta, sna himeachtaí nó sna scéalta sin faoi réir toil shainráite iad siúd lena mbaineann siad.

A luaithe a chláraíonn ábhair sonraí leis an gCór nó a dhéanann siad iarratas ar DiscoverEU, toilíonn siad leis go ndéanfar próiseáil ar a gcuid sonraí pearsanta chun na gcríoch a shainaithnítear thuas trí thic a chur i mbosca, bosca nach bhfuil tic ann go huathoibríoch. Maidir le hábhar a fhoilsítear ar Thairseach Eorpach na hÓige, tugtar toiliú ag baint úsáid as foirmeacha toilithe, foirmeacha a shínítear sula bhfoilsítear an t-ábhar.

Chun an oibríocht phróiseála sin a dhéanamh, bailíonn aonad AS.EAC.A.4 na catagóirí sonraí pearsanta seo a leanas:

Soláthar eolais
- Daoine as an bpobal a bhfuil baint acu le halt, imeacht nó mír nuachta: céadainm, sloinne, seoladh ríomhphoist.
- Baill foirne Eurodesk, Nasc na Bruiséile, nó baill foirne eagraíochtaí náisiúnta atá i líonra Eurodesk: céadainm, sloinne, seoladh ríomhphoist, tír.
An fhoirm chun cheist a chur
- Caithfidh daoine as an bpobal a chuireann ceist isteach tríd an bhfoirm shonrach a gcéadainm agus a seoladh ríomhphoist a thabhairt.
An Cór Dlúthpháirtíochta Eorpach
- Ní mór do dhaoine as an bpobal a shocraíonn dul isteach sa Chór an buneolas seo a leanas a chur ar fáil: céadainm, sloinne, dáta breithe, inscne, an tír ina bhfuil cónaí dleathach orthu, náisiúntacht, seoladh ríomhphoist, an teanga chumarsáide is rogha leo, na cineálacha gníomhaíochtaí de chuid an Chóir is suim leo, scileanna agus taithí, agus nóta lena gcuirtear in iúl go bhfuil glactha acu le Misean agus Prionsabail an Chóir.
- Tar éis dó céim tosaigh an chlárúcháin is gá chun dul isteach sa Chór a chur de, féadfaidh an duine i gceist eolas breise faoi féin a chur ar fáil go deonach, mar atá: seoladh poist, uimhreacha fóin, achoimre ar an oideachas a fuair sé agus ar a stair fostaíochta, eolas faoi obair dheonach atá déanta cheana aige, scileanna teanga, a mhéid a bheidh fáil air chun tabhairt faoi ghníomhaíochtaí de chuid an Chóir, an chúis ar mian leis obair a dhéanamh ar cheann de ghníomhaíochtaí an Chóir, na tíortha ba rogha leis dul chucu chun an obair sin a dhéanamh, a rogha gairm bheatha, aon eolas breise is mian leis an úsáideoir a sholáthar, pé acu an mian nó nach mian leis teachtaireachtaí ríomhphoist, nuachtlitreacha, fógraí agus cineálacha cumarsáide nach iad a fháil ón gCór. Nuair atá iarratas á dhéanamh ag an duine ar dheis a fhógraíonn eagraíocht, féadfaidh sé aon eolas breise atá á lorg ag eagraíochtaí a sholáthar freisin.
- Féadfaidh an duine sin a CV féin a uaslódáil i bhfoirm doiciméid, ar an tuiscint go ndéanfar gach a bhfuil d’eolas sa CV sin, sonraí teagmhála agus sonraí pearsanta eile san áireamh, a chur ar fáil d’ionadaithe na n-eagraíochtaí sin a bhfuil an t-údarú acu gníomhaíochtaí de chuid an Chóir a reáchtáil agus go bhféadfaidh siad úsáid a bhaint as ina bpróisis roghnúcháin chun cláraithe le haghaidh a ngníomhaíochtaí féin a roghnú.
- Beidh an Cór Dlúthpháirtíochta Eorpach ina ardán chun gur fusa eagraíochtaí agus daoine aonair a thabhairt le chéile agus ní dhéanfaidh AS EAC aon mheastóireacht ar gnéithe pearsanta an ábhair sonraí.
- Ionadaithe údaraithe na n-eagraíochtaí sin a bhfuil an t-údarú acu gníomhaíochtaí de chuid an Chóir a reáchtáil: céadainm, sloinne, ainm úsáideora, seoladh ríomhphoist, eagraíocht/eagraíochtaí a bhfuil an duine i dteideal iad a riar, nóta lena gcuirtear in iúl go bhfuil glactha aige le Misean agus Prionsabail an Chóir.
Bunachar sonraí d’eagraíochtaí agus de dheiseanna
- Daoine as an bpobal a bhfuil baint acu le heagraíochtaí de chuid an Chóir Dlúthpháirtíochta Eorpaigh a bhfuil Lipéad Cáilíochta acu: céadainm, sloinne, seoladh ríomhphoist.
- Bainisteoirí Eagraíochtaí: céadainm, sloinne, ainm úsáideora, seoladh ríomhphoist, eagraíocht/eagraíochtaí a bhfuil an duine i dteideal iad a riar.
DiscoverEU
a) Próiseálann an Coimisiún Eorpach na sonraí seo a leanas:
- Baill aonair nó ceannairí grúpaí a bheartaíonn iarratas a dhéanamh, ní mór dóibh bunshonraí pearsanta a chur ar fáil ina n-iarratas (is iad sin go sonrach: céadainm, sloinne, dáta breithe, inscne, an tír ina bhfuil cónaí dleathach orthu, náisiúntacht, seoladh ríomhphoist, uimhir aitheantais nó uimhir an phas, uimhir theileafóin, gairm bheatha). Tá an cheist chun a chur in iúl an bhfuil míchumas nó fadhb sláinte ag an iarratasóir roghnach. Ní mór d’iarratasóirí sraith ceisteanna a fhreagairt maidir le taisteal, amhail an tréimhse taistil atá uathu, más í seo an chéad uair dóibh a bheith ag taisteal chuig tír eile san Aontas, nó an chéad uair dóibh a bheith ag taisteal gan a dtuismitheoirí/gcúramóirí, más fearr leo taisteal leo féin nó le cairde, na rudaí ba mhaith leo a fhoghlaim ón eispéireas seo, na gníomhaíochtaí ba mhaith leo a dhéanamh le linn an turais, conas a íocfaidh siad as a gcostais, agus conas a fuair siad amach faoi thionscnamh DiscoverEU.
- Sa chás go gcuireann grúpa iarratas isteach, ní mór do cheannaire an ghrúpa an cineál céanna eolais a chur ar fáil, agus ina dhiaidh sin ginfear cód a úsáidfidh baill eile an ghrúpa chun a gcuid sonraí pearsanta a líonadh isteach.
b) féadfaidh an Coimisiún Eorpach na sonraí seo a leanas a chomhroinnt le conraitheoirí údaraithe agus le tríú páirtithe:
- Féadfar seoladh ríomhphoist agus uimhir fóin na n-iarratasóirí roghnaithe a chomhroinnt le heagraíochtaí meán arna roghnú ag an gCoimisiún Eorpach agus EACEA tar éis do na hiarratasóirí aontú go sainráite go bhféadfadh eagraíochtaí meán chomh maith le hIonadaíochtaí an Choimisiúin Eorpaigh agus Seirbhís Urlabhraí an Choimisiúin teagmháil a dhéanamh leo. A luaithe a aontóidh na hiarratasóirí a seolta ríomhphoist a thabhairt do na heagraíochtaí meán, ní mór dóibh a bheith ar an eolas go bhfuil siad faoi réir ráiteas príobháideachais na heagraíochta meán sonraí atá i gceannas.
- Féadfaidh an Coimisiún Eorpach agus an Ghníomhaireacht Feidhmiúcháin Eorpach um Oideachas agus Cultúr sonraí pearsanta iarratasóirí roghnaithe DiscoverEU a chomhroinnt (is iad sin go sonrach, ainm, seoladh ríomhphoist, uimhir fóin, dáta breithe, tír) lena gconraitheoir údaraithe atá i gceannas ar ghníomhaíochtaí cumarsáide, chun cuirí chuig imeachtaí a sheoladh nó ticéad taistil a chur in áirithe chun freastal ar imeacht, mar shampla.
- Féadfaidh an Coimisiún Eorpach agus an Ghníomhaireacht Feidhmiúcháin Eorpach um Oideachas agus Cultúr sonraí pearsanta iarratasóirí roghnaithe DiscoverEU a chomhroinnt (is iad sin go sonrach cód iarratais, aitheantas iarratasóra, céadainm, sloinne, inscne (má dhearbhaíonn an t-iarratasóir é), náisiúntacht, stádas roghnúcháin, cód réigiúin, teanga, dáta breithe, tír eisiúna an doiciméid aitheantais/an phas, uimhir aitheantais/an phas, tír chónaithe, cód poist, gairm bheatha, deimhniú an ann do riachtanais speisialta (ní iarrtar eolas sonrach leighis sa Tairseach), ríomhphost, fón, cód tíre, uimhir theileafóin, aitheantas struchtúrtha) leis an gconraitheoir údaraithe atá freagrach as na pasanna taistil agus na cártaí lascaine a shannadh chomh maith le ticéid eitilte nó ticéid iompair eile.
- Sonraí pearsanta na n-iarratasóirí a roghnaítear agus na n-iarratasóirí ar an liosta ionadaithe DiscoverEU (is iad sin go sonrach ainm, seoladh ríomhphoist, uimhir theileafóin, dáta breithe, tír), d’fhéadfadh an Coimisiún Eorpach agus an Ghníomhaireacht Feidhmiúcháin Eorpach um Oideachas agus Cultúr na sonraí sin a chomhroinnt le Gníomhaireachtaí Náisiúnta Erasmus+ chun cuirí chuig imeachtaí a sheoladh chucu.
Díorma na nIriseoirí Óga san Eoraip
- Ní mór do dhaoine aonair a dhéanann iarratas ar bheith mar chuid den Díorma an buneolas seo a leanas a sholáthar: céadainm, sloinne, tír chónaithe, náisiúntacht, dáta breithe. Agus a n-iarratas á gcur faoi bhráid Eurodesk acu, iarrtar orthu glacadh le beartas RGCS Eurodesk.
- Ní mór d’iriseoirí óga roghnaithe ar mian leo páirt a ghlacadh in imeachtaí i dtír eile, ar chuireadh ó Eurodesk nó ón gCoimisiún Eorpach, na sonraí pearsanta breise uile a chur ar fáil atá riachtanach chun go gcuirfidh Eurodesk a gcuid taistil agus lóistín in áirithe.
- Foilsítear ainm na n-iriseoirí óga in éineacht leis na hailt a scríobhann siad.
- Foilsítear beathaisnéis ghearr de na hiriseoirí óga, a ullmhaíonn siad féin, i rannán ar leith ar Thairseach Eorpach na hÓige.

Níl sé riachtanach sonraí pearsanta a sholáthar ach amháin chun na riachtanais a chomhlíonadh chun páirt a ghlacadh i gcláir DiscoverEU agus an Chóir Dlúthpháirtíochta Eorpaigh. Mura gcuirfidh tú do shonraí pearsanta ar fáil, ní bheidh cead agat páirt a ghlacadh sna cláir.

Ní choinníonn AS.EAC.B.3/EACEA do shonraí pearsanta ach amháin chomh fada is gá chun cuspóir an bhailithe a chomhlíonadh nó chun próiseáil bhreise a dhéanamh orthu.

Sonraí pearsanta atá in ailt, míreanna nuachta nó luaite le himeacht, cuirfear sa chartlann iad, maille leis an sliocht a bhfuil sé laistigh de, 2 bhliain ón dáta a mbainfear an sliocht den chóras.

Sonraí pearsanta i gcuntais úsáideoirí a cruthaíodh le haghaidh eagarthóirí agus údair a choinnítear i dTairseach Eorpach na hÓige, cuirfear sa chartlann iad 2 bhliain tar éis dháta logála isteach deiridh na n-úsáideoirí sin ar EYP leis na cuntais sin.

Sonraí pearsanta atá i gcuntais úsáideoirí an Chóir Dlúthpháirtíochta Eorpaigh, déanfar iad a scriosadh 3 bliana tar éis dóibh an uas-aois rannpháirtíochta sa Chór a bhaint amach, ach amháin sa chás gur thoiligh an t-úsáideoir dul isteach i scéim alumni a d'fhéadfadh a bheith ann an t-am sin, agus má tá sé ráite aige trí ríomhphost go bhfuil suim aige an cuntas úsáideora a choimeád nó má bhain sé tairbhe as cistiú ón Aontas trí pháirt a ghlacadh sa chlár, agus sa chás sin coinnítear na sonraí ar feadh 5 bliana ón idirbheart airgeadais deireanach de réir an liosta coinneála chomónta.

Scriosfar sonraí pearsanta atá in iarratais úsáideoirí nár roghnaíodh agus nár coinníodh le haghaidh DiscoverEU 2 bhliain tar éis na sprice chun iarratas a chur isteach a ghabhann leis an nglao ábhartha, ach amháin má tá suim léirithe acu eolas a fháil faoi sheirbhísí eile de chuid Thairseach Eorpach na hÓige, nó faoina bheith bainteach leo, agus sa chás sin, coinnítear na sonraí ar feadh 5 bliana ar a mhéad ón sprioc chun iarratas a chur isteach a ghabhann leis an nglao ábhartha ar rannpháirtíocht. Tar éis na tréimhse sin, déanfar a sonraí pearsanta a anaithnidiú agus ní choinneofar iad ach ar mhaithe le cúiseanna staitistiúla.

Na sonraí pearsanta atá in iarratais úsáideoirí a roghnaítear agus a choinnítear le haghaidh DiscoverEU, scriosfar iad 5 bliana tar éis na sprice chun iarratas a chur isteach a ghabhann leis an nglao ábhartha, nó déanfar iad a anaithnidiú murar spéis leis an úsáideoir tarraingt siar as an stádas ‘úsáideoir roghnaithe’ agus gan tairbhe a bhaint as maoiniú ón Aontas Eorpach tríd an tionscnamh, agus sa chás sin coinnítear na sonraí ar feadh 2 bhliain ar a mhéad tar éis na sprice chun iarratas a chur isteach a ghabhann leis an nglao ábhartha.

Mar sin féin, d’fhéadfaimis eolas anaithnid a choinneáil ar feadh tréimhse níos faide ar chúiseanna stairiúla, staitistiúla nó eolaíochta agus na cosaintí cuí i bhfeidhm.

Déantar na sonraí pearsanta uile atá i bhformáid leictreonach (ríomhphoist, doiciméid, bunachair sonraí, baisceanna sonraí uaslódáilte etc.) a stóráil ar fhreastalaithe an Choimisiúin Eorpaigh. Déantar na hoibríochtaí próiseála go léir de bhun Chinneadh (AE, Euratom) 2017/46 ón gCoimisiún an 10 Eanáir 2017 maidir le slándáil córas cumarsáide agus faisnéise sa Choimisiún Eorpach.

Tá conraitheoirí an Choimisiúin faoi cheangal clásail chonarthaigh shonraigh maidir le próiseáil ar bith a dhéantar ar do chuid sonraí thar ceann an Choimisiúin, agus tá siad faoi cheangal oibleagáidí rúndachta a thagann as an Rialachán Ginearálta maidir le Cosaint Sonraí (‘RGCS’ Rialachán (AE) 2016/679).

An Cór Dlúthpháirtíochta Eorpach:

Nuair a shínigh sí an Ráiteas Príobháideachais Sonrach sin, thoiligh eagraíocht a bhfuil an t-údarú aici gníomhaíochtaí de chuid an Chóir a reáchtáil gan córais TF an Chóir Dlúthpháirtíochta Eorpaigh a úsáid ach amháin chun teacht ar chláraithe an Chóir le haghaidh gníomhaíochtaí, teagmháil a dhéanamh leis na cláraithe sin agus tairiscintí de ghníomhaíochtaí a thabhairt dóibh. Is féidir gur gníomhaíochtaí iad seo atá á ndéanamh ag an eagraíocht as a stuaim féin nó ar thionscnamh eagraíochta eile a bhfuil an eagraíocht údaraithe ag gníomhú go hoifigiúil thar a ceann.

Is é sin le rá, gabhfaidh an eagraíocht údaraithe uirthi féin bearta slándála teicniúla agus oibríochtúla a dhéanamh chun aghaidh a thabhairt ar an riosca a bhaineann leis an gcaoi a bpróiseálann siad sonraí pearsanta na gcláraithe, agus é sin ar mhaithe leis na nithe seo a leanas:

aon duine neamhúdaraithe a chosc ar rochtain a fháil ar na ríomhchórais lena ndéantar próiseáil ar shonraí pearsanta, agus go háirithe mar a bhaineann sin le
- léamh, cóipeáil, athrú nó baint neamhúdaraithe meán stórála;
- ionchur neamhúdaraithe sonraí mar aon le haon nochtadh, athrú nó scriosadh neamhúdaraithe sonraí pearsanta atá stóráilte;
- daoine neamhúdaraithe a chosc ar chórais phróiseála sonraí a úsáid le cabhair saoráidí tarchurtha sonraí;
deimhin a dhéanamh de nach mbeidh rochtain ar na sonraí pearsanta atá ceadaithe dóibh faoin gcead rochtana atá acu ach ag úsáideoirí údaraithe córais phróiseála sonraí;
taifead a dhéanamh de na sonraí pearsanta faoi leith a roinneadh, cathain agus cé dó é sin;
deimhin a dhéanamh de go bhfuil sonraí pearsanta á bpróiseáil de réir na bhforálacha maidir le cosaint sonraí atá leagtha síos i reachtaíocht náisiúnta an Bhallstáit féin;
deimhin a dhéanamh de nach féidir sonraí a léamh, a chóipeáil ná a scriosadh gan údarú fad is a bheidh sonraí pearsanta á roinnt nó fad is a bheidh meáin stórála á n-iompar;
a struchtúr eagraíochtúil a dhearadh ar chaoi a ligfidh di na ceanglais maidir le cosaint sonraí a chomhlíonadh.

Chun do shonraí pearsanta a chosaint, tá roinnt bearta teicniúla agus eagraíochtúla curtha i bhfeidhm ag an gCoimisiún. Ar na bearta teicniúla sin, tá gníomhaíochtaí iomchuí chun dul i ngleic le slándáil ar líne, leis an riosca go gcaillfí sonraí, go ndéanfaí sonraí a athrú nó go bhfaighfí rochtain neamhúdaraithe orthu, i bhfianaise an riosca atá i gceist leis an bpróiseáil agus i bhfianaise na gcineálacha sonraí pearsanta atá á bpróiseáil. Ar na bearta eagraíochtúla, tá rochtain ar na sonraí pearsanta a theorannú do dhaoine údaraithe amháin a bhfuil gá dlisteanach acu leo chun críocha na hoibríochta próiseála seo.

Tugtar rochtain ar do shonraí pearsanta do na baill foirne de chuid an Choimisiúin atá freagrach as an oibríocht phróiseála sin a fheidhmiú agus do na baill foirne atá údaraithe de réir an phrionsabail ‘ar bhonn riachtanais eolais’. Tá ceangal ar na baill foirne sin cloí le comhaontuithe dlíthiúla rúndachta, agus nuair is gá, le comhaontuithe rúndachta breise.

Soláthar eolais
- Tá radharc ag an bpobal ar na sonraí teagmhála ábhartha a bhaineann le haon duine ar chuir eagarthóir údaraithe de chuid EYP ainm an duine sin le halt, le mír nuachta nó le hócáid – mar shampla ainm an teagmhálaí phoiblí a luaitear le hócáid nó le mír nuachta.
- Tá rochtain ag baill foirne Eurodesk i Nasc na Bruiséile agus ag baill foirne eagraíochtaí náisiúnta atá i líonra Eurodesk ar na sonraí sin freisin.
- Tá rochtain freisin ar an eolas sin ag riarthóirí EYP.
An fhoirm chun cheist a chur
- Beidh rochtain ag Eurodesk, Nasc na Bruiséile, líona na n-eagraíochtaí náisiúnta Eurodesk agus riarthóirí EYP ar na sonraí teagmhála.
An Cór Dlúthpháirtíochta Eorpach
- Beidh radharc ag an bpobal ar shonraí teagmhála ionadaithe údaraithe ó eagraíochtaí a bhfuil an t-údarú acu gníomhaíochtaí de chuid an Chóir a reáchtáil más í an eagraíocht féin a chuir an t-eolas sin leis an bpróifíl atá aige a fhoilsítear ar leathanaigh ghréasáin an Chóir.
- Is féidir le cláraithe an Chóir breathnú ar a sonraí pearsanta agus iad a thabhairt cothrom le dáta ach logáil isteach sa chuntas atá acu don Chór Dlúthpháirtíochta Eorpach. Tá siad freagrach as cáilíocht a gcuid sonraí féin agus tá sé de cheart acu a gcuntas a scriosadh ag am ar bith.
- Tá rochtain ar shonraí pearsanta a bhaineann le cláraithe de chuid an Chóir ag ionadaithe údaraithe eagraíochtaí a bhfuil an t-údarú acu gníomhaíochtaí de chuid an Chóir a reáchtáil.
- Sonraí pearsanta chláraithe an Chóir, tá rochtain ag na Gníomhaireachtaí Náisiúnta atá freagrach as Erasmus+ a chur chun feidhme orthu mar aon leis an gCór Dlúthpháirtíochta Eorpach chun cúnamh a chur ar fáil d’ionadaithe údaraithe eagraíochtaí, sin agus chun seiceálacha, iniúchtaí agus meastóireachtaí a dhéanamh ar thionscadail a fhaigheann tacaíocht ón Aontas agus ina bhfuil na cláraithe páirteach.
- Tá rochtain ag riarthóirí an Chóir agus ag riarthóirí na gclár éagsúla de chuid an Aontais trína gcuireann eagraíochtaí údaraithe gníomhaíochtaí de chuid an Chóir Dlúthpháirtíochta Eorpaigh ar fáil, ar shonraí pearsanta chláraithe an Chóir freisin.
- Is féidir sonraí pearsanta a chomhroinnt le seirbhísí eile de chuid an Choimisiúin Eorpaigh a bhféadfadh suim a bheith acu teagmháil a dhéanamh leis na cláraithe.
- Is féidir sonraí pearsanta na n-iarrthóirí roghnaithe a chomhroinnt le heagraíochtaí meán clóite, teilifíse nó raidió arna roghnú ag an gCoimisiún Eorpach tar éis do na hiarratasóirí aontú leis sin go sainráite.
- Féadfar sonraí pearsanta teoranta de chuid chláraithe an Chóir (céadainm, sloinne, dáta breithe, tír chónaithe, náisiúntacht, seoladh ríomhphoist) a sheoladh chuig uirlisí eile atá faoi bhainistiú AS EAC agus a bhfuil rochtain ag eagraíochtaí údaraithe, Gníomhaireachtaí Náisiúnta agus riarthóirí an Chóir orthu.
- Seolfar sonraí pearsanta chláraithe an Chóir (céadainm, sloinne, dáta breithe, tír chónaithe, náisiúntacht, seoladh ríomhphoist, inscne) chuig conraitheoir an Chóir Dlúthpháirtíochta Eorpaigh chun cumhdach árachais chláraithe an Chóir Dlúthpháirtíochta Eorpaigh a bhainistiú. Tá an Fógra um Chosaint Sonraí maidir le hárachas Henner bailí do thionscadail atá ar siúl faoi CAI reatha 2021-2027 ar thosaigh an 7 Feabhra 2023.
- Seolfar sonraí pearsanta teoranta rannpháirtithe an Chóir (céadainm, sloinne, dáta breithe, seoladh ríomhphoist, tír chónaithe) chuig uirlis sheachtrach ‘Youthpass’ chun go mbeidh rannpháirtithe in ann taifead a dhéanamh dá dtorthaí foghlama neamhfhoirmiúla más mian leo.
- Seolfar sonraí pearsanta teoranta de chuid chláraithe/rannpháirtithe an Chóir (céadainm, sloinne, seoladh ríomhphoist, ainm úsáideora EU Login, teanga teagmhála, tír chónaithe, cathair (má shainmhínítear í)) ar spéis leo na Cúrsaí Oiliúna Ginearálta nó na cúrsaí san Obair Dheonach i réimse na Cabhrach Daonnúla a leanúint, chuig ardán Acadamh an Aontais chun go mbeidh rochtain ag cláraithe/rannpháirtithe ar na cúrsaí sin. Cuirfear cláraithe an Chóir ar an eolas faoin bhFógra um Chosaint Sonraí maidir leis an Oiliúint Ghinearálta Ar Líne sula n-aistreofar a gcuid sonraí ó EYP chuig ardán Acadamh an Aontais. Tá Ráiteas Príobháideachais dá chuid féin ag an ardán, atá le fáil ar an leathanach gréasáin. Ina theannta sin, tar éis do chláraithe an Chóir Dlúthpháirtíochta Eorpaigh spéis a léiriú in Obair Dheonach i réimse na Cabhrach Daonnúla, beidh an deis acu oiliúint shonrach a dhéanamh ar ardán Acadamh an Aontais, a mbeidh rochtain acu air trína bpróifíl don Chór. Cuirfear cláraithe an Chóir ar an eolas faoin bhFógra um Chosaint Sonraí maidir leis an Oiliúint i réimse na Cabhrach Daonnúla sula n-aistreofar a gcuid sonraí ó EYP chuig ardán Acadamh an Aontais Eorpaigh.
- Beidh rochtain ag riarthóirí an Chóir ar an ábhar arna ghiniúint ag an úsáideoir féin agus ar nótaí tráchta arna bpostáil ag cláraithe an Chóir faoina n-eispéireas leis an gCór.
- Sonraí pearsanta teoranta rannpháirtithe an Chóir (is iad sin: céadainm, sloinne, Uimhir Chlárúcháin Rannpháirtí, inscne, seoladh ríomhphoist, náisiúntacht, tír agus cathair/baile chónaithe, cód poist, dáta tosaigh agus deiridh an imscartha, tír agus cathair/baile an tsocrúcháin; Tacaíocht agus óstáil a eagrú don rannpháirtí: beidh rochtain ag Toscaireachtaí an Aontais ar uimhir aitheantais an rannpháirtí, cód aitheantais an rannpháirtí, ainm agus tír) ionas gur féidir leo teagmháil a dhéanamh le saorálaithe go tapa i gcás éigeandálaí slándála agus cuireadh a thabhairt dóibh chuig imeachtaí.
Bunachar sonraí d’eagraíochtaí agus de dheiseanna
- Sonraí teagmhála pearsanta daoine a bhfuil baint acu le heagraíochtaí de chuid an Chóir Dlúthpháirtíochta Eorpaigh a bhfuil Lipéad Cáilíochta acu, ar deiseanna iad ar féidir leis an bpobal i gcoitinne breathnú orthu.
- Is féidir le hionadaithe údaraithe eagraíochtaí de chuid an Chóir Dlúthpháirtíochta Eorpaigh rochtain a fháil ar shonraí teagmhála pearsanta daoine a bhfuil baint acu leis na heagraíochta sonracha sin agus lena gcuid tionscadal.
DiscoverEU
- Tá rochtain freisin ag riarthóirí DiscoverEU ar shonraí pearsanta iarratasóirí.
- Is féidir sonraí pearsanta teoranta na n-iarratasóirí roghnaithe agus na n-iarratasóirí ar an liosta ionadaithe a rochtain nó a chomhroinnt le Gníomhaireachtaí Náisiúnta Erasmus+ agus Eurodesk.
- Is féidir sonraí pearsanta na n-iarratasóirí roghnaithe agus na n-iarratasóirí ar an liosta ionadaithe a chomhroinnt leis an gconraitheoir údaraithe atá freagrach as na pasanna taistil a shannadh.
- Is féidir sonraí pearsanta a chomhroinnt le seirbhísí eile de chuid an Choimisiúin Eorpaigh agus na Gníomhaireachta Feidhmiúcháin Eorpaí um Oideachas agus Cultúr a bhféadfadh suim a bheith acu teagmháil a dhéanamh leis na cláraithe (le toiliú).
- Féadfaidh an Coimisiún Eorpach/an Ghníomhaireacht Feidhmiúcháin Eorpach um Oideachas agus Cultúr teagmháil a dhéanamh le hiarratasóirí trí ríomhphost nó ar an bhfón.
- Féadfaidh Gníomhaireachtaí Náisiúnta Erasmus+, Eurodesk, an conraitheoir údaraithe atá freagrach as na pasanna taistil a shannadh agus eagraíochtaí eile atá údaraithe ag an gCoimisiún Eorpach ag an nGníomhaireacht Feidhmiúcháin Eorpach um Oideachas agus Cultúr dul i dteagmháil le hiarratasóirí roghnaithe agus iarratasóirí ar an liosta ionadaithe trí ríomhphost nó ar an bhfón.
Díorma na nIriseoirí Óga san Eoraip
- Faigheann an Coimisiún Eorpach agus Eurodesk Brussels Link, soláthraí seirbhíse an Choimisiúin a ghníomhaíonn mar phróiseálaí, sonraí pearsanta na n-iarratasóirí agus na n-iriseoirí óga roghnaithe.
- Feicfidh an pobal i gcoitinne ainm agus beathaisnéis ghearr na n-iriseoirí óga sna hailt a scríobh siad agus sa i rannán tiomnaithe ar Thairseach Eorpach na hÓige.
- Is féidir sonraí pearsanta teoranta a chomhroinnt le seirbhísí eile de chuid an Choimisiúin Eorpaigh, le Eurodesks Náisiúnta agus le Gníomhaireachtaí Náisiúnta le haghaidh Erasmus+ agus an Chóir Dlúthpháirtíochta Eorpaigh, a bhféadfadh suim a bheith acu teagmháil a dhéanamh leis na hiriseoirí óga (ar thoiliú a fháil).

Ina theannta sin, beidh rochtain ag na dreamanna seo a leanas ar shonraí pearsanta:

Baill foirne na n-aonad AS EAC/EACEA atá freagrach as seirbhísí a chur chun feidhme trí Thairseach Eorpach na hÓige agus atá freagrach as an gCór Dlúthpháirtíochta Eorpach agus DiscoverEU a chur chun feidhme.
Foireann aonad ríomhaireachta (TF) Ard-Stiúrthóireacht an Oideachais agus an Chultúir (AS EAC).
Foireann ó Sheirbhísí inniúla eile de chuid an Choimisiúin Eorpaigh atá comhfhreagrach as seirbhísí a chur chun feidhme trí Thairseach Eorpach na hÓige.

Féadfar iad a nochtadh, más gá, do na daoine seo:

Foireann Struchtúr Iniúchta Inmheánaigh AS EAC
Foireann AS IAS
Foireann OLAF

Féadfaidh na próiseálaithe seo a leanas arna n-údarú ag an gCoimisiún Eorpach sonraí pearsanta a rochtain:

Eurodesk, Nasc na Bruiséile;
Eagraíochtaí Náisiúnta Eurodesk;
eagraíochtaí údaraithe de chuid an Chóir Dlúthpháirtíochta Eorpaigh;
conraitheoir árachais an Chóir Dlúthpháirtíochta Eorpaigh;
Grúpaí Oibre Náisiúnta Idirphlé Óige an Aontais Eorpaigh;
Conraitheoirí DiscoverEU;
Gníomhaireachtaí Náisiúnta Erasmus+ agus an Cór Dlúthpháirtíochta Eorpach (an Líona RAY san áireamh);
fophróiseálaithe údaraithe na nÚdarás Náisiúnta;
Toscaireachtaí an Aontais Eorpaigh.

Tá sonraí teagmhála na bpróiseálaithe seachtracha sin ar fáil ag an nasc seo a leanas: https://youth.europa.eu/privacy/external-processors_ga.

Chomh maith leis sin, feidhmíonn AS EAC agus an Ghníomhaireacht Feidhmiúcháin Eorpach um Oideachas agus Cultúr mar chomhrialaitheoirí maidir le DiscoverEU toisc go ndéanann siad próiseáil chomhpháirteach ar shonraí pearsanta na n-iarratasóirí a chuireann iarratas isteach ar Thairseach Eorpach na hÓige chun pasanna taistil DiscoverEU a fháil.

Aistriú idirnáisiúnta sonraí:

Aistrítear sonraí pearsanta chláraithe an Chóir chuig eagraíochtaí ó thríú tíortha lasmuigh den Aontas/LEE a bhfuil Lipéad Cáilíochta an Chóir Dlúthpháirtíochta Eorpaigh (tíortha an chláir agus tíortha comhpháirtíochta) orthu ach nach bhfuil aon chinneadh leordhóthanachta déanta ina leith (chuig tíortha an chláir san áireamh – an Tuirc, an tSeirbia agus an Mhacadóin Thuaidh). Sa chás sin, beidh leibhéal cosanta do shonraí pearsanta ag brath ar dhlí nó ar chleachtas an tríú tír sin. Mar sin féin, d’fhéadfadh sé nach mbeadh do chearta maidir le cosaint sonraí coibhéiseach leis na cearta atá agat i dtír den Aontas/LEE nó i dtír a bhfuil cinneadh leordhóthanachta déanta ina leith.

Ráiteas Príobháideachais Sonrach – Tairseach Eorpach na hÓige

Want to give your feedback about this page?

Déan teagmháil leis an Aontas Eorpach

Na meáin shóisialta

Fógraí Dlíthiúla

Institiúidí an Aontais Eorpaigh