Stqarrija ta’ privatezza speċifika – il-Portal Ewropew taż-Żgħażagħ

Il-Kummissjoni Ewropea (minn hawn ’il quddiem “il-Kummissjoni”) hija marbuta li tipproteġi d-data personali tiegħek u tħares il-privatezza tiegħek. Il-Kummissjoni tiġbor u tipproċessa b’mod ulterjuri d-data personali skont ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data (li jħassar ir-Regolament (KE) Nru 45/2001).

Din l-istqarrija tal-privatezza tispjega għalfejn nipproċessaw id-data personali tiegħek, il-mod kif niġbru u nittrattaw id-data personali kollha li tingħata u kif niżguraw il-protezzjoni tagħha, kif tintuża dik l-informazzjoni, u x’inhuma d-drittijiet tiegħek b’rabta mad-data personali tiegħek. Tispeċifika wkoll id-dettalji ta’ kuntatt tal-Kontrollur tad-Data responsabbli li tista’ teżerċita d-drittijiet tiegħek miegħu, kif ukoll tal-Uffiċjal tal-Protezzjoni tad-Data u tal-Kontrollur Ewropew għall-Protezzjoni tad-Data.

L-informazzjoni relatata mal-operazzjoni ta’ pproċessar DPR-EC-00371.7, rigward il-Portal Ewropew taż-Żgħażagħ (EYP) u s-servizzi online assoċjati tiegħu bħal siti web u applikazzjonijiet tal-mowbajl, imwettqa mid-Direttorat Ġenerali għall-Edukazzjoni, iż-Żgħażagħ, l-Isport u l-Kultura/ Direttorat A – Strateġija ta’ Politika, Intelligence tal-Pajjiżi u Żgħażagħ/ Unità A.4 – Żgħażagħ u Ġustizzja Interġenerazzjonali (DĠ.EAC.A.4), hija ppreżentata hawn taħt.

L-iskop tal-operazzjoni ta’ pproċessar: Id-DG.EAC.A.4 jiġbor u juża data personali biex jipprovdi informazzjoni u opportunitajiet liż-żgħażagħ fl-Ewropa kollha madwar it-temi tal-Programmi taż-Żgħażagħ tal-UE.

L-għanijiet tal-ġbir tad-data huma:

• L-għoti ta’ informazzjoni

  • Li tiġi pprovduta informazzjoni ta’ kuntatt (fil-forma ta’ ismijiet u / jew indirizzi tal-email ta’ persuni assoċjati ma’ artikli, avvenimenti, jew aħbarijiet) lill-membri tal-pubbliku.

  • Li jiġi permess lill-utenti awtorizzati jirreġistraw mal-EYP bħala awturi / edituri, u li tingħata għajnuna teknika meta jkun hemm bżonn.

• Il-formola “Staqsi mistoqsija”

  • Li l-individwi jkunu jistgħu jistaqsu mistoqsija permezz tal-Portal Ewropew taż-Żgħażagħ u jirċievu tweġiba mingħand il-Eurodesk Brussels Link, in-network tal-Eurodesk u/jew l-amministraturi tal-Portal Ewropew taż-Żgħażagħ.

• Il-Korp Ewropew ta’ Solidarjetà

  • Li ż-żgħażagħ ikunu jistgħu jirreġistraw biex jipparteċipaw fil-Korp billi jipprovdu l-informazzjoni bażika u d-dettalji ta’ kuntatt tagħhom. Li r-reġistranti tal-Korp ikunu jistgħu wkoll volontarjament jipprovdu informazzjoni ta’ kuntatt addizzjonali, id-dettalji dwar il-preferenzi tagħhom għat-tipi ta’ attivitajiet li jkunu interessati fihom, kif ukoll il-ħiliet u l-esperjenza li jistgħu jikkontribwixxu bihom fl-attivitajiet, sommarju tal-edukazzjoni u l-impjieg tagħhom u kwalunkwe esperjenza ta' volontarjat preċedenti.

  • Li r-reġistranti tal-Korp ikunu jistgħu jirċievu emails, newsletters u notifiki oħrajn relatati mal-Korp u ma’ inizjattivi oħrajn tal-Kummissjoni Ewropea / mhux tal-Kummissjoni Ewropea, kif ukoll stħarriġ u metodi oħrajn ta’ ġbir ta’ feedback mir-reġistranti. Hu possibbli għar-reġistranti tal-Korp li jiddefinixxu liema komunikazzjonijiet jixtiequ jirċievu.

  • Li l-Korp ikun jista’ jipprovdi opportunitajiet ta’ taħriġ għar-reġistranti tal-Korp.

  • Li r-reġistranti tal-Korp jagħtu feedback dwar is-servizzi u l-proċessi.

  • Li l-parteċipanti tal-Korp ikunu jistgħu jirreġistraw l-eżiti tat-tagħlim mhux formali tagħhom fl-għodda esterna “Youthpass”.

  • Li r-rappreżentanti awtorizzati ta' organizzazzjonijiet awtorizzati jitħallew imexxu l-attivitajiet tal-Korp biex iżommu l-profili tal-organizzazzjonijiet tagħhom, inklużi l-ismijiet u l-kunjomijiet u/jew l-indirizzi tal-emails ta’ nies assoċjati mal-organizzazzjonijiet u l-attivitajiet tal-Korp tagħhom.

  • Li r-rappreżentanti awtorizzati tal-organizzazzjonijiet awtorizzati jkunu jistgħu jmexxu l-attivitajiet tal-Korp, biex ifittxu fil-bażi tad-data tar-reġistranti tal-Korp biex isibu voluntiera potenzjali għall-attivitajiet tal-Korp, billi jqabblu d-dettalji tal-attività proposta mad-data personali u l-preferenzi pprovduti mir-reġistranti tal-Korp.

  • Li dawn ir-rappreżentanti awtorizzati jkunu jistgħu jikkuntattjaw il-kandidati magħżulin, jekk dawn il-kandidati reġistrati jaqblu li jiġu kkuntattjati mill-organizzazzjoni.

  • Li dawn ir-rappreżentanti awtorizzati jkunu jistgħu joffru attivitajiet speċifiċi għall-kandidati reġistrati tal-Korp, u jimmaniġġjaw l-offerti li saru.

  • Li l-amministraturi tal-Korp ikunu jistgħu jimmaniġġjaw il-bażi tad-data tar-reġistranti tal-Korp u jipprovdu assistenza lir-reġistranti tal-Korp.

  • Li l-Aġenziji Nazzjonali responsabbli għall-implimentazzjoni tal-Erasmus+ u tal-Korp Ewropew ta’ Solidarjetà jkunu jistgħu jwettqu l-kontrolli, l-awditi u l-evalwazzjonijiet tal-proġetti li jirċievu appoġġ mill-UE li fihom huma involuti r-reġistranti u jipprovdu assistenza lir-rappreżentanti awtorizzati tal-organizzazzjonijiet permezz tal-aċċess limitat għall-bażi tad-data tal-Korp.

  • Li l-amministraturi tal-Korp ikunu jistgħu jimmaniġġjaw attivitajiet tal-Korp u l-proċessi ta’ tiftix/tqabbil tal-Korp u jipprovdu assistenza lir-rappreżentanti awtorizzati tal-organizzazzjonijiet awtorizzati li jmexxu attivitajiet tal-Korp.

  • Li l-amministraturi tal-Korp u partijiet oħrajn fdati jkunu jistgħu jibagħtu informazzjoni u notifiki dwar il-Korp u attivitajiet relatati oħrajn lir-reġistranti tal-Korp u r-rappreżentanti awtorizzati tal-organizzazzjonijiet.

  • Li l-amministraturi tal-Korp ikunu jistgħu janalizzaw id-data dwar ir-reġistranti u janalizzaw il-feedback tagħhom.

  • Li d-Delegazzjonijiet tal-UE jkunu jistgħu jiġu infurmati dwar il-parteċipanti tal-Korp skjerati fil-pajjiżi fejn jinsabu dawn id-Delegazzjonijiet permezz ta’ aċċess limitat għall-bażi tad-data tal-Korp.

• Il-bażi tad-data ta’ organizzazzjonijiet u opportunitajiet

  • Li tiġi pprovduta informazzjoni ta’ kuntatt (fil-forma ta’ ismijiet u kunjomijiet u/jew indirizzi tal-email ta’ persuni assoċjati ma’ organizzazzjonijiet tal-Korp Ewropej ta’ Solidarjetà b’Tikketta tal-Kwalità) lill-membri tal-pubbliku.

  • Li l-organizzazzjonijiet tal-Korp Ewropew ta’ Solidarjetà b’Tikketta tal-Kwalità jkunu jistgħu jimmaniġġjaw id-dettalji ta’ kuntatt ippubblikati tal-organizzazzjonijiet tagħhom.

  • Li l-organizzazzjonijiet tal-Korp Ewropew ta’ Solidarjetà b’Tikketta tal-Kwalità jkunu jistgħu jirreklamaw l-opportunitajiet tagħhom lill-kandidati potenzjali u jippermettu liż-żgħażagħ jikkuntattjaw lil dawn l-organizzazzjonijiet.

  • Li l-amministraturi tal-Portal Ewropew taż-Żgħażagħ ikunu jistgħu jipprovdu assistenza teknika lill-organizzazzjonijiet.

• DiscoverEU

  • Li ż-żgħażagħ ikunu jistgħu japplikaw għall-inizjattiva billi jipprovdu l-informazzjoni personali bażika tagħhom, id-dettalji ta’ kuntatt, kif ukoll informazzjoni addizzjonali relatata mal-ivvjaġġar. 
  • Li l-applikanti jitħallew jirċievu emails u notifiki oħra relatati ma’ DiscoverEU u ma’ inizjattivi oħra tal-Kummissjoni Ewropea/mhux tal-Kummissjoni Ewropea mmirati lejn iż-żgħażagħ, inkluż stħarriġ u metodi oħra ta’ ġbir ta’ feedback mill-applikanti, kif ukoll komunikazzjoni, materjali tal-kampanja u stediniet għal avvenimenti, mill-Kummissjoni Ewropea, mill-EACEA, mill-Aġenziji Nazzjonali tal-Erasmus+, mill-Eurodesk u minn organizzazzjonijiet oħra awtorizzati mill-Kummissjoni Ewropea (b’kunsens).
  • Li l-amministraturi ta’ DiscoverEU jitħallew ikollhom aċċess għad-data maħżuna online tal-applikanti, jipproċedu bl-għażla tal-applikanti, janalizzaw id-data u l-feedback mill-applikanti, jikkuntattjaw lill-applikanti bit-telefown jew bil-posta elettronika, u jipprovdu assistenza lill-applikanti (it-tieni livell ta’ appoġġ). L-ewwel livell ta’ appoġġ isir mill-Eurodesks Nazzjonali.
  • Li l-kuntrattur awtorizzat jitħalla jkun responsabbli għall-attribuzzjoni tal-passes tal-ivvjaġġar biex jirċievi data limitata ta’ applikanti magħżula u applikanti fil-lista ta’ riżerva sabiex jikkuntattjahom bil-posta elettronika jew bit-telefown.
  • Li l-Aġenziji Nazzjonali tal-Erasmus+ u l-Eurodesk jitħallew ikollhom aċċess għad-data tal-applikanti magħżula u tal-applikanti fil-lista ta’ riżerva sabiex ikunu jistgħu jikkuntattjawhom bil-posta elettronika jew bit-telefown għall-fini li jibagħtu stediniet għal avvenimenti.
  • L-attivitajiet ta’ pproċessar l-oħra kollha relatati mal-Azzjoni ta’ DiscoverEU huma koperti mir-Rekord DPR-EC-38151.1.

• Il-Grupp ta’ Ġurnalisti Żgħażagħ fl-Ewropa

  • Li l-Kummissjoni Ewropea u l-proċessur tagħha, l-Eurodesk Brussels Link, ikunu jistgħu jirċievu applikazzjonijiet mingħand żgħażagħ li jkunu jixtiequ jkunu parti mill-grupp, jagħżlu l-membri għall-grupp, jorganizzaw avvenimenti għall-grupp, jikkomunikaw mal-ġurnalisti żgħażagħ u jippubblikaw artikli miktuba mill-ġurnalisti żgħażagħ fil-Portal Ewropew taż-Żgħażagħ, fil-websites tal-Kummissjoni Ewropea, u fil-midja soċjali tal-Eurodesk. L-applikazzjonijiet jiftħu darba fis-sena u l-grupp magħżul jipproduċi l-kontenut b’mod attiv għal madwar sena. Il-grupp, li nħoloq għall-ewwel darba matul is-Sena Ewropea taż-Żgħażagħ fl-2022, huwa mmaniġġjat mill-Eurodesk. Il-ġurnalisti żgħażagħ jipproduċu kontenut ibbażat fuq fehemthom dwar diversi temi ta’ interess għaż-żgħażagħ u permezz ta’ tipi differenti ta’ formati (artikli, filmati, podcasts, u oħrajn). 

Kunsiderazzjonijiet komuni:

Għal uħud mill-karatteristiċi msemmijin hawn fuq, il-Portal Ewropew taż-Żgħażagħ u s-subportals tiegħu jorganizzaw, minn żmien għal żmien, kompetizzjonijiet, li jistgħu jeħtieġu s-sottomissjoni ta’ data personali. Il-parteċipazzjoni f’kompetizzjonijiet bħal dawn hi fakultattiva għalkollox; il-parteċipanti prospettivi huma infurmati dwar kwalunkwe implikazzjoni ta’ data personali qabel is-sottomissjoni.

Biex jaċċessaw xi funzjonalitajiet, l-utenti jistgħu jintalbu jagħmlu l-login u jawtentikaw ruħhom qabel ma jkunu jistgħu jużaw xi wħud minn dawn il-karatteristiċi. Biex jagħmel dan, il-Portal Ewropew taż-Żgħażagħ jista’ juża s-Sistema ta' Ġestjoni tal-Identità (IMS) tal-Kummissjoni Ewropea, permezz tas-sistema ta' EU Login. Dik is-sistema għandha l-Istqarrija ta’ Privatezza tagħha stess.

Il-Kummissjoni Ewropea u l-organizzazzjonijiet responsabbli għall-implimentazzjoni tal-karatteristiċi tal-Portal Ewropew taż-Żgħażagħ mhuma se jipproċessaw id-data personali miġbura għal ebda skop ieħor għajr dawk deskritti hawn fuq.

Id-data personali tiegħek mhijiex se tintuża biex jittieħdu deċiżjonijiet b’mod awtomatizzat, inkluż it-tfassil ta’ profili.

Il-bażijiet legali ewlenin għall-ipproċessar tad-data personali għall-Portal Ewropew taż-Żgħażagħ huma r-Regolament (UE) 2021/888 li jistabbilixxi l-programm tal-Korp Ewropew ta’ Solidarjetà u li jħassar ir-Regolamenti (UE) 2018/1475 u (UE) Nru 375/2014, ir-Regolament (UE) 2021/817 li jistabbilixxi l-programm Erasmus+ u li jħassar ir-Regolament (UE) Nru 1288/2013, u d-Deċiżjoni tal-Kummissjoni Ewropea dwar il-programmi ta’ ħidma annwali tal-2018, l-2019 u l-2020 għall-azzjoni preparatorja “DiscoverEU: Pass tal-ivvjaġġar b’xejn għall-Ewropej li jagħlqu t-18-il sena”.

Nipproċessaw id-data personali tiegħek għax: 

(a) l-ipproċessar ikun meħtieġ għat-twettiq ta’ xi kompitu li jsir fl-interess pubbliku jew fl-eżerċizzju ta’ awtorità uffiċjali mogħtija lill-istituzzjoni jew lill-korp tal-Unjoni;

(b) l-ipproċessar ikun meħtieġ għall-konformità ma’ obbligu legali li l-kontrollur hu soġġett għalih;

(c) is-suġġett tad-data jkun ta l-kunsens għall-ipproċessar tad-data personali tiegħu għal skop speċifiku wieħed jew aktar.

L-attivitajiet ta’ pproċessar li ġejjin huma bbażati fuq il-kunsens espliċitu tal-parteċipanti: 

• L-użu tad-dettalji ta’ kuntatt tal-parteċipanti (indirizzi tal-posta elettronika) biex ikunu jistgħu jirċievu emails u notifiki oħra relatati ma’ DiscoverEU u ma’ inizjattivi oħra tal-Kummissjoni Ewropea/mhux tal-Kummissjoni Ewropea mmirati lejn iż-żgħażagħ, inkluż stħarriġ u metodi oħra ta’ ġbir ta’ feedback mill-applikanti, kif ukoll komunikazzjoni, materjali tal-kampanja u stediniet għal avvenimenti, mill-Kummissjoni Ewropea, mill-EACEA, mill-Aġenziji Nazzjonali tal-Erasmus+, mill-Eurodesk u minn organizzazzjonijiet oħra awtorizzati mill-Kummissjoni Ewropea (b’kunsens).

• Il-kuntatt mill-mezzi tal-media stampata, tat-TV jew tar-radju magħżulin mill-Kummissjoni Ewropea tal-applikanti magħżulin, wara li dawn l-applikanti jagħtu l-kunsens espliċitu tagħhom li jiġu kkuntattjati.

• L-għoti ta’ informazzjoni għal artikli, aħbarijiet, avvenimenti u stejjer. Dawn jiddaħħlu u jinżammu manwalment mill-Eurodesk Brussels Link u n-network ta’ organizzazzjonijiet nazzjonali tal-Eurodesk. Il-wiri u l-pubblikazzjoni ta’ data personali f’dawn l-artikli, aħbarijiet, avvenimenti u stejjer huma soġġetti għall-kunsens espliċitu ta’ dawk ikkonċernati.

Il-kunsens biex id-data personali tiġi pproċessata għall-finijiet identifikati hawn fuq jingħata mis-suġġetti tad-data fil-mument li jirreġistraw fil-Korp jew japplikaw għad-DiscoverEU billi jimmarkaw kaxxa, li ma tiġix immarkata b’mod awtomatiku. Fir-rigward tal-kontenut ippubblikat fuq il-Portal Ewropew taż-Żgħażagħ, il-kunsens jingħata bl-użu ta’ formoli ta’ kunsens, li jiġu ffirmati qabel ma jiġi ppubblikat il-kontenut.

Sabiex titwettaq din l-operazzjoni ta’ pproċessar l-unità DG.EAC.A.4 tiġbor il-kategoriji ta’ data personali li ġejjin:

• L-għoti ta’ informazzjoni

  • Membri individwali tal-pubbliku marbutin ma’ artiklu, avveniment jew aħbar: l-isem, il-kunjom, l-indirizz tal-email.

  • Staff mill-Eurodesk Brussels Link jew min-network ta’ organizzazzjonijiet tal-Eurodesk: l-isem, il-kunjom, l-indirizz tal-email, il-pajjiż.

• Il-formola “Staqsi mistoqsija”

  • Membri individwali tal-pubbliku li jiddeċiedu li jagħmlu mistoqsija permezz tal-formola speċifika jridu jipprovdu isimhom u l-indirizz tal-email tagħhom.

• Il-Korp Ewropew ta’ Solidarjetà

  • Membri individwali tal-pubbliku li jiddeċiedu li jingħaqdu mal-Korp iridu jipprovdu l-informazzjoni bażika li ġejja: l-isem, il-kunjom, id-data tat-twelid, il-ġeneru, il-pajjiż ta’ residenza legali, in-nazzjonalità, l-indirizz tal-email, il-lingwa ta’ kuntatt preferuta, it-tipi ta’ attivitajiet tal-Korp li huma interessati fihom, l-għarfien u l-esperjenza preċedenti, u indikazzjoni li huma jaċċettaw il-Missjoni u l-Prinċipji tal-Korp.

  • Wara l-proċess inizjali ta’ reġistrazzjoni biex jissieħbu mal-Korp, jistgħu b’mod volontarju, jipprovdu informazzjoni addizzjonali dwarhom infushom: indirizz postali, numri tat-telefown, sommarju ta’ edukazzjoni u impjieg, dettalji ta’ esperjenzi ta’ volontarjat preċedenti, ħiliet lingwistiċi, disponibbiltà għal attivitajiet tal-Korp, motivazzjoni biex jivvolontarjaw għal attività tal-Korp, motivazzjoni biex jipparteċipaw f’attività tal-Korp, pajjiżi fejn jixtiequ jagħmlu volontarjat, xogħol mixtieq, kwalunkwe informazzjoni addizzjonali li jixtiequ jipprovdu l-utenti, rieda li jirċievu emails, newsletters, notifiki u komunikazzjonijiet oħrajn mingħand il-Korp. Meta japplikaw għal opportunità reklamata mill-organizzazzjonijiet, huma jistgħu jipprovdu wkoll informazzjoni addizzjonali li l-organizzazzjonijiet jistgħu jkunu qed jitolbu.

  • Jistgħu wkoll japplowdjaw is-CV personali tagħhom fil-forma ta’ dokument, bil-fehim li l-informazzjoni kollha fis-CV, inklużi d-dettalji ta’ kuntatt u kwalunkwe data personali oħra, tkun għad-dispożizzjoni tar-rappreżentanti tal-organizzazzjonijiet awtorizzati li jmexxu l-attivitajiet tal-Korp, u li jistgħu jużawha bħala parti mill-proċessi tagħhom biex jagħżlu reġistranti għall-attivitajiet tagħhom.

  • Il-Korp Ewropew ta’ Solidarjetà se jservi ta’ pjattaforma sabiex jiffaċilita lill-organizzazzjonijiet u lill-individwi jingħaqdu flimkien u mhux se titwettaq evalwazzjoni mid-DĠ EAC tal-aspetti personali tas-suġġett tad-data.

  • Ir-rappreżentanti awtorizzati tal-organizzazzjonijiet awtorizzati li jmexxu l-attivitajiet tal-Korp: l-isem, il-kunjom, il-username, l-indirizz tal-email, l-organizzazzjoni(jiet) li l-persuna intitolata tamministra, l-aċċettazzjoni tal-Missjoni u l-Prinċipji tal-Korp.

• Il-bażi tad-data ta’ organizzazzjonijiet u opportunitajiet

  • Membri individwali tal-pubbliku marbutin ma’ organizzazzjonijiet tal-Korp Ewropej ta’ Solidarjetà b’Tikketta tal-Kwalità: l-isem, il-kunjom, l-indirizz tal-email.

  • Maniġers ta’ Organizzazzjonijiet: l-isem, il-kunjom, il-username, l-indirizz tal-email, l-organizzazzjoni(jiet) li l-persuna intitolata tamministra.

• DiscoverEU

  (a) Il-Kummissjoni Ewropea tipproċessa d-data li ġejja:

  • Il-membri individwali jew il-mexxejja tal-gruppi li jiddeċiedu li japplikaw għal DiscoverEU jridu jipprovdu data personali bażika fl-applikazzjoni tagħhom (speċifikament l-isem, il-kunjom, id-data tat-twelid, il-ġeneru, il-pajjiż ta’ residenza legali, in-nazzjonalità, l-indirizz tal-posta elettronika, in-numru tal-ID jew tal-passaport, in-numru tat-telefown, u l-okkupazzjoni). Il-mistoqsija (iva/le) biex jiġi infurmat jekk l-applikant għandux diżabilità jew problema ta’ saħħa hija fakultattiva. L-applikanti jridu jwieġbu wkoll sett ta’ mistoqsijiet relatati mal-ivvjaġġar bħall-perjodu ta’ żmien li jixtiequ jivvjaġġaw, jekk din hix l-ewwel darba li qed jivvjaġġaw lejn pajjiż ieħor tal-UE, jekk din hix l-ewwel darba li qed jivvjaġġaw mingħajr il-ġenituri/l-indukraturi tagħhom, jekk jippreferux li jivvjaġġaw waħedhom jew mal-ħbieb, x’jixtiequ jitgħallmu minn din l-esperjenza, liema attivitajiet jixtiequ jagħmlu matul il-vjaġġ tagħhom, kif se jiffinanzjaw l-ispejjeż tagħhom, u kif saru jafu dwar l-inizjattiva.

  • Fil-każ ta’ applikazzjoni ta’ grupp, il-kap tal-grupp għandu jipprovdi l-istess informazzjoni. Wara jiġi ġġenerat kodiċi li jrid jintuża mill-membri l-oħrajn tal-grupp sabiex jimlew id-data personali tagħhom.

  (b) Il-Kummissjoni Ewropea tista’ tikkondividi ma’ kuntratturi awtorizzati u ma’ partijiet terzi d-data li ġejja:

  • L-indirizz tal-email u n-numru tat-telefown tal-applikanti magħżulin jistgħu jiġu xxerjati mal-midja magħżulin mill-Kummissjoni Ewropea u mill-EACEA wara l-qbil espliċitu mill-applikanti li għandhom jiġu kkuntattjati minn strumenti tal-media kif ukoll mar-Rappreżentanzi tal-Kummissjoni Ewropea u s-Servizz tal-Kelliema tal-Kummissjoni Ewropea (SPP). Ladarba l-applikanti jaqblu li jipprovdu l-emails tagħhom lill-mezzi tal-media, jeħtieġ li jkunu konxji li huma soġġetti għall-istqarrija ta’ privatezza rispettiva tal-mezzi tal-media responsabbli.
  • Il-Kummissjoni Ewropea u l-EACEA jistgħu jikkondividu d-data personali magħżula tal-applikanti ta’ DiscoverEU (speċifikament l-isem, l-indirizz tal-posta elettronika, in-numru tat-telefon, id-data tat-twelid, il-pajjiż) mal-kuntrattur awtorizzat tagħha inkarigat mill-attivitajiet ta’ komunikazzjoni bħal għall-fini tal-ġestjoni ta’ avvenimenti u kompetizzjonijiet kif ukoll biex jibagħtu stediniet għal avvenimenti jew jipprenotaw biljett tal-ivvjaġġar biex jattendu avveniment.
  • Il-Kummissjoni Ewropea u l-EACEA jistgħu jikkondividu d-data personali tal-applikanti magħżula ta’ DiscoverEU (speċifikament il-kodiċi tal-applikazzjoni, l-ID tal-applikant, l-isem, il-kunjom, il-ġeneru (jekk iddikjarat mill-applikant), in-nazzjonalità, l-istatus tal-għażla, ir-reġjun, il-kodiċi tar-reġjun, il-lingwa, id-data tat-twelid, il-pajjiż li joħroġ l-ID/il-Passaport, in-numru tal-ID/tal-Passaport, il-pajjiż ta’ residenza, il-kodiċi postali, l-okkupazzjoni, il-konferma (iva/le) tal-eżistenza ta’ bżonnijiet speċjali (mhux informazzjoni medika speċifika mitluba fil-Portal), il-posta elettronika, it-telefown, il-kodiċi tal-pajjiż, in-numru tat-telefown, l-ID strutturata) mal-kuntrattur awtorizzat responsabbli għall-attribuzzjoni tal-passes tal-ivvjaġġar u tal-karti ta’ skont kif ukoll tal-biljetti tat-titjiriet jew ta’ trasport ieħor.
  • Il-Kummissjoni Ewropea u l-EACEA jistgħu jaqsmu d-data personali tal-applikanti magħżulin u ta’ dawk li jkunu fil-lista ta’ riżerva tad-DiscoverEU (speċifikament l-isem, l-indirizz tal-posta elettronika, in-numru tat-telefown, id-data tat-twelid, il-pajjiż) mal-Aġenziji Nazzjonali tal-Erasmus+ u l-Eurodesk għall-fini li jintbagħtu stediniet għal avveniment.
• Il-Grupp ta’ Ġurnalisti Żgħażagħ fl-Ewropa

  • L-individwi li japplikaw biex ikunu parti mill-Grupp iridu jipprovdu l-informazzjoni bażika li ġejja: l-isem, il-kunjom, il-pajjiż tar-residenza, in-nazzjonalità, id-data tat-twelid. Meta jissottomettu l-applikazzjoni tagħhom lill-Eurodesk, jintalbu jaċċettaw il-politika tal-Eurodesk dwar il-GDPR.

  • Il-ġurnalisti żgħażagħ magħżulin li jkunu jixtiequ jieħdu sehem f’avvenimenti barra minn pajjiżhom, wara stedina min-naħa tal-Eurodesk jew tal-Kummissjoni Ewropea, ikunu jridu jipprovdu d-data personali addizzjonali kollha essenzjali biex il-vjaġġi u l-akkomodazzjoni tagħhom jiġu bbukkjati mill-Eurodesk.

  • L-isem tal-ġurnalisti żgħażagħ jiġi ppubblikat flimkien mal-artikli li jipproduċu. 

  • Bijografija qasira tal-ġurnalisti żgħażagħ, imħejjija minnhom stess, tiġi ppubblikata f’taqsima apposta fil-Portal Ewropew taż-Żgħażagħ. 

L-għoti ta’ data personali huwa obbligatorju biss biex jiġu ssodisfati r-rekwiżiti għall-parteċipazzjoni fil-programmi DiscoverEU u l-Korp Ewropew ta’ Solidarjetà. Jekk ma tipprovdix id-data personali tiegħek, ma titħalliex tipparteċipa fil-programmi.

Id-DG.EAC.A.4/EACEA jżomm id-data personali tiegħek biss għaż-żmien li jkun meħtieġ biex jintlaħqu l-finijiet tal-ġbir jew ipproċessar ulterjuri.

Id-data personali inkluża fl-artikli, fl-aħbarijiet, fl-istejjer u fl-avvenimenti jiġu arkivjati, flimkien mal-kontenut oriġinali, sentejn wara l-pubblikazzjoni tagħhom. 

Id-data personali li tinsab f’kontijiet tal-utent maħluqin għal edituri u awturi miżmuma fil-Portal Ewropew taż-Żgħażagħ tiġi arkivjata sentejn wara l-aħħar darba li l-utenti lloggjaw fl-EYP bl-użu ta’ dawn il-kontijiet.

Id-data personali li tinsab fil-kontijiet tal-utenti tal-Korp Ewropew ta’ Solidarjetà titħassar 3 snin wara li jilħqu l-limitu ta’ età superjuri tal-eliġibbiltà għall-parteċipazzjoni fil-Korp, ħlief jekk l-utent qabel li jissieħeb fi kwalunkwe skema ta’ alumni li tista’ tkun fis-seħħ f’dak iż-żmien, ma jkunx esprima interess permezz ta’ email li jżomm il-kont tal-utent jew ikun ibbenefika minn finanzjament tal-UE permezz tal-parteċipazzjoni fil-programm, f’liema każ id-data tinżamm għal 5 snin mill-aħħar tranżazzjoni finanzjarja skont il-lista komuni ta’ ritenzjoni.

Id-data personali li tkun fl-applikazzjonijiet ta’ dawk li ma jkunux intgħażlu għad-DiscoverEU titħassar sentejn wara li jagħlaq iż-żmien għall-applikazzjonijiet tas-sejħa rispettiva, dment li ma jkunux esprimew interess li jiġu infurmati dwar / ikunu involuti f’servizzi oħrajn tal-Portal Ewropew taż-Żgħażagħ, f’liema każ id-data tinżamm għal massimu ta’ 5 snin mill-iskadenza tal-applikazzjoni tas-sejħa għal parteċipazzjoni rispettiva. After that time, their personal data will be anonymised and only be kept for statistical purpose under aggregated data.  

Id-data personali li tinsab f’applikazzjonijiet tal-utenti magħżula u bbukkjati għal DiscoverEU titħassar / tiġi anonimizzata 5 snin mill-iskadenza tal-applikazzjoni tas-sejħa rispettiva skont il-lista komuni ta’ żamma, sakemm l-utent ma jkunx esprima l-interess tiegħu li jirtira mill-istatus ta’ “utent magħżul” u ma jkunx ibbenefika minn finanzjament tal-UE permezz tal-inizjattiva, f’liema każ id-data tinżamm għal massimu ta’ sentejn wara l-iskadenza tal-applikazzjoni tas-sejħa rispettiva għall-parteċipazzjoni.  

Madankollu, nistgħu nżommu informazzjoni anonimizzata għal perjodu itwal għal skopijiet storiċi, statistiċi jew xjentifiċi bis-salvagwardji xierqa fis-seħħ. 

Id-data personali kollha f’format elettroniku (l-emails, id-dokumenti, il-bażijiet tad-data, il-lottijiet tad-data applowdjati, eċċ.) tinħażen fis-servers tal-Kummissjoni Ewropea. L-operazzjonijiet ta’ pproċessar jitwettqu kollha skont id-Deċiżjoni tal-Kummissjoni (UE, Euratom) 2017/46 tal-10 ta' Jannar 2017 dwar is-sigurtà tas-sistemi ta' komunikazzjoni u informazzjoni fil-Kummissjoni Ewropea.

Il-kuntratturi tal-Kummissjoni huma marbutin bi klawżola kuntrattwali speċifika għal kull operazzjoni ta’ pproċessar tad-data tiegħek f’isem il-Kummissjoni, kif ukoll bl-obbligi ta’ kunfidenzjalità li jitnisslu mir-Regolament Ġenerali dwar il-Protezzjoni tad-Data (“GDPR” ir-Regolament (UE) 2016/679).

Il-Korp Ewropew ta’ Solidarjetà:

Meta taċċetta din l-Istqarrija ta' Privatezza Speċifika, organizzazzjoni awtorizzata li tmexxi attivitajiet taqbel li tuża s-sistemi tal-IT tal-Korp Ewropew ta’ Solidarjetà biex tfittex biss reġistranti tal-Korp għal attivitajiet, kif ukoll biex tikkuntattja u toffri attività lir-reġistranti tal-Korp. Dawn l-attivitajiet jistgħu jkunu impenn tagħhom stess, jew l-impenn ta’ organizzazzjoni oħra rappreżentata uffiċjalment mill-organizzazzjoni awtorizzata.

B’mod speċifiku, l-organizzazzjoni awtorizzata timpenja ruħha li tadotta miżuri ta’ sigurtà tekniċi u operattivi rilevanti għar-riskju inerenti fl-ipproċessar tagħha ta’ data personali tar-reġistranti, sabiex:

• tipprevjeni lil kwalunkwe persuna mhux awtorizzata milli jkollha aċċess għal sistemi tal-kompjuter li jipproċessaw data personali, u speċjalment

  • li jinqraw, jiġu kkupjati, jinbidlu jew jitneħħew b’mod mhux awtorizzat il-mezzi tal-ħżin;

  • li tiddaħħal id-data b’mod mhux awtorizzat, kif ukoll li tiġi żvelata, tinbidel jew titħassar id-data personali maħżuna b’mod mhux awtorizzat;

  • li persuni mhux awtorizzati jużaw is-sistemi għall-ipproċessar tad-data permezz tal-faċilitajiet tat-trażmissjoni tad-data;

• tiżgura li l-utenti awtorizzati ta’ sistema għall-ipproċessar tad-data jkollhom aċċess biss għad-data personali li għaliha jirreferi d-dritt tal-aċċess tagħhom;

• tirreġistra liema data personali tkun ġiet ikkomunikata, meta jkun sar dan u lil min din tkun intbagħtet;

• tiżgura li d-data personali qed tkun ipproċessata b’mod konformi mad-dispożizzjonijiet tal-protezzjoni tad-data stabbiliti fil-leġiżlazzjoni nazzjonali;

• tiżgura li, matul il-komunikazzjoni tad-data personali u t-trasport tal-mezzi tal-ħżin, id-data ma tkunx tista’ tinqara, tiġi kkupjata jew titħassar mingħajr awtorizzazzjoni;

• tiddisinja l-istruttura organizzattiva tagħha b’mod li jiġu ssodisfatti r-rekwiżiti tal-protezzjoni tad-data.

Sabiex tipproteġi d-data personali tiegħek, il-Kummissjoni daħħlet fis-seħħ numru ta’ miżuri tekniċi u organizzattivi. Il-miżuri tekniċi jinkludu azzjonijiet xierqa biex jindirizzaw is-sigurtà online, ir-riskju ta’ telf tad-data, it-tibdil tad-data jew l-aċċess mhux awtorizzat, b’kunsiderazzjoni tar-riskju ppreżentat mill-ipproċessar u n-natura tad-data personali li tkun qed tiġi pproċessata. Il-miżuri organizzattivi jinkludu r-restrizzjoni tal-aċċess għad-data personali għall-persuni awtorizzati biss bi ħtieġa leġittima ta’ tagħrif għall-iskopijiet ta’ din l-operazzjoni ta’ pproċessar.

L-aċċess għad-data personali tiegħek jingħata lill-istaff tal-Kummissjoni responsabbli biex iwettaq din l-operazzjoni ta’ pproċessar u lill-istaff awtorizzat skont il-prinċipju tal-“ħtieġa ta’ tagħrif”. Dan l-istaff jimxi ma’ ftehimiet ta’ kunfidenzjalità statutorji, u meta meħtieġ, ma’ oħrajn addizzjonali.

• L-għoti ta’ informazzjoni

  • Il-pubbliku ġenerali se jara d-dettalji ta’ kuntatt personali rilevanti ta’ kull persuna miżjuda mill-edituri awtorizzati tal-Portal Ewropew taż-Żgħażagħ għal artikli, aħbarijiet jew avvenimenti, pereżempju l-persuna ta’ kuntatt pubbliku għal avveniment jew aħbar.

  • Dawn id-dettalji huma aċċessibbli wkoll mill-istaff tal-Eurodesk fil-Eurodesk Brussels Link u n-network ta’ organizzazzjonijiet nazzjonali tal-Eurodesk.

  • L-amministraturi tal-Portal Ewropew taż-Żgħażagħ ukoll għandhom aċċess għal din l-informazzjoni.

• Il-formola “Staqsi mistoqsija”

  • Id-dettalji ta’ kuntatt se jkunu aċċessibbli għall-Eurodesk Brussels Link, in-network tal-organizzazzjonijiet nazzjonali tal-Eurodesk u l-amministraturi tal-Portal Ewropew taż-Żgħażagħ.

• Il-Korp Ewropew ta’ Solidarjetà

  • Il-pubbliku ġenerali se jara d-dettalji ta’ kuntatt personali tar-rappreżentanti tal-organizzazzjonijiet awtorizzati li jmexxu attivitajiet tal-Korp, jekk l-organizzazzjoni nfisha żżid din l-informazzjoni mal-profil tal-Korp tagħha li tippubblika fuq il-paġni web tal-Korp.

  • Ir-reġistranti tal-Korp jistgħu jaraw u jżommu d-data personali tagħhom billi jidħlu fil-kont tagħhom tal-Korp Ewropew ta’ Solidarjetà. Huma responsabbli għall-kwalità tad-data tagħhom stess u għandhom id-dritt li jħassru l-kont tagħhom fi kwalunkwe ħin.

  • Id-data tar-reġistranti tal-Korp hi aċċessibbli għar-rappreżentanti awtorizzati tal-organizzazzjonijiet awtorizzati li jmexxu attivitajiet tal-Korp.

  • Id-data personali tar-reġistranti tal-Korp hi aċċessibbli għall-Aġenziji Nazzjonali responsabbli għall-implimentazzjoni ta’ Erasmus+ u tal-Korp Ewropew ta’ Solidarjetà biex tingħata assistenza lir-rappreżentanti awtorizzati tal-organizzazzjonijiet, kif ukoll għall-fini tat-twettiq tal-kontrolli, tal-awditi u tal-evalwazzjonijiet tal-proġetti li jirċievu l-appoġġ tal-UE li fihom ikunu involuti r-reġistranti.

  • Id-data personali tar-reġistranti tal-Korp hi aċċessibbli wkoll għall-amministraturi tal-Korp u l-amministraturi tal-programmi differenti tal-UE li permezz tagħhom l-organizzazzjonijiet awtorizzati jipprovdu l-attivitajiet tal-Korp Ewropew ta’ Solidarjetà.

  • Id-data personali tista’ tiġi xxerjata ma’ servizzi oħrajn tal-Kummissjoni Ewropea li jista’ jkollhom interess li jikkuntattjaw lir-reġistranti.

  • Id-data personali tal-kandidati magħżulin tista’ tiġi xxerjata ma’ mezzi tal-media stampati, tat-televiżjoni jew tar-radju magħżulin mill-Kummissjoni Ewropea wara l-qbil espliċitu tal-applikanti magħżulin.

  • Id-data personali limitata tar-reġistranti tal-Korp (l-isem, il-kunjom, id-data tat-twelid, il-pajjiż ta’ residenza, in-nazzjonalità, l-indirizz tal-email) tista’ tintbagħat lil għodod oħrajn immaniġġjati mid-DĠ EAC u aċċessibbli għall-organizzazzjonijiet awtorizzati, l-Aġenziji Nazzjonali u l-amministraturi tal-Korp.

  • Data personali limitata tal-parteċipanti tal-Korp (l-isem, il-kunjom, id-data tat-twelid, il-pajjiż ta’ residenza, in-nazzjonalità, l-indirizz tal-email, il-ġeneru) se tintbagħat lill-kuntrattur tal-Korp Ewropew ta’ Solidarjetà biex jimmaniġġja l-kopertura tal-assigurazzjoni tal-parteċipanti tal-Korp Ewropew ta’ Solidarjetà. L-Avviż dwar il-Protezzjoni tad-Data tal-assigurazzjoni ta’ Henner huwa validu għall-proġetti li bdew mis-7 ta’ Frar 2023 ’il quddiem taħt il-QFP attwali 2021-2027.

  • Id-data personali limitata tal-parteċipanti tal-Korp (l-isem, il-kunjom, id-data tat-twelid, l-indirizz tal-email, il-pajjiż ta’ residenza) se tintbagħat lill-għodda esterna “Youthpass” biex il-parteċipanti jkunu jistgħu jirreġistraw l-eżiti tat-tagħlim mhux formali tagħhom jekk jixtiequ jagħmlu dan.

  • Data personali limitata tar-reġistranti/tal-parteċipanti tal-Korp (l-isem, il-kunjom, l-indirizz tal-email, il-username tal-EU Login, il-lingwa ta’ kuntatt, il-pajjiż ta’ residenza, il-belt (jekk definita)) interessati li jsegwu l-korsijiet ta’ Taħriġ Online Ġenerali jew it-taħriġ tal-Volontarjat fil-qasam tal-Għajnuna Umanitarja se tintbagħat lill-pjattaforma tal-Akkademja tal-UE biex tippermetti lir-reġistranti/lill-parteċipanti jkollhom aċċess għal dawn il-korsijiet. Ir-reġistranti/il-parteċipanti tal-Korp se jiġu infurmati dwar l-Avviż dwar il-Protezzjoni tad-Data tat-Taħriġ Online Ġenerali qabel ma d-data tagħhom tiġi ttrasferita mill-Portal Ewropew taż-Żgħażagħ għall-pjattaforma tal-Akkademja tal-UE. Din il-pjattaforma għandha l-Istqarrija ta’ Privatezza tagħha stess disponibbli fil-paġna web tagħha. Barra minn hekk, ir-reġistranti tal-Korp Ewropew ta’ Solidarjetà li esprimew l-interess tagħhom fil-Volontarjat fil-qasam tal-Għajnuna Umanitarja se jkollhom il-possibbiltà li jsegwu taħriġ speċifiku fuq il-pjattaforma tal-Akkademja tal-UE, aċċessibbli permezz tal-profil tal-Korp tagħhom. Ir-reġistranti se jiġu infurmati dwar l-Avviż dwar il-Protezzjoni tad-Data ta’ dan it-Taħriġ fil-qasam tal-Għajnuna Umanitarja qabel ma d-data tagħhom tiġi ttrasferita mill-Portal Ewropew taż-Żgħażagħ għall-pjattaforma tal-Akkademja tal-UE.

  • Il-kontenut iġġenerat mill-utenti u l-kummenti ppowstjati mir-reġistranti tal-Korp dwar l-esperjenza tagħhom tal-Korp huma aċċessibbli wkoll għall-amministraturi tal-Korp.

  • Data personali limitata tal-parteċipanti tal-Korp: (l-isem, il-kunjom, in-Numru tar-Reġistrazzjoni tal-Parteċipant (NRP), is-sess, l-indirizz tal-posta elettronika, in-nazzjonalità, il-pajjiż u l-belt/ir-raħal ta’ residenza, il-kodiċi postali, id-data tal-bidu u tat-tmiem tal-iskjerament, il-pajjiż u l-belt/ir-raħal ta’ kollokament; Organizzazzjoni ta’ appoġġ u ospitanti tal-parteċipant: in-numru ta’ identifikazzjoni (OID), il-kodiċi ta’ identifikazzjoni tal-parteċipanti (KIP), l-isem u l-pajjiż) se jkunu aċċessibbli għad-Delegazzjonijiet tal-UE sabiex ikunu jistgħu jikkuntattjaw lill-voluntiera malajr f’każ ta’ emerġenzi ta’ sigurtà u jistednuhom għal avvenimenti.

• Il-bażi tad-data ta’ organizzazzjonijiet u opportunitajiet

  • Il-pubbliku ġenerali jista’ jikkonsulta d-dettalji ta’ kuntatt personali tal-persuni marbuta mal-organizzazzjonijiet tal-Korp Ewropew ta’ Solidarjetà b’Tikketta tal-Kwalità.

  • Ir-rappreżentanti awtorizzati ta’ organizzazzjoni tal-Korp Ewropej ta’ Solidarjetà b’Tikketta tal-Kwalità jistgħu jaċċessaw id-dettalji ta’ kuntatt personali tal-persuni marbuta ma’ dawn l-organizzazzjonijiet partikolari u l-proġetti tagħhom.

• DiscoverEU

  • Id-data personali tal-applikanti hi aċċessibbli għall-amministraturi ta’ DiscoverEU.
  • Id-data personali limitata tal-applikanti magħżula u tal-applikanti fil-lista ta’ riżerva tista’ tkun aċċessibbli għall-Aġenziji Nazzjonali tal-Erasmus+ u għall-Eurodesk u tista’ tiġi kondiviża magħhom.
  • Id-data personali tal-applikanti magħżula u tal-applikanti fil-lista ta’ riżerva tista’ tiġi kondiviża mal-kuntrattur awtorizzat responsabbli għall-attribuzzjoni tal-passes tal-ivvjaġġar.
  • Id-data personali tal-applikanti tista’ tinqasam ma’ servizzi oħrajn tal-Kummissjoni Ewropea u tal-EACEA li jista’ jkollhom interess li jikkuntattjaw lir-reġistranti (b’kunsens).
  • L-applikanti jistgħu jiġu kkuntattjati bil-posta elettronika jew bit-telefown mill-Kummissjoni Ewropea/EACEA.
  • L-applikanti magħżula u l-applikanti fil-lista ta’ riżerva jistgħu jiġu kkuntattjati bil-posta elettronika jew bit-telefown mill-Aġenziji Nazzjonali tal-Erasmus+, l-Eurodesk, il-kuntrattur awtorizzat responsabbli għall-attribuzzjoni tal-passes tal-ivvjaġġar u organizzazzjonijiet oħra awtorizzati mill-Kummissjoni Ewropea/EACEA.

• Il-Grupp ta’ Ġurnalisti Żgħażagħ fl-Ewropa

  • Id-data personali tal-applikanti u tal-ġurnalisti żgħażagħ magħżulin tasal għand il-Kummissjoni Ewropea u l-Eurodesk Brussels Link, il-fornitur tas-servizzi tal-Kummissjoni li jaġixxi bħala proċessur.
  • Il-pubbliku ġenerali se jara l-isem u l-bijografija qasira tal-ġurnalisti żgħażagħ fl-artikli li jkunu pproduċew kif ukoll fit-taqsima apposta tal-Portal Ewropew taż-Żgħażagħ.
  • Data personali limitata tista’ tinqasam ma’ servizzi oħrajn tal-Kummissjoni Ewropea, ma’ Eurodesks Nazzjonali, u ma’ Aġenziji Nazzjonali għall-Erasmus+ u l-Korp Ewropew ta’ Solidarjetà, li jista’ jkollhom interess li jikkuntattjaw lill-ġurnalisti żgħażagħ (bil-kunsens tagħhom). 

Barra minn hekk, id-data personali se tkun aċċessibbli għal dawn li ġejjin:

• L-istaff tal-unitajiet tad-DĠ EAC/tal-EACEA li hu responsabbli għall-implimentazzjoni tas-servizzi permezz tal-Portal Ewropew taż-Żgħażagħ u responsabbli għall-implimentazzjoni tal-Korp Ewropew ta’ Solidarjetà u tad-DiscoverEU.

• L-istaff tal-unità tal-informatika (IT) tad-DĠ EAC.

• L-istaff ta’ Servizzi kompetenti oħrajn tal-Kummissjoni Ewropea koresponsabbli għall-implimentazzjoni tas-servizzi permezz tal-Portal Ewropew taż-Żgħażagħ.

Jekk ikun meħtieġ, id-data personali tista’ tiġi żvelata lil dawn li ġejjin:

• L-istaff tal-Kapaċità tal-Awditjar Intern tad-DĠ EAC

• L-istaff tad-DĠ IAS

• L-istaff tal-OLAF

Il-proċessuri esterni li ġejjin jistgħu jaċċessaw id-data personali kif awtorizzati mill-Kummissjoni Ewropea:

• Eurodesk Brussels Link;

• Organizzazzjonijiet nazzjonali tal-Eurodesk;

• Organizzazzjonijiet awtorizzati tal-Korp Ewropew ta’ Solidarjetà;

• Kuntrattur tal-assigurazzjoni tal-Korp Ewropew ta’ Solidarjetà;

• Gruppi ta’ Ħidma Nazzjonali tad-Djalogu tal-UE maż-Żgħażagħ;

• Kuntratturi ta’ DiscoverEU;

• Aġenziji Nazzjonali għall-Erasmus+ u l-Korp Ewropew ta’ Solidarjetà (inkluż in-Network RAY tagħhom);

• Sottoproċessuri awtorizzati tal-Aġenziji Nazzjonali;

• Delegazzjonijiet tal-UE.

Tista’ ssib id-dettalji ta’ kuntatt ta’ dawn il-proċessuri esterni permezz ta’ dan il-link: https://youth.europa.eu/privacy/external-processors_en.  

Barra minn hekk, id-DĠ EAC u l-EACEA jaġixxu bħala kontrolluri konġunti fir-rigward tad-DiscoverEU minħabba li jipproċessaw b’mod konġunt id-data personali tal-applikanti li jissottomettu applikazzjoni fil-Portal Ewropew taż-Żgħażagħ sabiex jirċievu l-passes tal-ivvjaġġar tad-DiscoverEU.

It-trasferiment internazzjonali tad-data: 

Id-data personali tar-reġistranti tal-Korp tiġi ttrasferita lill-organizzazzjonijiet minn pajjiżi terzi barra mill-UE/miż-ŻEE bit-Tikketta tal-Kwalità tal-Korp Ewropew ta’ Solidarjetà (pajjiżi tal-programm u pajjiżi sħab) iżda li għalihom m’hemm ebda deċiżjoni ta’ adegwatezza (inkluż lejn pajjiżi tal-programm – it-Turkija, is-Serbja u l-Maċedonja ta’ Fuq). F’dan il-każ, il-livell ta’ protezzjoni tad-data personali tiegħek jiddependi mil-liġi jew il-prattika ta’ dak il-pajjiż terz. Madankollu, id-drittijiet tiegħek fir-rigward tal-protezzjoni tad-data jistgħu ma jkunux ekwivalenti għal dawk f’pajjiż tal-UE/taż-ŻEE jew pajjiż b’deċiżjoni ta’ adegwatezza.

Inti għandek drittijiet speċifiċi bħala “suġġett tad-data” skont il-Kapitolu III (l-Artikoli 14-25) tar-Regolament (UE) 2018/1725, b’mod partikolari d-dritt li taċċessa d-data personali tiegħek u li tirranġaha f’każ li din id-data ma tkunx eżatta jew ma tkunx kompluta. Fejn ikun applikabbli, għandek id-dritt li tħassar id-data personali tiegħek, li tillimita l-ipproċessar tad-data personali tiegħek, li toġġezzjona għall-ipproċessar u d-dritt għall-portabbiltà tad-data.

Inti tajt il-kunsens tiegħek li tipprovdi d-data personali tiegħek lill-DG.EAC.A.4 għal din l-operazzjoni ta’ pproċessar. Inti tista’ tirtira l-kunsens tiegħek fi kwalunkwe ħin billi tinnotifika lill-Kontrollur tad-Data. L-irtirar mhux se jaffettwa l-legalità tal-ipproċessar imwettaq qabel ma tkun irtirajt il-kunsens.

Tista’ teżerċita d-drittijiet tiegħek billi tikkuntattja lill-Kontrollur tad-Data, jew f’każ ta’ kunflitt lill-Uffiċjal tal-Protezzjoni tad-Data. Jekk ikun meħtieġ, tista’ tindirizza wkoll lill-Kontrollur Ewropew għall-Protezzjoni tad-Data. L-informazzjoni tal-kuntatt tagħhom tinsab fl-Intestatura 9 ta’ hawn taħt. 

Meta tkun tixtieq teżerċita d-drittijiet t tiegħek fil-kuntest ta’ operazzjoni ta’ pproċessar speċifika waħda jew aktar, fit-talba tiegħek ipprovdi d-deskrizzjoni tagħhom (jiġifieri r-referenza/i tar-rekord(s) tagħhom kif speċifikat fl-Intestatura 10 ta’ hawn taħt).

Ladarba tkun lesta u ppubblikata, din l-istqarrija ta’ privatezza tista’ tiġi kkonsultata fil-Portal Ewropew taż-Żgħażagħ (https://youth.europa.eu/privacy_mt), fit-taqsima “Privatezza” f’qiegħ il-paġna. Barra minn hekk, l-istqarrija ta’ privatezza se tiġi xxerjata mas-suġġetti tad-data immedjatament ladarba l-indirizz tal-email tagħhom ikun magħruf.

• Il-Kontrollur tad-Data

Jekk tixtieq teżerċita drittijietek skont ir-Regolament (UE) 2018/1725, jekk għandek xi kummenti, mistoqsijiet, jew tħassib, jew jekk tixtieq tressaq ilment rigward il-ġbir u l-użu tad-data personali tiegħek, ikkuntattja lill-Kontrollur tad-Data: 

Id-Direttorat Ġenerali għall-Edukazzjoni, iż-Żgħażagħ, l-Isport u l-Kultura

Direttorat A — Strateġija ta’ Politika, Intelligence tal-Pajjiżi u Żgħażagħ

Unità A.4 — Żgħażagħ u Ekwità Interġenerazzjonali (DG.EAC.A.4)

Posta elettronika: EAC-EYP@ec.europa.eu 

Indirizz: Rue Joseph II 70, B-1049, Brussell

• L-Uffiċjal tal-Protezzjoni tad-Data (DPO) tal-Kummissjoni

Tista’ tikkuntattja lill-Uffiċjal tal-Protezzjoni tad-Data (DATA-PROTECTION-OFFICER@ec.europa.eu) dwar kwistjonijiet relatati mal-ipproċessar tad-data personali tiegħek skont ir-Regolament (UE) 2018/1725.

• Il-Kontrollur Ewropew għall-Protezzjoni tad-Data (EDPS)

Għandek id-dritt għal rikors (jiġifieri tista’ tressaq ilment) mal-Kontrollur Ewropew għall-Protezzjoni tad-Data (edps@edps.europa.eu) jekk jidhirlek li d-drittijiet tiegħek skont ir-Regolament (UE) 2018/1725 inkisru b’riżultat tal-ipproċessar tad-data personali tiegħek mill-Kontrollur tad-Data.

L-Uffiċjal tal-Protezzjoni tad-Data tal-Kummissjoni (UPD) jippubblika r-reġistru tal-operazzjonijiet kollha ta’ pproċessar tad-data personali mill-Kummissjoni, li jkunu ġew dokumentati u notifikati lilu. Tista’ taċċessa r-reġistru permezz tal-link li ġejja: http://ec.europa.eu/dpo-register. 

Din l-operazzjoni ta’ pproċessar speċifika ġiet inkluża fir-reġistru pubbliku tal-UPD bir-referenza tar-rekord li ġejja: DPR-EC-00371.7.