Dwarna
Il-Portal Ewropew taż-Żgħażagħ joffri informazzjoni fil-livell Ewropew u nazzjonali dwar l-opportunitajiet u l-inizjattivi li huma ta’ interess għaż-żgħażagħ li qed jgħixu, jitgħallmu u jaħdmu fl-Ewropa.
Jindirizza liż-żgħażagħ, iżda wkoll lil partijiet ikkonċernati oħra li jaħdmu fil-qasam taż-żgħażagħ (l-organizzazzjonijiet taż-żgħażagħ, il-persuni li jaħdmu maż-żgħażagħ, dawk li jfasslu l-politika, eċċ.).
Struttura
Il-kontenut hu organizzat taħt 4 taqsimiet ewlenin:
- “Involvi ruħek”
- “Mur barra minn pajjiżek”
- “Inizjattivi tal-UE”
- “L-Istrateġija tal-UE għaż-Żgħażagħ”
- Barra minn hekk, tista’ taqra l-istejjer taż-żgħażagħ, tfittex avvenimenti u tiċċekkja l-aħħar aħbarijiet.
Fit-taqsima “Involvi ruħek”, tista’ ssib artikli dwar iċ-ċittadinanza attiva, minn angoli differenti:
- Id-Djalogu tal-UE maż-Żgħażagħ
- Il-parteċipazzjoni demokratika
- Drittijietek u l-inklużjoni
- L-involviment ċiviku
- L-iżvilupp sostenibbli
- #EUYouth4Peace
- Il-fehim interkulturali
- L-isport
Fit-taqsima “Mur barra minn pajjiżek”, tista’ tibbrawżja l-opportunitajiet differenti relatati ma’:
- L-istudju
- Il-volontarjat
- It-traineeships
- Ix-xogħol
- L-iskambji bejn l-iskejjel u ż-żgħażagħ
- L-ivvjaġġar
Fit-taqsima “Inizjattivi tal-UE”, tista’ ssib informazzjoni dwar l-inizjattivi u l-programmi differenti ffinanzjati mill-Unjoni Ewropea bħal:
- Il-Korp Ewropew ta’ Solidarjetà
- Erasmus+
- DiscoverEU
- Id-Djalogu tal-UE maż-Żgħażagħ
- Id-Djalogi ta’ Politika maż-Żgħażagħ
- Il-Ġimgħa Ewropea taż-Żgħażagħ
Fit-taqsima “L-Istrateġija tal-UE għaż-Żgħażagħ”, tista’ taċċessa informazzjoni relatata mal-Istrateġija tal-UE għaż-Żgħażagħ, żviluppata fil-qafas tal-kooperazzjoni tal-politika tal-UE dwar iż-żgħażagħ għall-2019–2027.
Dawn it-taqsimiet kollha jistgħu jiġu aċċessati mill-paġna ewlenija jew mill-menu prinċipali.
Tista’ tuża wkoll il-kaxxa tat-tiftix biex taċċessa faċilment l-informazzjoni li qed tfittex.
Lingwi
In-navigazzjoni tas-sit web u l-kontenut tagħha huma disponibbli fit-23 lingwa tal-UE. Il-kontenut relatat ma’ DiscoverEU hu disponibbli wkoll f’dawn il-lingwi: IS, MK, NO, SR, TR.
Tista’ tbiddel il-lingwa tal-wiri ta’ paġna meta trid billi tikklikkja fuq is-selettur tal-lingwa. Meta tagħmel hekk tkun qed tbiddel ukoll il-lingwa tan-navigazzjoni tas-sit web.
L-aħbarijiet, l-artikli, l-avvenimenti u l-istejjer jiġu tradotti biss permezz tat-traduzzjoni awtomatika. Minkejja li tkun biddilt il-lingwa tal-wiri, biex tara l-kontenut tradott, xorta trid tikklikkja fuq “Ittraduċi din il-paġna”.
Manutenzjoni tal-kontenut
Il-Kummissjoni Ewropea u n-Network tal-Eurodesk jieħdu ħsieb il-kontenut ta’ dan is-sit web. Għal aktar informazzjoni, jekk jogħġbok ara l-Avviż legali.
Mistoqsijiet
Il-Portal jippermetti lill-viżitaturi jressqu mistoqsijiet billi jikklikkjaw fuq il-buttuna “Mistoqsijiet” u jimlew il-formola bi kwalunkwe lingwa użata fil-Portal. It-tweġiba għal dawn il-mistoqsijiet tingħata min-Network tal-Eurodesk.
Feedback
Jekk teħtieġ aktar informazzjoni dwar il-Portal Ewropew taż-Żgħażagħ, jew jekk għandek xi kummenti jew suġġerimenti dwar kif nistgħu ntejbuh, jekk jogħġbok tiddejjaqx tikkuntattjana billi tuża l-link “Ikkuntattjana” li tinsab fil-qiegħ ta’ kull paġna.
Il-Portal Ewropew taż-Żgħażagħ hu inizjattiva tal-Unjoni Ewropea.