Saoránaigh an Aontais idir 18 agus 25 bliana d’aois: Cad atá i ndán don airgeadas?

An nuashonrú is déanaí an An Chéadaoin, 15/06/2022

An bhfuil tú idir 18 agus 25 bliana d’aois agus ar spéis leat páirt a ghlacadh ann? Má tá, glac páirt inár gcomórtas físeáin agus faigh an deis bualadh leis an gCoimisinéir McGuinness!

Mar chuid de Bhliain Eorpach na hÓige, beidh plé beartais ag an gCoimisinéir McGuinness le daoine óga ar fud na hEorpa faoin bhfís atá acu do thodhchaí an airgeadais. 

Le páirt a ghlacadh sa chomórtas:

• Ullmhaigh físeán gearr faoin téama ‘todhchaí an airgeadais’. Cad ba mhaith leat do thodhchaí an airgid?  Cad iad na hábhair imní nó na moltaí atá agat? Conas is féidir infheistíochtaí príobháideacha a dhéanamh níos inbhuanaithe? An gcuideoidh nó an gcuirfidh an digitiú bac ar chuimsiú airgeadais? Cad a cheapann tú faoi chripteashócmhainní? Cad iad na hábhair imní nó na moltaí atá agat?
• Féadfaidh tú cibé formáid is mian leat a úsáid – féadfaidh tú taifeadadh a dhéanamh díot féin le do ghuthán, ríl TikTok nó Instagram a dhéanamh, nó gearrscannán a stiúradh. Ach tá srian ama i gceist leis an bhfíseán – ní féidir leis a bheith níos faide ná aon nóiméad amháin.
• Ansin, cuir d’fhíseán in airde ar na meáin shóisialta leis an haischlib tiomanta #MyFutureFinance agus seol chugainn é ag EU-FINANCE@ec.europa.eu le do chuid sonraí teagmhála.
• Is é an spriocdháta le páirt a ghlacadh sa chomórtas an 8 Iúil 2022.
• Is ag na físeáin is úrnua a bheidh an bua!

Buailfidh na 10 mbuaiteoir leis an gCoimisinéir sa Bhruiséil an 25 Deireadh Fómhair 2022. Clúdóidh an Coimisiún Eorpach na costais taistil agus lóistín.

Bí cruthaitheach, bí smaointeach agus cuir in iúl dúinn a bhfuil an-ghean agat air i ndáil le cúrsaí airgeadais agus do chuid airgid.