Is féidir le rannpháirtithe taisteal ina n-aonar nó i ngrúpa de chúigear ar a mhéad. Féadfaidh tú sin a chur in iúl ar an bhfoirm iarratais. 

I gcás ina gcinnfidh tú taisteal mar bhall de ghrúpa, ní mór ceannaire a cheapadh ar an ngrúpa sula ndéanfaidh tú aon iarratas. Is é ceannaire an ghrúpa an duine a líonfaidh an fhoirm iarratais isteach agus a dhéanfaidh an tsraith ceisteanna agus an cheist réitigh a fhreagairt. Gheobhaidh an ceannaire cód an tráth a sheolfar an t-iarratas isteach, agus ba chóir dó an cód sin a thabhairt do cheathrar eile ar a mhéad sa ghrúpa le go mbeidh siad in ann clárú. Úsáidfidh na daoine eile sa ghrúpa an cód sin lena gcuid sonraí pearsanta a iontráil le linn an chláraithe ar líne. Ní mór do gach ball den ghrúpa cliceáil ar an gcnaipe ‘seol’ chun bheith cláraithe.

Má rinne tú iarratas mar dhuine aonair, nó má tá tú i do cheannaire ar ghrúpa nach bhfuil aon duine ann, roimh an sprioc-am chun iarratas a dhéanamh, is féidir leat fós:

• dul isteach i ngrúpa. Chun é sin a dhéanamh, lean an nasc tiomnaithe sa ríomhphost a fuair tú nuair a chuir tú d’iarratas isteach, nó
• cuir cairde le d’iarratas féin chun grúpa a chruthú. Chun é sin a dhéanamh, roinn do chód iarratais le cairde, a mbeidh orthu ansin an cód sin a chur isteach agus iarratas á dhéanamh acu.