Cúrsaí oiliúna in eagraíochtaí idirnáisiúnta!

An nuashonrú is déanaí an An Luan, 20/09/2021

Agus an oiread sin eagraíochtaí idirnáisiúnta ag tairiscint cúrsaí oiliúna do dhaoine óga, cén fáth nach gcuirfeá féin leis an léargas atá agat ar an saol?

Is bealach iontach iad cúrsaí oiliúna chun an bhearna a dhúnadh idir an saol acadúil agus an saol gairmiúil. Ach an timpeallacht a bheith ceart, cuirfear an tacaíocht ar fáil duit a theastóidh uait le rath a bheith ort, agus beidh neart spraoi agat ag an am céanna!
Sula ndéanann tú iarratas, bíodh a fhios agat go mbeidh tú in iomaíocht le daoine ar fud na cruinne a bheidh ag cur iarratas isteach freisin leis na heagraíochtaí idirnáisiúnta. Cé go gcruthóidh sé sin timpeallacht oibre éagsúil a chuirfidh le do shaol, méadóidh sé an iomaíocht freisin. 
Is maith an rud é gur éirigh go maith leis an Aontas Eorpach sa troid leanúnach i gcoinne cúrsaí oiliúna gan phá, agus is féidir leat léamh faoi sin anseo. Mar sin féin, murab ionann agus an cás in institiúidí an Aontais, d’fhéadfadh roinnt deiseanna ar chúrsaí oiliúna a bheith gan phá freisin. Tá sé tábhachtach é sin a sheiceáil sula ndéanann tú iarratas toisc go ndéanfaidh sé difear do do bhuiséad amach anseo! 

Gheobhaidh tú liosta thíos ina bhfuil cúpla sampla de dheiseanna laistigh d’eagraíochtaí idirnáisiúnta atá lonnaithe timpeall na cruinne.

• UNESCO
• ECFE
• UNICEF
• Na Náisiúin Aontaithe
• An Banc Domhanda
• An Eagraíocht Dhomhanda Sláinte 
• Gníomhaireachtaí agus comhlachtaí na Náisiún Aontaithe

Má tá tú ag smaoineamh ar thaithí oiliúna a fháil laistigh den Choimisiún Eorpach nó in Institiúid, comhlacht nó gníomhaireacht eile de chuid an Aontais Eorpaigh, féach anseo.