Għolli leħnek u għid tiegħek dwar il-Pjattaforma tal-Vuċi l-ġdida!
L-aħħar aġġornament sar fi Il-Ġimgħa, 12/08/2022
Fil-qafas tas-Sena Ewropea taż-Żgħażagħ 2022, tnediet l-ewwel Pjattaforma tal-Vuċi tal-Kummissjoni Ewropea.
Iż-żgħażagħ huma l-futur u l-opinjonijiet u l-fehmiet tagħhom se jkunu dawk li se jsawruh. Għal din ir-raġuni l-Kummissjoni Ewropea nediet il-Pjattaforma tal-Vuċi, bil-għan li tagħti liż-żgħażagħ minn kull sfond u pajjiż l-opportunità li jxerrdu l-ideat u t-tħassib tagħhom għall-futur tal-Ewropa, u jsawru futur mibni fuq is-solidarjetà, id-demokrazija u l-ġustizzja.
Kif taħdem?
Jeħtieġlek biss tieħu ftit minuti u tirreġistra l-messaġġ tal-vuċi tiegħek li jiddikjara x’tip ta’ Ewropa tixtieq tgħix fiha. Il-messaġġ jista’ jiġi rreġistrat fi kwalunkwe lingwa, u se jiżdied mal-pjattaforma bi traduzzjoni bl-Ingliż fit-test.
Il-messaġġi se jitqassmu f’disa’ kategoriji: il-valuri Ewropej, l-arti u l-kultura, il-mobbiltà diġitali, tal-edukazzjoni u tat-tagħlim, l-impjiegi, l-ambjent, is-saħħa, il-benesseri u l-isport, l-inklużjoni, u ż-żgħażagħ u d-dinja.
Tistenniex aktar u leħħen il-viżjoni tiegħek, nixtiequ nisimgħuha!
Il-pjattaforma hija disponibbli fuq il-portal tas-Sena Ewropea taż-Żgħażagħ jew direttament permezz ta’ dan il-link.