Bronnfar na pasanna taistil agus na cártaí lascaine de réir tíre cónaithe agus/nó tíre náisiúntachta i gcás inarb infheidhme, i gcomhréir le líon na bpasanna taistil a leithdháileadh ar gach tír (féach an rannán Cuóta in aghaidh na tíre ar Thairseach Eorpach na hÓige). Tá prionsabal an dáilte bunaithe ar phríomhghníomhaíocht 1 de chlár Erasmus+, is é sin an scála dáilte ‘soghluaisteacht aonair don óige’.

I gcás ina mbeidh níos lú iarratasóirí as tíortha áirithe ar na pasanna taistil atá ar fáil, dáilfear na pasanna atá fágtha ar na tíortha ina bhfuil níos mó iarratasóirí ná an cuóta atá beartaithe. Foilseofar an cuóta deiridh in aghaidh na tíre mar aon leis na torthaí meastóireachta.