Nei. Verkefnið dekkar ekki þennan kostnað. Kostnað vegna gistingar og lífsviðurværis, sem og ferðakostnað sem verður til vegna sérstakra óska þátttakenda (t.d. hefja ferðina þína frá öðru landi) eða hvers konar annan kostnað sem tengist ferðalaginu bera þátttakendur sjálfir. En verktakinn lætur þér í té DiscoverEU-afsláttarkortið sem veitir vissa afslætti á gistingu, geymslu farangurs og margvíslegri þjónustu víðs vegar í Evrópu.

Þátttakendur ættu að afla sér viðeigandi sjúkra- og ferðatryggingar fyrir allan ferðatímann. Venjulega tryggja almennar sjúkratryggingar heimalandsins þátttakendurna meðan á dvöl í öðru ESB-landi stendur, gegnum Evrópska sjúkratryggingakortið. Hins vegar er ekki víst að Evrópska sjúkratryggingakortið eða heilsutrygging hjá einkareknu fyrirtæki dekki öll hugsanleg tilfelli, einkum og sér í lagi heimflutning eða ef þörf er á aðkomu sérfræðilækna. Fyrir slík tilfelli er ráðlegt að fá sér viðbótartryggingu.