Il-Ġimgħa Ewropea tal-Isport: ejjew ningħaqdu ma’ #BeActive!

L-aħħar aġġornament sar fi Il-Ħamis, 01/10/2020

Irrispettivament mill-età, mill-isfond jew mil-livell tal-istat fiżiku, l-isport huwa għal kulħadd! Hekk kif hija wkoll il-Ġimgħa Ewropea tal-Isport, waħda mill-akbar inizjattivi sportivi fid-dinja. Ejjew ningħaqdu ma’ #BeActive!

Għaliex Ġimgħa Ewropea tal-Isport?

Il-Ġimgħa Ewropea tal-Isport hija inizjattiva tal-Kummissjoni Ewropea biex tippromwovi l-isport u l-attività fiżika mal-Ewropa kollha bil-motto #BeActive. Din għandha l-għan li tqajjem kuxjenza dwar kemm hu importanti stil ta’ ħajja attiv għal kulħadd u hija mfassla biex tagħti lin-nies opportunità biex jibdew ikunu attivi! 

L-isport u l-attività fiżika jikkontribwixxu b’mod sostanzjali għas-saħħa u l-benesseri taċ-ċittadini Ewropej, madankollu l-livell ta’ attività fiżika fl-Ewropa bħalissa qed jistaġna u saħansitra qed jonqos f’xi pajjiżi. Il-Ġimgħa Ewropea tal-Isport hija tweġiba konġunta għal din l-isfida kif ukoll sejħa għall-azzjoni.

Ħejji ruħek għall-edizzjoni li jmiss!

Il-Ġimgħa Ewropea tal-Isport issir kull sena mit-23 sat-30 ta’ Settembru, b’eluf ta’ avvenimenti organizzati minn mijiet ta’ sħab fil-pajjiżi parteċipanti. 

Matul il-Ġimgħa, se jkollok iċ-ċans li tattendi attivitajiet bħal programmi ta’ eżerċizzju f’parks, turnej (skejjel), logħob, żjarat bi gwida bil-mixi u bir-rota, jiem għall-pubbliku fil-klabbs sportivi u ħafna aktar. Mod tajjeb ħafna biex tiskopri sports ġdid, tgawdi minn stil ta’ ħajja aktar tajjeb għas-saħħa u tieħu gost!

#BeActiveAtHome: ibqa’ f’pajjiżek, ibqa’ attiv

Biex tgħin lill-Ewropej jeżerċitaw u jibqgħu fiżikament attivi anke taħt ċirkostanzi bla preċedent, il-Kummissjoni Ewropea nediet il-kampanja #BeActiveAtHome. 
Bis-saħħa tal-komunità #BeActive, ħdimna flimkien matul dan iż-żmien straordinarju, bl-użu tal-media soċjali bħala mod biex tingħata spinta lill-attività! Aħna wrejna x’qed tagħmlu biex tibqgħu attivi (u fl-istess ħin tieħdu ftit gost) billi ppowstjajna bil-hashtag #BeActiveAthome u semmejna @EUSport fuq Twitter u @european_youth_eu fuq Instagram.