#ErasmusDays 2022

L-aħħar aġġornament sar fi L-Erbgħa, 03/08/2022

L-#ErasmusDays tal-2022 se jsiru fit-13, l-14 u l-15 ta’ Ottubru fl-Ewropa kollha kif ukoll fid-dinja!

L-#ErasmusDays 2022 se jsiru fit-13, l-14 u l-15 ta’ Ottubru fl-Ewropa kollha kif ukoll fid-dinja! Din iċ-ċelebrazzjoni internazzjonali hija bbażata fuq kunċett sempliċi ħafna: matul tlett ijiem speċifiċi, nippromwovu l-valuri Ewropej, il-benefiċċji tal-mobbiltà u r-riżultati tal-proġett Erasmus+, sabiex tingħata spinta lill-viżibbiltà għaċ-ċittadini, il-partijiet ikkonċernati, il-media u dawk li jfasslu l-politika.

Is-sena l-oħra, ġew organizzati 5,670 avveniment f’67 pajjiż matul l-#ErasmusDays.

Fl-2022, l-#ErasmusDays huma organizzati flimkien mal-35 anniversarju u s-Sena Ewropea taż-Żgħażagħ, bit-tagline “Naqsmu l-valuri Ewropej tagħna maż-żgħażagħ tal-lum u ta’ għada: diġà għal 35 sena u ħafna oħrajn li għad iridu jiġu”.

L-organizzazzjonijiet huma liberi li jorganizzaw azzjoni online u/jew fiżika, kbira jew żgħira. Jeħtieġ li l-avveniment jiġi rreġistrat fuq www.erasmusdays.eu. Wirjiet, kunċerti, kompetizzjonijiet, seminars, networking bejn is-sħab, jiem għall-pubbliku, distribuzzjoni tad-dokumenti tal-Mobbiltà tal-Europass, avvenimenti diġitali... Din ir-reġistrazzjoni se tagħmel l-avveniment viżibbli fuq is-sit web u fuq in-networks soċjali bis-saħħa tal-hashtag #ErasmusDays.

Nirringrazzjawk bil-quddiem tal-kollaborazzjoni tiegħek peress li l-isforz konġunt tagħna bejn l-aġenziji nazzjonali kollha huwa essenzjali biex din is-6 edizzjoni tkun suċċess fil-livell Ewropew u internazzjonali.