DiscoverEU е иницијатива во рамките на програмата Еразмус+ која на 18-годишниците им дава можност да патуват низ Европа. Младите луѓе имаат можност да ги запознаат прекрасните пејзажи на Европа, нејзината бескрајна разновидност на градови и места, да се сретнат со свои истомисленици, да станат понезависни и посамоуверени и да го обликуваат својот ЕУ идентитет. За да учествуваат младите можат да се пријават во редовните кругови на пријавување кои се објавуваат на Европскиот портал за млади, а Европската унија на избраните кандидати им доделува патна пропусница и картичка за попусти.