DiscoverEU hija azzjoni tal-programm tal-Erasmus+ li tagħti l-opportunità liż-żgħażagħ ta’ 18-il sena biex jivvjaġġaw fl-Ewropa. Iż-żgħażagħ jiskopru l-ġmiel tal-pajsaġġ Ewropew, il-varjetà bla tmiem tal-bliet u l-irħula tagħna, jiltaqgħu ma’ vjaġġaturi tal-istess fehma, isiru aktar indipendenti u kunfidenti, u jesploraw l-identità Ewropea tagħhom. Iż-żgħażagħ jistgħu japplikaw waqt is-sessjonijiet regolari tal-applikazzjonijiet li jitħabbru fuq il-Portal Ewropew taż-Żgħażagħ, u l-Unjoni Ewropea tagħti pass tal-ivvjaġġar u kard tal-iskont lill-applikanti magħżula.