Ba mhaith leis an gCoimisiún Eorpach cloisteáil ó na taistealaithe óga agus spreagfaidh sé iad chun a n-eispéiris agus a gcuid eachtraí a roinnt. Sin an fáth a bhféadfadh gach rannpháirtí a bheith ina Ambasadóir DiscoverEU. Tabharfar cuireadh dóibh a n-eispéireas taistil a chomhroinnt ar uirlisí de chuid na meán sóisialta nó trí chur i láthair a dhéanamh ag a scoil nó ina bpobal áitiúil. Cuirtear fáilte roimh rannpháirtithe dul isteach i nGrúpa Facebook oifigiúil #DiscoverEU.

Agus iad ag gníomhú mar Ambasadóirí DiscoverEU, cuirtear i gcuimhne do rannpháirtithe gurb acu féin amháin na dearcthaí agus na tuairimí a chuireann siad in iúl agus nár cheart dóibh a thabhairt le tuiscint ar bhealach ar bith go bhfuil na dearcthaí ná na tuairimí sin formhuinithe nó formheasta ag an Aontas Eorpach. Ina theannta sin, ba cheart dóibh staonadh ó ghníomhú ar bhealach atá ar neamhréir le haidhmeanna agus prionsabail an Aontais Eorpaigh nó chlár DiscoverEU ná ar aon bhealach a bheadh neamhdhleathach.