Framkvæmdastjórn ESB vill gjarnan heyra frá hinum ungu ferðamönnum og hvetja þá til þess að deila reynslu sinni og ævintýrum. Þess vegna geta allir þátttakendur orðið sendiherrar DiscoverEU. Þeir eru hvattir til að deila ferðaupplifun sinni í gegnum samfélagsmiðla eða með því að halda kynningu í skólanum sínum eða sínu nærsamfélagi. Þátttakendunum er boðið að taka þátt í opinbera #DiscoverEU Facebook Grouphópnum.

Þátttakendur eru minntir á að þegar þeir koma fram sem sendiherrar DiscoverEU halda viðhorf og skoðanir sem þeir láta í ljós áfram að vera þeirra eigin og að þeir ættu ekki á nokkurn hátt að gefa í skyn að Evrópusambandið styðji eða leggi blessun sína yfir þessi viðhorf og tjáðar skoðanir. Ennfremur ættu þeir að forðast framkomu sem samræmist ekki markmiðum og meginreglum Evrópusambandsins eða DiscoverEU-áætlunarinnar eða hvers konar framferði sem er ólöglegt.