Ba í 2022 Bliain Eorpach na hÓige, inar tarraingíodh aird ar thábhacht óige na hEorpa i dtaca le todhchaí níos fearr a thógáil – todhchaí a bheidh níos glaise, níos cuimsithí agus níos digití. Le linn Bhliain Eorpach na hÓige, thapaigh daoine óga an iliomad deiseanna le páirt a ghlacadh i níos mó ná 13,000 gníomhaíocht i 67 dtír. Tugadh guth do na daoine óga agus cloiseadh iad! Trí na meáin shóisialta, le linn díospóireachtaí agus teagmhálacha idir ár bpolaiteoirí agus ár saoránaigh óga, chuir na daoine óga a dtuairimí agus a mianta in iúl. 

Anois, tá sé in am dúinn machnamh a dhéanamh ar oidhreacht Bhliain na hÓige agus gníomhú ina leith!