Skip to main content
© Liana Mikah - Unsplash © Liana Mikah - Unsplash

Au pair barra minn pajjiżek – jekk tħobb taħdem mat-tfal

L-aħħar aġġornament sar fi It-Tlieta, 18/05/2021

Lest li tikseb xogħol u esperjenza tal-ħajja f’kultura oħra billi ssir membru temporanju ta’ familja ġdida? Mela li tagħmel au pair jista’ jkun opportunità tajba għalik!

L-au pairs jieħdu ħsieb tat-tfal f'familja u jistgħu jkunu mistennija li jgħinu fix-xogħol tad-dar ta' kuljum ukoll. Bħala kumpens, il-familja toffri akkomodazzjoni full-board u ftit flus. Tista’ tagħżel kemm tixtieq li tkun twila l-esperjenza tiegħek, xahrejn, matul is-sajf jew saħansitra sena jew aktar. Ikollok is-sigurtà soċjali u tkun kopert għas-saħħa, iżda normalment ikollok tħallas għall-ispejjeż tal-ivvjaġġar inti stess.

Sakemm ma jkollokx kuntatti personali, l-aħjar mod biex issib post simili hu billi tuża aġenzija jew organizzazzjoni speċjalizzata, għalkemm trid tkun lest li tħallashom miżata żgħira għal dan.

X'inhuma l-kundizzjonijiet ewlenin?

  • Il-biċċa l-kbira tal-au pairs għandhom bejn 18 - 24 sena (għalkemm xi aġenziji jakkomodaw au pairs sa 30 sena).
  • Irid ikollok għarfien bażiku tal-lingwa tal-pajjiż li se jospitak.
  • Mhux essenzjali li jkollok esperjenza speċifika – għalkemm jgħin jekk tista' turi li taf tmur mat-tfal.
  • Liċenzja tas-sewqan mhix dejjem meħtieġa, iżda tkun vantaġġ. 

Kif tibda?

  • Ippjana minn kmieni – normalment ma jkunx hemm skadenzi biex tapplika, iżda ħu ż-żmien li hemm bżonn biex issib l-aħjar familja għalik u ċċaraw il-formalitajiet kollha.
  • Iċċekkja ma' aġenziji u organizzazzjonijiet kwalifikati għal postijiet ta' au pair (ara hawn taħt). Jekk teħtieġ l-għajnuna, ikkuntattja l-eqreb Eurodesk.

Fejn tfittex?

Siti web differenti jipproponu opportunitajiet au pair. Kun ċert li tiċċekkja kemm wieħed jista’ joqgħod fuq l-informazzjoni (tista’ tiċċekkja wkoll il-Ftehim Ewropew), ikkuntattja l-organizzazzjonijiet u jekk possibbli, dawk li diġà għamlu au pair (ara l-artiklu tagħna dwar Kif tagħżel opportunità ta’ volontarjat tajba billi japplikaw l-istess verifiki ta’ kwalità). 

  • Au pair world – bażi tad-data dinjija tal-au pair
  • Find au pair – biex tqabbel au pairs ma’ familji mid-dinja kollha, forum ta’ diskussjoni, informazzjoni dwar il-viża u links għal aġenziji
  • International Au Pair Association – aċċess għall-organizzazzjonijiet attivi fl-aspetti kollha tal-au pair u programmi ta' skambji kulturali