Is é príomhchuspóir sonrach an Chóir Dlúthpháirtíochta Eorpaigh, mar a thuairiscítear in airteagal 3, “deiseanna atá inrochtana go héasca a sholáthar do dhaoine óga, lena n-áirítear daoine óga ar lú iad na deiseanna atá acu, chun bheith rannpháirteach i ngníomhaíochtaí dlúthpháirtíochta a mbíonn athruithe dearfacha ar an tsochaí san Aontas agus níos faide i gcéin mar thoradh orthu, agus a dhéanann, ag an am céanna, a gcuid inniúlachtaí a fheabhsú agus a bhailíochtú go cuí agus a rannpháirtíocht leanúnach mar shaoránaigh ghníomhacha a éascú freisin”.

Mar chuid de chlár an Chóir Dlúthpháirtíochta Eorpaigh, tar éis na hoibrithe deonaí a imscaradh faoin gCór Saorálach Eorpach um Chabhair Dhaonnúil, bainfidh siad tairbhe freisin as an Youthpass, an uirlis aitheantais a forbraíodh do na tionscadail a cuireadh i gcrích sna cláir Eorpacha don óige agus a úsáidtear go forleathan san Aontas.