Għotja ta’ flus tal-fondazzjoni Marc de Montalembert

L-aħħar aġġornament sar fi L-Erbgħa, 10/07/2024

Il-fondazzjoni Marc de Montalembert tappoġġja proġetti li jagħmluha possibbli għal żgħażagħ minn pajjiżi tal-Mediterran li jiskopru d-diversità ta' kulturi Mediterranji oħrajn u li jiżviluppaw is-sens tad-diversità u tar-rikkezza tagħhom.

Il-Fondazzjoni Marc de Montalembert għandha l-għan li tippromwovi l-komprensjoni kulturali fost il-ġenerazzjonijiet u tinkuraġġixxi d-djalogu interkulturali fid-dinja tal-Mediterran. Kull sena, il-Fondazzjoni tagħti għotja ta' flus lil żgħażagħ mir-reġjun tal-Mediterran biex jimplimentaw proġetti interkulturali.

Tista' tapplika?    

Iva, jekk għadek ma għalaqtx 28 sena, ġej minn pajjiż Mediterranju u tixtieq timplimenta proġett interkulturali oriġinali li hu skont l-għażliet vokazzjonali tiegħek. Biex tapplika, għandek tipproponi proġett ta’ studju fil-qasam kulturali tal-għażla tiegħek li għandu jitwettaq f’pajjiż wieħed jew aktar tar-reġjun tal-Mediterran sakemm ikun differenti mill-pajjiż ta’ oriġini tiegħek.

Kif tapplika

Is-sejħa għall-applikazzjonijiet tiftaħ kull sena fl-1 ta’ Ottubru u għandek tapplika sal-31 ta’ Diċembru. Żomm f’moħħok li l-formoli ta' applikazzjoni għandhom jintalbu sal-15 ta' Novembru. Is-sottomissjoni tiegħek trid tinkludi ittra ta’ preżentazzjoni fil-format PDF.

Jekk tingħata l-għotja ta’ €7000 Euro, tiġi mistieden biex tirċeviha f’Rodi, il-Greċja.

Tingħata sena biex tikteb rapport dwar it-tagħrif u l-esperjenza li tkun akkwistajt matul iż-żmien kollu tal-proġett tiegħek. Dan jista’ jinkiteb jew jiġi espress fi kwalunkwe forma li tista’ tiġi ppubblikata u ddistribwita. Tista’ wkoll toqgħod sa mhux aktar minn sitt xhur fil-kwartieri tal-Fondazzjoni f’Rodi biex tipprepara dan ix-xogħol.

Skopri aktar hawnhekk.