Bealach Bauhaus Eorpach Nua

Is tusa Bauhaus Eorpach Nua. 

Is fútsa atá sé: baineann sé le do dhearcadh, agus leis an ngrá atá agat todhchaí álainn inbhuanaithe chuimsitheach a chruthú don Eoraip agus tú ag taisteal linn. 

Ceiliúradh ar an am atá caite atá ann, chomh maith le spléachadh spreagúil ar an todhchaí. Baineann sé leat, le do ghlúinse, leis an Eoraip agatsa. 

Cén chaoi a bhfuil tú ag iarraidh maireachtáil le chéile? Cén cineál todhchaí atá á cruthú agat? 

Bí linn agus gheobhaidh tú amach.” 

 

Chun aghaidh a thabhairt ar dhúshláin an lae amárach, beidh gá le hathrú a dhéanamh ar an gcaoi a ndéanaimid ár gcathracha a dhearadh agus a thógáil – spásanna áille a chruthú a théann in oiriúint do spriocanna aeráide agus a chinntíonn cuimsiú an uile dhuine.  

Seo chugainn Bauhaus Eorpach Nua (NEB). Nasctar trí luach le chéile mar chuid den tionscnamh: inbhuanaitheacht, cuimsiú agus aeistéitic. Cuireann Bealach Bauhaus Eorpach Nua beocht i gcoincheap NEB, rud a thugann deis duit cathracha fadbhreathnaitheacha a thaiscéaladh le linn d’eachtra DiscoverEU.  

Tá cinn scríbe a roghnaíodh go cúramach ar an mBealach seo, agus léiríonn siad téamaí NEB.   

Ar gach fobhealach NEB, tá cathair amháin ar a laghad ina bhfuil tionscadal oifigiúil NEB lonnaithe chun go mbeidh tú in ann NEB a fheiceáil faoi lán seoil. Tá nasc láidir díreach ag na ‘Cathracha Ceannródaíocha NEB’ sin le fís an Aontais le haghaidh todhchaí álainn inbhuanaithe chuimsitheach. Tá tionscadal ar leith i roinnt mhaith cathracha ar ar bronnadh Gradam Bauhaus Eorpach Nua nó Gradam Bauhaus Eorpach Nua do chathair atá ag teacht chun cinn.  

Cuir tús le do thuras ar Bhealach NEB a phleanáil chun spléachadh a fháil ar thodhchaí chathracha na hEorpa!