Seachtain Eorpach na hÓige

Fáilte go Seachtain Eorpach na hÓige 2026! Is imeacht í seo a eagraíonn an Coimisiún Eorpach gach dara bliain chun rannpháirtíocht agus saoránacht ghníomhach na hóige a cheiliúradh agus a chur chun cinn ar fud na hEorpa agus níos faide i gcéin.

Beidh sí ar siúl ón 24 Aibreán go dtí an 1 Bealtaine 2026.

Beidh an t-eagrán seo dírithe ar an Dlúthpháirtíocht agus ar an gCothroime. Déanaimid ceiliúradh ar 30 bliain d’obair dheonach san Eoraip le taispeántas atá tiomnaithe d’Eorpaigh a bhfuil difríocht déanta acu sa tsochaí. 

Cuirfear tús leis an tseachtain i bParlaimint na hEorpa sa Bhruiséil le breis agus 1,000 rannpháirtí, daoine óga den chuid is mó, agus déanfaidh siad a gcuid smaointe agus tuairimí a mhalartú le linn lá iomlán gníomhaíochtaí. 

Beidh an t-imeacht tosaigh ar siúl an 24 Aibreán 2026 ó 9.15 go 11.00 a.m. i Seomra Tionóil Pharlaimint na hEorpa. Tar éis do Roberta Metsola, Uachtarán Pharlaimint na hEorpa, tús a chur leis an imeacht, beidh seisiún ardleibhéil ann ina mbeidh comhráite dinimiciúla péireáilte idir cainteoirí ardleibhéil agus daoine óga spreagúla.

Déanfar sruthú gréasáin ar an leathanach seo ar an imeacht tosaigh.

 

Conas páirt a ghlacadh

Ar mhaith leat tuilleadh eolais a fháil faoi dheiseanna agus faoi bheartais de chuid an Aontais? Ar maith leat ábhair atá tábhachtach duitse a phlé agus teagmháil a dhéanamh le lucht ceaptha beartas? Ar mhaith leat imeachtaí éagsúla a eagrú ar fud na hEorpa agus níos faide i gcéin, sin agus páirt a ghlacadh iontu? Ar mhaith leat inspioráid a fháil ó scéalta daoine óga eile?