Rotta tal-Bauhaus Ewropea l-Ġdida

Inti l-Bauhaus Ewropea l-Ġdida. 

Tinsab fik, fl-attitudni tiegħek, u fl-imħabba li tixxerja għall-ħolqien ta’ Ewropa futura sabiħa, sostenibbli u inklużiva hekk kif tivvjaġġa magħna. 

Hi ċelebrazzjoni tal-passat u ħarsa eċċitanti lejn il-futur. Din hi dwarek, il-ġenerazzjoni tiegħek, l-Ewropa tiegħek. 

Kif tixtieq tgħix flimkien ma’ ħaddieħor? X’tip ta’ futur qed toħloq? 

Ejja magħna u skopri.” 

 

Biex nilqgħu l-isfidi ta’ għada se jkun hemm bżonn bidla fil-mod kif infasslu u nibnu l-bliet tagħna – noħolqu spazji sbieħ li jadattaw għall-għanijiet klimatiċi u niżguraw l-inklużjoni ta’ kulħadd.  

Idħol fil-Bauhaus Ewropea l-Ġdida (NEB). L-inizjattiva tgħaqqad tliet valuri: is-sostenibbiltà, l-inklużjoni u l-estetika. Ir-Rotta tal-Bauhaus Ewropea l-Ġdida tagħti l-ħajja lill-kunċett tal-Bauhaus Ewropea l-Ġdida, u tagħtik l-opportunità li tesplora bliet li jħarsu ’l quddiem matul l-avventura ta’ DiscoverEU tiegħek.  

Din ir-Rotta fiha destinazzjonijiet organizzati bir-reqqa li jirrappreżentaw it-temi tal-NEB.   

Kull subrotta tal-NEB tinkludi mill-anqas belt waħda li tospita proġett uffiċjali tal-NEB, sabiex tkun tista’ tara l-NEB fl-azzjoni. Dawn il-“Bliet Eroj tal-NEB” għandhom rabta qawwija u diretta mal-viżjoni tal-Unjoni Ewropea ta’ futur sbieħ, sostenibbli u inklużiv. Ħafna bliet għandhom proġett partikolari li ġie rikonoxxut bil-Premju Bauhaus Ewropea l-Ġdida jew il-Premju Rising Star tal-Bauhaus Ewropea l-Ġdida.  

Ibda ppjana l-vjaġġ tiegħek tul ir-Rotta tal-NEB biex tilmaħ il-futur tal-bliet Ewropej!