Il-Korp Ewropew ta’ Solidarjetà hu miftuħ għal firxa wiesgħa ta’ organizzazzjonijiet biex imexxu l-proġetti. Dawn jinkludu organizzazzjonijiet governattivi, muniċipalitajiet, organizzazzjonijiet mhux governattivi u kumpaniji. Dawn jistgħu wkoll ikunu ta’ kull daqs, minn kumpaniji multinazzjonali kbar sa NGO żgħira li taħdem f’komunità lokali. Sabiex jipparteċipaw, l-organizzazzjonijiet għandhom jiksbu Tikketta ta’ Kwalità. Kwalunkwe organizzazzjoni pubblika jew privata minn Stat Membru tal-Unjoni Ewropea li għandha Tikketta ta’ Kwalità tista’ tippreżenta applikazzjonijiet għal finanzjament għal volontarjat.

Organizzazzjonijiet minn Pajjiżi Sħab barra l-Unjoni Ewropea li għandhom Tikketta ta’ Kwalità jistgħu jipparteċipaw f’attivitajiet ta’ volontarjat bħala sħab.