Min aħna
Għandek bejn 18 u 30 sena u qed tfittex opportunità biex tgħin lill-komunità inġenerali, fl-Ewropa jew lil hinn minnha?
Tista’ tagħmel dan bil-finanzjament u l-appoġġ mill-Korp Ewropew ta’ Solidarjetà, li jgħin liż-żgħażagħ jieħdu sehem fi proġetti kemm barra minn pajjiżhom kif ukoll f’pajjiżhom stess.
Dawn il-proġetti joffrulek esperjenza li tispirak u timmotivak filwaqt li jagħtuk iċ-ċans li twassal għal bidla pożittiva filwaqt li tiżviluppa l-ħiliet u l-kompetenzi tiegħek.
Allura x’tista’ tagħmel?
- Volontarjat
- Proġetti ta’ Solidarjetà
- Volontarjat fil-qasam tal-Għajnuna Umanitarja (miftuħ għal persuni li għandhom sa 35 sena)
Dawn il-proġetti jistgħu jkunu f’firxa wiesgħa ta’ oqsma - l-edukazzjoni u t-taħriġ, iċ-ċittadinanza u l-parteċipazzjoni demokratika, il-protezzjoni ambjentali u tan-natura, il-migrazzjoni, il-kultura, l-għajnuna umanitarja, u ħafna oħrajn.
Kif taħdem is-sistema?
Il-Korp Ewropew ta’ Solidarjetà jagħti finanzjament fil-forma ta’ għotjiet lil organizzazzjonijiet permezz ta’ sejħa għal-proposti.
Iż-żgħażagħ li jkunu jixtiequ jinvolvu ruħhom fi proġetti jridu jirreġistraw fil-portal tal-Korp Ewropew ta’ Solidarjetà, li joffri spazju għaż-żgħażagħ u għall-organizzazzjonijiet iffinanzjati biex jagħmlu kuntatt bejniethom u jagħtu bidu għal attivitajiet.
Il-Korp min imexxih?
Il-Korp Ewropew ta’ Solidarjetà tmexxih il-Kummissjoni Ewropea.
Jiġi attwat fil-post minn diversi entitajiet: