Constanța er staðsett á strönd Svartahafsins og er elsta borgin með viðvarandi byggð í Rúmeníu og saga hennar er áþreifanleg þegar þú reikar um götum hennar. Muzeul de Artă Populară, eða Þjóðlistasafnið, er til húsa í margbrotinni byggingu (hannaðri í dæmigerðum rúmenskum Neo-Brancovensecu stíl) sem áður var bæði ráðhúsið og pósthús. Hér getur þú kynnt þér ríkulega skreytt hefðbundin handverk frá svæðinu, sem voru gerð úr efnum eins og keramik, tré og málmi. Aðeins í nokkurra mínútna göngufjarlægð er þjóðminja- og fornleifafræisafnið, Museum of National History and Archaeology, og þar við hliðina getur þú dáðst að fallegri rúmenskri byggingu með mósaíkgólfi.

Stærsta hafnarborg Svartahafsins — þekkt sem sjávarhöfuðborg Búlgaríu — er Varna með sínar töfrandi gönguleiðir meðfram vatninu sem eru fullkomnar til að róa sig niður eftir langan dag. Í ágúst sækja rúmlega 15.000 gestir borgina heim til að upplifa Alþjóðlegu alþýðusumarhátíð Varna, Varna Summer International Folklore Festival, þar sem boðið er upp á sýningar þjóðlagahópa víðsvegar að úr heiminum í útileikhúsi við hafið. Varna tekur einnig á móti fjölmörgum gestum á alþjóðlegri hannyrðahátíð sinni „Bulgarika“; stærstu listsýningu Búlgaríu, og á kvikmyndahátíðinni Love is Folly International Film Festival. Hátíðin sameinar hefð og nútíma og hægt er að upplifa helstu listamenn myndlistar, handverks og tónlistar. Í rétt rúmlega 30 mínútna lestarferð frá Varna er Barite Complex, útisafn með hefðbundnum húsum og dæmigerðum búlgörskum handverkum. Gróðurunnendur hafa einnig fallið fyrir skrúðgörðum og almenningsgörðum Varna, t.d. Sea Garden með sjómennskuþemað, og Grasagarði háskólans.

Istanbúl, áður þekkt sem Konstantínópel, er stórt stórborgarsvæði sem er bæði í Asíu og Evrópu. 15 milljónir íbúar hennar gera borgina að þeirri fjölmennustu í Evrópu. Alþýðulist er alls staðar í Istanbúl, og á sér kannski helst stað í gerð tyrknesks marmaramynsturs (þekkt sem „Ebru“), smámyndlist eða tyrkneskri skrautskrift. Helstu dæmi um þetta eru að finna í safninu The Museum of Turkish and Islamic Arts (Türk ve Islam Eserleri Müzesi), þar sem er saman komin verðmætustu listaverk múslíma. Ekki fara frá Istanbúl án þess að líta við á Grand Bazaar – gríðarstórt markaðssvæði þar sem þú upplifir vinalegt viðmót, litríka lampa og völundarhús markaðsganga.

Eskişehir, eða „Gamla borg“ á tyrknesku, er staðsett á bökkum árinnar Porsuk — sumir áætla að borgin sé meira en 4.000 ára gömul. Á svæðinu í kringum moskuna Kurşunlu er að finna handiðnarmiðstöð Eskișehir þar sem hefðbundin handverk eins og gylling og glerblástur eru enn stunduð. Farðu í göngutúr um hið sögulega hverfi Eskişehir til að dást að þéttleika 19. aldar húsa, sem mörg eru nú notuð fyrir alþýðulistaverslanir. Þar getur þú smakkað Boza; þykkur, rjómakenndur og gerjaður drykkur með kanilbragði.