Malartuithe Ógra Erasmus+: an t-eolas riachtanach ar fad

An nuashonrú is déanaí an An Aoine, 20/01/2023

Daoine óga as tíortha éagsúla ag obair le chéile ar chomhthionscadal ar feadh 21 lá? Fiosraigh Malartuithe Ógra Erasmus+ agus cuir aithne ar do chomharsana san Eoraip!

Is deis iontach é páirt a ghlacadh i malartú ógra chun do scileanna a fhorbairt, chun teacht ar an eolas faoi fhíorghnéithe sóisialta agus difríochtaí cultúrtha agus chun luachanna ar nós na dlúthpháirtíochta, an daonlathais agus an chairdis a atreisiú. Faighimis amach cén chaoi le páirt a ghlacadh in eispéireas den sórt sin!

Cén chaoi a n-oibríonn sé?

Tabharfaidh malartuithe ógra deis duit cónaí in éineacht le daoine óga eile ar feadh tréimhse ghearr agus oibriú le chéile ar chomhthionscadal.

Glacfaidh tú páirt i ngníomhaíochtaí amhail ceardlanna, díospóireachtaí, tráthnónta idirchultúrtha, gníomhaíochtaí spóirt agus ealaíon, rólimirt, gníomhaíochtaí amuigh faoin spéir agus cuid mhór eile. Buailfidh tú le daoine áitiúla freisin. Ar deireadh, aithneofar do thaithí foghlama trí Youthpass, uirlis a thugann aitheantas do thorthaí foghlama ó obair óige agus gníomhaíochtaí dlúthpháirtíochta.

Cén chaoi a nglacfaidh mé páirt ann? 

Tá dhá bhealach le páirt a ghlacadh i malartú ógra: déanann eagraíochtaí don óige (nó eagraíochtaí eile) na tionscadail a bhainistiú, nó déanann grúpa neamhfhoirmiúil daoine óga (ó 13 bliana go 30 bliain d’aois) iad a eagrú; ní féidir iarratas a dhéanamh mar dhuine aonair.

Arbh eol duit? Is féidir le idir 16 agus 60 duine a bheith páirteach i malartú!

Cén tréimhse a bhíonn i gceist?

Beidh tú ar ais sa bhaile roimh thráth éigin idir 5 lá agus 21 lá (gan laethanta taistil san áireamh).

An bhfuil costas i gceist?

Ná bí buartha, tabharfar tacaíocht duit i rith an mhalartaithe trí dheontas do chostais taistil, costais phraiticiúla agus costais a bhaineann le gníomhaíochtaí.

Cá háit ar féidir dul ar Mhalartuithe Ógra?

Féadfaidh tú a bheith rannpháirteach i gceann de na tíortha atá rannpháirteach sa chlár nó i gceann ar bith de na tíortha comhpháirtíochta atá i gcomharsanacht an Aontais.

An dteastaíonn cabhair uait?

Aimsigh eagraíocht rannpháirteach oiriúnach trí theagmháil a dhéanamh le Gníomhaireacht Náisiúnta Erasmus+ i do thír, nó déan teagmháil leo má tá aon cheist agat. 

Mura dtaitníonn an clár sin leat, seiceáil na hailt eile faoi mhalartuithe scoile, faoi bheith ag obair go deonach, bheith ag staidéar nó ag obair thar lear sa rannán “Téigh Thar Lear”. Is féidir leat féachaint ar an Aimsitheoir Deiseanna Eurodesk freisin chun tuilleadh deiseanna a fheiceáil.