За да дознаеш кои се твоите права како патник, посети го делот за патување на Европскиот портал за млади. Младите со посебни потреби можат да се запознаат со своите права овде. Напоменуваме дека сите прописи за подршка на лицата со посебни потреби ќе се разгледуваат поединечно за секој случај, за да им се олесни планирањето на патувањето.
Одговорот на тоа прашање ќе го пронајдеш во делот Правила, оддел 7. “Резервна листа“.
Во случај на технички проблеми, нс пр. ако не добиеш код за потврда/е-пошта или ако внесеш погрешни податоци, контактирај го надворешниот изведувач задолжен за резервации за патувањата. Процесот на комуникација ќе биде објаснет во пораки по е-пошта што ќе ги добиеш од изведувачот.
Да, тоа е возможно. Членовите на една група можат да патуваат независно еден од друг. Патните пропусници се лични.
Можеш слободно да патуваш заедно со твои пријатели кои исто така добиле патна пропусница. Исто така, можеш во било кое време да ја смениш групата, дури и смерот на патувањето.
Важно е за време на постапката за резервација, задолжително да внесеш исти почетен датум како и останатите учесници со кои сакаш да патуваш.
Одговорот на тоа прашање ќе го пронајдеш во делот Правила, оддел 9. “Видови на транспортни средства“.
Да, групната пријава се оценува како една пријава. Напоменуваме дека може да се изберат само оние членови на групата кои се регистрирале на интернет (онлајн - и кои ги исполнуваат условите за учество) пред крајниот рок за пријавување. Групата може да биде составена од најмногу 5 лица.
Можеш да посетиш колку што сакаш градови и места, под услов да посетиш најмалку една земја освен твојата и да не го надминеш бројот на денови за патување.
Сите учесници се потенцијални водачи на група. Како кандидат на конкурсот, можеш да додадеш до 4 пријатели кои ги исполнуваат условите за учество во DiscoverEU, дури и ако во пријавата си назначил дека сакаш да патуваш самостојно. За да им овозможиш на твоите пријатели да се приклучат кон твојата пријава, треба да им го дадеш кодот на твојот пријава кој ќе го добиеш по е-пошта. Тие треба да се пријават пред истекот на крајниот рок за пријавување и да ги исполнуваат условите за учество. (Види под Правила оддел 2.
Доколку твојата пријава како водач на групата е успешна, но членовите на твојата група не добијат патна пропусница, тоа значи дека членовите на групата не ја завршиле својата пријава навреме преку Европскиот портал за млади, или не ги исполнуваат условите за учество (на пр. возраст, националност), или не го притиснале копчето „Поднеси“ за да се регистрираат до крајот на рокот за пријавување. Само оние членови на групата кои го поднеле својата пријава до крајниот рок преку кодот обезбеден од водачот на групата можат да учествуваат во иницијативата DiscoverEU.
