Често се смета за врска помеѓу француската и германската култура, целиот центар на градот Стразбур е на листата на Унеско на заштитено светско културно наследство. Градот беше еден од финалистите за наградата за Европска зелена престолнина во 2021 година и е предводник на борбата против климатските промени и подобрувањето на квалитетот на воздухот. Во 2012 година, Стразбур ја започна повелбата „Сите обединети за повеќе биодиверзитет“, која ги штити шумите, парковите и дивиот свет во градот преку создавање живеалишта за видови како што се пчелите, обесхрабрувајќи ја употребата на пестициди на културите и поставувајќи зелени покриви на зградите. Уште повеќе, ако отсекогаш си сакал/а да бидеш во две земји истовремено, тогаш Стразбур е вистинското место за посета. Пупати се кон мостот во Градината на два брега - каде можеш со едната нога да стоиш во Франција, а со другата во Германија!

Луксембург Сити е вистински скапоцен камен на круната на Луксембург - единственото Големо Војводство во светот. Повеќе од една третина од градот обилува со паркови и градини, а градот најдобро се истражува пеш или со велосипед. Опфаќајќи ги клисурите на реките Петрус и Алзет, Градот Луксембург е зелено топ место кое не треба да се пропушти. Целиот јавен превоз во земјата е бесплатен, па зошто да не го искористиш тоа и да земеш автобус од Централната станица (Гаре централ) до прекрасното езеро Ехтернах? Земи книга и ужина за на пикник, и за помалку од еден час ќе уживаш во ручек на брегот покрај езерото!

Добитник на Европската награда Зелен лист во 2018 година, Лувен е историски универзитетски град, сместен 25 км источно од белгиската престолнина Брисел. Градот си поставил амбициозна цел да стане јаглеродно неутрален до 2030 година и го направил превозот позелен со воведување на зони без автомобили и со подобрување на велосипедската мрежа. Ботаничката градина во Лувен датира од 1738 година и е совршено место за да се направат фотографии на неверојатни тропски растенија вредни за на инстаграм Ако не можеш да стигнеш до Лувен, наместо тоа можеш да ја посетиш градинита и дигитално!

Еден од скриените скапоцени германски бисери, Есен се обврзал да се бори против климатските промени, да создаде зелени површини и да го подобри квалитетот на воздухот. Во текот на изминатите 40 години, Есен се трансформира од заедница фокусирана на ископување на јаглен и производство на челик во еколошки свесен и зелен град. Оваа трансформација беше препознаена во 2017 година, кога градот ја доби титулата за Европска зелена престолнина. За да дознаеш повеќе за индустриското минато и еколошката транзиција на градот, задолжително посети го музејот Рур. Сместен во напуштен рудник за јаглен, музејот е дел од културното наследство што ја раскажува приказната за Рурската долина.

Сместен на бреговите на реката Вал, Нијмеген ја добил титулата Европска зелена престолнина во 2018 година и бил место на првата DiscoverEU средба во 2019 година. Произлегувајќи од римска населба, денес градот е и културен и еколошки центар. Целта на Нијмеген е да стане „климатски отпорен“ до 2050 година, и ја постигнува оваа цел со поддршка на локалните жители, бизнисите и невладините организации. Нијмеген, исто така, работел со еколошки невладини организации за создавање на парк со ветерници, кој денес обезбедува 10% од енергијата во Најмеген. За да ѕирнеш во минатото на градот, не пропуштај го паркот Валкхоф; место на природна убавина со римски урнатини и капела која датира од пред речиси 1.000 години.

Германскиот град Хамбург нуди многу содржини и места за истражување, што го прави совршенa станица за време на твоето DiscoverEU патување. Дали знаеше дека Хамбург има повеќе мостови од било кој друг европски град? Предизвикај ги пријателите да пронајдат што е можно повеќе мостови и да му дадат дополнителни поени на оној кој ќе го најде најстариот мост во градот – кој датира од 1633 година! Именуван за Европска зелена престолнина во 2011 година, северната метропола Хамбург, презела мерки како воведување на обновливи извори на енергија и забрана на пластични шишиња и чаши за кафе за еднократна употреба во јавните канцеларии. Постојат дури и планови да се ослободи центарот на градот од автомобили до 2034 година, за да биде исклучиво достапен за велосипедисти и пешаци.

Копенхаген вреди да го посети секој патник од DiscoverEU. Без разлика дали ја фотографираш статуата на Малата сирена или посетуваш пазар за да го вкусиш смореброд за прв пат, овој дански град нуди многу за да се види и истражува. Награден со титулата Европска зелена престолнина во 2014 година, Копенхаген е посветен на тоа да го направи животот позелен за сите. Неговата намера е да стане првиот јаглеродно неутрален град во светот до 2025 година, а веќе успешно охрабрил 50% од жителите да користат велосипед како главно превозно средство до работа или до школо. Не пропуштај го Торвеалерне – затворен пазар каде што можеш да најдеш свежи, локални производи. Внатре во пазарот, можеш да пробаш некои дански деликатеси и да поразговараш со други купувачи за важноста на одржливата и локално произведена храна.

Малме е град кој се издигнал од пепелта на поранешната индустриска пустелија и станал еден од најзелените градови во Шведска. Претходно познат по транспорт и тешка индустрија, со поддршка од шведската влада, градот успеа да стане поеколошки. За подобро да ја разбереш индустриската историја на градот – и да ја споредиш со неговата денешна еколошка амбиција – посети го музејот Малме. Сместен на местото на поранешен замок, комплексот е всушност колекција на неколку музеи, нудејќи корисен увид во минатото, природната средина и поморските традиции на градот. Сите 177 автобуси во Малме се движат на мешавина од компресиран гас и биогас, што значи дека истражувањето на градот не е само интересно, туку е и зелено истотака! Фати го автобусот број 5 до Фулригарен за да го посетиш Сканиапаркен – тивок парк кој нуди одличен поглед на познатиот мост Ересунд, помеѓу Шведска и Данска.

Во 2019 година, Осло беше признат за веќе направената работа за да го направи градот поеколошки и посветеноста на градот за градење на одржлива иднина, и затоа беше прогласен за Европска зелена престолнина.

Кога си таму, посети го паркот Фрогнер – за прошетка, пикник, набљудување на луѓето или уживање во паркот на скулптури. Имаш потреба од повеќе зеленило? Посети го Палас Парк (Слоспаркен) со површина од 54 акри или ботаничката градина во Tојен. Лесно е да се пристапи до природата и надвор од градот. Можеш да се качиш на метрото и да одиш до езерото Сонгсван, каде што можеш да пешачиш, трчаш, пливаш или да направиш пикник.