Лисабон е еден од 100-те градови во Европа кои се обврзаа да станат климатски неутрални до 2030 година, како дел од мисијата на ЕУ за климатски неутрални и паметни градови. Како Европска зелена престолнина за 2020 година, Лисабон живее и дише одржливост. Португалската престолнина, позната по своите живописни ридови и крајбрежна кујна, ја преполови својата емисија на јаглероден диоксид (CO₂) во периодот od 2002 до 2014 година и денес е лидер во однос на јавниот превоз, електричните возила, велосипедските иницијативи и обезбедувањето на зелени паркови и градини. Сакаш да уживаш во прекрасните глетки на градот? Прошетај низ Жардим де Торел.
Сместен во долината на реката Писуерга, Ваљадолид е град посветен на одржливоста. Областите на урбана шума помагаат во апсорпцијата на јаглеродните емисии на градот, а речиси 1.500 велосипедски патеки им помагаат на жителите да се движат на еколошки начин. Околната провинција е позната по историските замоци, како што е Кастиљо ди Симанкас, па зошто да не изнајмиш велосипед и да не истражиш некое од овие скриени шпански богатства?
Викториа-Гастеиц е град во Шпанија, кој се наоѓа на само еден час оддалеченост од Билбао и е награден со титулата Европска зелена престолнина во 2012 година, и многу лесно може да се види зошто. Градот е опкружен со „Зелен прстен“ на планини и шуми, а целата популација живее на само 300 метри од зелена површина. Централниот парк Ла Флорида е ботаничка градина со над 90 видови на дрвја и е одлично место за релаксација и уживање во локалната амбиентална атмосфера. Паркот е дури и дом на куќата на културата посветена на шпанскиот писател Хосе Игнасио де Алдеока, која има и своја библиотека.
Како престолнина на регионот Арагон во Шпанија, Сарагоса е позната по својата римска историја, уникатната кујна и својата моќна урбана уметност. Но, покрај тоа, градот многу се посветува и на животната средина. Водниот парк „Луис Бунуел“ е голем парк сместен северо-западно од центарот на градот. Изграден на 140 акри неискористено земјиште, јавниот еко-парк е одличен пример за зелен развој и сега нуди активности како што се сплаварење по брзи води и јавање коњи. Ако претпочиташ побавен ритам, можеш исто така и да веслаш на езерото за чамци во паркот.
Комбинирајќи прекрасно медитеранско крајбрежно време со фасцинантна средновековна историја, Монпеље е незаобиколна станица на твоето патување со DiscoverEU. Самото крајбрежје е дом на Палавазиските лагуни, серија од прекрасни езера кои се заштитени од ЕУ како дел од мрежата Натура 2000. Бидејќи областа често е подложена на екстремни топлотни бранови, заштитата помага во зачувувањето на дивиот свет во лагуните. Друга локација од мрежата Натура 2000 во градот е реката Лез, која тече низ Паркот Домен де Мерик. Паркот е дом на поранешната резиденција на францускиот импресионистички сликар Базил, па без разлика дали сакаш да дознаеш повеќе за неговиот живот или едноставно да уживаш во лежерна прошетка покрај реката, паркот нуди нешто за секого.
Велосипедска патека Виа Рона долга 815 км која минува низ Лион, нудејќи им на патниците на DiscoverEU можност да го истражат јужниот дел на Франција на одржлив начин, на две тркала. Велосипедската патека го следи кривулестиот тек на реката Рона низ долини и насади од маслинки, почнувајќи од Женевското Езеро до Лион и на крај до медитеранските плажи на Франција. Ако имаш слободно попладне, зошто да не ја искористиш патеката за да ја откриеш убавината на регионот?
Често сметан за врска помеѓу француската и германската култура, целиот центар на Стразбур е на листата на светското културно наследство на УНЕСКО Градот беше еден од финалистите за Европска зелена престолнина за 2021 година и е предводник на борбата против климатските промени и подобрувањето на квалитетот на воздухот. Во 2012 година, Стразбур ја запошна повелбата „Сите обединети за повеќе биодиверзитет“, која ги штити шумите, парковите и дивиот свет на градот со создавање живеалишта за видови како што се пчелите, со намалување на употребата на пестициди на културите и со инсталирање на зелени покриви на зградите. Што е уште подобро, ако отсекогаш си сакал/а да бидеш во две земји истовремено, тогаш Стразбур е вистинското место за посета. Упати се кон мостот во Градината на два брега, на кој можеш со едната нога да стоиш во Франција, а со другата во Германија!
Сместен во живописните Алпи, на бреговите на Рајна, Вадуц нуди прекрасни погледи на шумските планини и високите врвови од речиси секоја страна. Неговата мала големина го прави лесно да излезеш од градот и да тргнеш да ја истражуваш природата пеш или со велосипед. Лихтенштајн се грижи за својата флора и фауна со 171 хектар заштитени природни резервати низ целата земја. Ако одлучиш да го посетиш Вадуц, не заборавај да ги понесеш твоите планинарски чевли за да ја искористиш максимално оваа идилична земја.
Познат по неговиот импозантен замок и кривулестите улици на неговиот стар град, баварскиот град Нирнберг беил финалист за наградата за Европска зелена престолнина во 2012 и 2013 година. Зелените зони низ градот ја ограничуваат употребата на возила што загадуваат, правејќи го воздухот во градот почист и подобар за дишење. Исто така, постои силна посветеност на циркуларната економија во градот, со 56% од комуналниот отпад што се рециклира. Центарот на градот е полн со мали независни продавници кои се посветени на продажба на еколошки или органски производи. Љубителите на традиционалните рачно изработени занаетчиски производи сигурно треба да се прошетаат низ дворот на средновековните занаетчии.
