Ní chabhróidh. Is faoin rannpháirtí, agus faoisean amháin, a bheidh sé lóistín a chur in áirithe. Moltar go láidir gan lóistín a chur in áirithe go dtí go bhfaighidh tú do phas taistil. Leis an gcárta lascaine DiscoverEU, d’fhéadfá a bheith in ann teacht ar lóistín inacmhainne ar nós brúnna óige.
Níl. Ní chlúdaítear na costais sin mar chuid den ghníomhaíocht. Is iad na rannpháirtithe, agus iad sin amháin, a chlúdóidh na costais lóistín agus chothabhála agus aon chostas taistil de thoradh roghanna na rannpháirtithe (e.g. tús a chur le do thuras i dtír eile), nó aon chostas eile a bhaineann leis an taisteal. Mar sin féin, cuirfidh an conraitheoir cárta lascaine DiscoverEU ar fáil duit, cárta a chuireann roinnt lascainí ar fáil ar lóistín, stóráil bagáiste agus go leor seirbhísí eile ar fud na hEorpa.
I gcás inar éirigh le d’iarratas mar cheannaire grúpa ach nár bronnadh ceann ar bhaill an ghrúpa, ciallaíonn sé sin nár chomhlánaigh baill an ghrúpa a n-iarratas in am ar Thairseach Eorpach na hÓige, nó nár chomhlíon siad na critéir incháilitheachta, nó nár chliceáil siad ar an gcnaipe ‘Cuir isteach’ chun bheith cláraithe ag deireadh an phróisis iarratais. Ní féidir ach baill an ghrúpa a chuir isteach a n-iarratas roimh an spriocdháta leis an gcód a thug ceannaire an ghrúpa dóibh, agus na daoine sin amháin, páirt a ghlacadh sa tionscnamh DiscoverEU.
Is ceannaire grúpa féideartha gach rannpháirtí. Mar iarratasóir, is féidir leat suas le ceathrar atá ag teacht le critéir incháilitheachta DiscoverEU a chur le grúpa, fiú má tá sé tugtha le fios agat ar an bhfoirm iarratais gur mian leat taisteal i d’aonar. Chun go mbeifear in ann do chairde a chur le d’iarratas, beidh ort do chód iarratais a chur ar fáil dóibh. Gheobhaidh tú an cód iarratais sin le ríomhphost.
Roghnófar. Déanfar meastóireacht ar iarratas grúpa mar aon iarratas amháin. Tabhair do d’aire nach gcuirfear san áireamh don mheastóireacht ach na daoine a chláraíonn ar líne (agus atá incháilithe chun páirt a ghlacadh ann) roimh dheireadh na tréimhse iarratais. Cúigear ar a mhéad a cheadaítear in aghaidh an ghrúpa.
Ní gá duit ach teagmháil a dhéanamh leis an Ionad Cabhrach le do chód iarratais, agus cuirfidh siad i dteagmháil thú leis an gconraitheoir arna ainmniú ag EACEA chun na pasanna taistil a eagrú. Ní mór duit é sin a dhéanamh sula gcuirfidh tú do phas taistil in áirithe tríd an bhfoirm áirithinte. Tabharfar do phas do dhuine atá ar an liosta ionadaithe. Cuirfear an bealach chun teagmháil a dhéanamh leis an gconraitheoir in iúl duit má bhronntar pas taistil ort.
Nuair atá iarratas á dhéanamh agat, is féidir leat an pas, an cárta aitheantais nó an cárta cónaithe atá agat faoi láthair a úsáid fós, fiú má tá sé dulta in éag. Mar sin féin, má bhronntar pas taistil agus cárta lascaine ort, caithfidh doiciméad aitheantais bailí (pas, cárta aitheantais náisiúnta nó cárta cónaithe) a bheith agat nuair atá an fhoirm áirithinte á líonadh isteach agat chun iarratas a dhéanamh ar do phas taistil i ngeall go bhfuil próiseas fíorúcháin aitheantais curtha i bhfeidhm ag an gconraitheoir.
Beidh tú in ann stádas d’iarratais a sheiceáil ar Thairseach Eorpach na hÓige. Coinnigh cóip de do chód iarratais DiscoverEU. Ná roinn do chód iarratais (ar na meáin shóisialta, mar shampla) ach amháin leis an gconraitheoir údaraithe a d’ainmnigh an Coimisiún Eorpach agus EACEA. Sa bhreis air sin, nuair a bheidh an próiseas meastóireachta curtha i gcrích, gheobhaidh na hiarratasóirí fógra ríomhphoist. Tá sé tábhachtach go mbeifear in ann teagmháil a dhéanamh leat tríd an seoladh ríomhphoist a thug tú mar chuid den iarratas.
Ní thabharfar. Is féidir leis an gconraitheoir a chuirfidh an taisteal in áirithe aon chóir iompair agus aon oibreoir nó líne a roghnú (cuirtear carranna príobháideacha agus busanna cairte as an áireamh, mar riail ghinearálta).
Bronnfar na pasanna taistil agus na cártaí lascaine de réir tíre cónaithe agus/nó tíre náisiúntachta i gcás inarb infheidhme, i gcomhréir le líon na bpasanna taistil a leithdháileadh ar gach tír (féach an rannán Cuóta in aghaidh na tíre ar Thairseach Eorpach na hÓige). Tá prionsabal an dáilte bunaithe ar phríomhghníomhaíocht 1 de chlár Erasmus+, is é sin an scála dáilte ‘soghluaisteacht aonair don óige’.
