De réir Thuarascáil 2023 ar Shonas na nDaoine i dTíortha an Domhain Mhóir, is iad na hÍoslannaigh an tríú daonra is sona ar domhan. Faigh amach cén fáth a ndéanann muintearas láidir idir na daoine, a háilleacht nádúrtha agus grá don litríocht ceann de na tíortha is sona ar domhan den Íoslainn. Agus tú ann, tabhair cuairt ar cheann de na háiteanna áineasa uisce ar nós Linn Snámha Sundhöll Reykjavík, áit ar féidir leat taitneamh a bhaint as an seomra allais nó an folcadán gaile leis na hÍoslannaigh, i gceann dá ngníomhaíochtaí náisiúnta, nó ar Heiðmörk – anaclann dúlra ar imeall Réicivíce – chun taitneamh a bhaint as an spás poiblí glas atá breac le sainchomharthaí tíre spéisiúla i measc an tírdhreacha álainn.

De réir Thuarascáil 2023 ar Shonas na nDaoine i dTíortha an Domhain Mhóir, is iad na hÍoslannaigh an tríú daonra is sona ar domhan. Faigh amach cén fáth a ndéanann muintearas láidir idir na daoine, a háilleacht nádúrtha agus grá don litríocht ceann de na tíortha is sona ar domhan den Íoslainn. Agus tú ann, tabhair cuairt ar cheann de na háiteanna áineasa uisce ar nósLinn Snámha Sundhöll Reykjavík, áit ar féidir leat taitneamh a bhaint as an seomra allais nó an folcadán gaile leis na hÍoslannaigh, i gceann dá ngníomhaíochtaí náisiúnta, nó ar Heiðmörk – anaclann dúlra ar imeall Réicivíce – chun taitneamh a bhaint as an spás poiblí oscailte glas atá breac le sainchomharthaí tíre spéisiúla i measc an tírdhreacha álainn.

Caith roinnt ama in Osló agus faigh amach cén fáth a bhfuil an Iorua rangaithe go minic ar cheann de na tíortha is sona ar domhan. Ní haon iontas é go bhfuil Osló ar cheann de na príomhchathracha is glaise san Eoraip, ná gur bhuaigh sí an Gradam do Phríomhchathair Ghlas na hEorpa in 2019, mar tá an chathair breac le spásanna glasa agus ní bhíonn tú riamh ró-fhada ón dúlra, ar nós fhorais Nordmarka nach bhfuil ach 20 nóiméad ón gcathair féin agus atá inrochtana ar an iompar poiblí. Is eol go ndéanann spásanna glasa maitheas don mheabhairshláinte. Anuas air sin, tá sé fíor-éasca siúl timpeall na cathrach nó dul timpeall uirthi ar an rothar agus is eol go gcuireann sé feabhas ar ár ngiúmar a bheith gníomhach mar sin. Más mian leat do chuid aclaíochta a dhéanamh agus radhairc dheasa i do thimpeall, téigh ag spaisteoireacht i bPáirc Dealbh Vigeland, áit ar féidir leat taitneamh a bhaint as níos mó ná 200 dealbh amuigh faoin aer, agus tá sé saor in aisce agus ar oscailte ó cheann ceann na bliana.

Agus tú ag siúl nó ag rothaíocht timpeall ar Malmö, gach seans go bhfaighfeá amach go gcuireann sé feabhas ar do ghiúmar a bheith ag gluaiseacht. Nó b’fhéidir gurbh fhearr leat ropadh gaoithe a bhrath ó Chaolas Øresund nó radharc deas ar an uisce fiú? Agus tú in Malmö, bí cinnte cuairt a thabhairt ar Mhúsaem na Nua-Ealaíne (tá cead isteach saor in aisce do dhaoine faoi bhun 19 mbliana d’aois) nó ar Malmö Konsthall (saorchead isteach), áit ar féidir leat tú féin a thumadh sa chruthaitheacht chun an nasc idir an ealaín agus an sonas a aimsiú. Ainmníodh Malmö mar an chathair is sona sa tSualainn in 2016 agus mar sin de bí ag faire amach do rudaí a thugann misneach do na daoine a bhfuil cónaí orthu ann agus tú ag siúl timpeall na cathrach. 

Tabhair cuairt ar Aalborg agus féach leat cén fáth a bhfuil an Danmhairg liostaithe i gcónaí mar cheann de na 3 thír is sona ar domhan agus cén fáth ar ainmníodh Aalborg mar an chathair is sona san Eoraip i staidéar a rinneadh. D’fhéadfadh sé go mbaineann sin le Aalborg a bheith ina chathair ina mbraitheann 84 % dá cónaitheoirí sábháilte, nó le Aalborg a bheith in aice leis an uisce cosúil le Malmö, rud is eol a chuireann le sonas na ndaoine. Agus tú ar cuairt ann, ná déan dearmad blaiseadh a fháil ar an gcoincheap Danmhargach hygge – rud is deacair a aistriú ach a bhaineann le rudaí a thógáil go bog, leis an dícheangal (múch d’fhón!) agus le ham fiúntach a chaitheamh le do mhuintir nó i d’aonar le leabhar maith.