• Read more about B.7 Ég sótti um sem leiðtogi hóps en ég er sá eini sem fékk úthlutað ferðapassa. Hvernig stendur á því?

Ef þú sóttir um sem hópstjóri og umsóknin ber árangur en meðlimir hópsins hafa ekki fengið úthlutun, þá þýðir það að meðlimir hópsins kláruðu ekki að sækja um í tæka tíð á Evrópsku ungmennagáttinni, eða að þeir uppfylltu ekki skilyrðin um gjaldgengi, eða þeir smelltu ekki á „senda“ til að umsókn þeirra fengi skráningu í lok umsóknarferlisins. Aðeins þeir meðlimir hópsins sem sendu inn umsóknina sína fyrir lok umsóknarfrestsins með kóðanum frá hópstjóranum geta tekið þátt í DiscoverEU.

• Read more about C.17 Mun framkvæmdastjórn ESB eða EACEA (framkvæmdaskrifstofa mennta- og menningarmála og hljóð- og myndmiðlunar) hjálpa þátttakendum við að bóka sér gistingu?

Nei. Bókunin á gistingunni er alfarið á ábyrgð þátttakendanna sjálfra. Það er mælt ákveðið með því að bóka ekki gistinguna fyrr en þú hefur fengið ferðapassann þinn afhentan. Með DiscoverEU afsláttarkortinu er auðvelt að finna sér gistingu á viðráðanlegu verði, eins og t.d. á farfuglaheimili.
 

• Read more about C.16 Er einhver af eftirfarandi kostnaði innifalinn: gisting, lífsviðurværi eða annar kostnaður sem tengist ferðinni?

Nei. Verkefnið dekkar ekki þennan kostnað. Kostnað vegna gistingar og lífsviðurværis, sem og ferðakostnað sem verður til vegna sérstakra óska þátttakenda (t.d. hefja ferðina þína frá öðru landi) eða hvers konar annan kostnað sem tengist ferðalaginu bera þátttakendur sjálfir. En verktakinn lætur þér í té DiscoverEU-afsláttarkortið sem veitir vissa afslætti á gistingu, geymslu farangurs og margvíslegri þjónustu víðs vegar í Evrópu.

• Read more about D.2 Hvar get ég fundið nánari upplýsingar um reglur DiscoverEU-keppninnar?

Tilvísunarskjalið sem liggur til grundvallar reglum DiscoverEU um kall eftir umsóknum er að finna á Ungmennagáttinni. 
 

• Read more about C.4 Nýtist ferðapassinn minn þegar ég ferðast með staðbundnum almenningsfarartækjum?

DiscoverEU-ferðapassinn gildir ekki fyrir staðbundin almenningsfarartæki og einstaklingsfarartæki. Þú ættir að leita sjálf(ur) að upplýsingum um samgöngumáta, miðaverð o.s.frv. á öllum áfangastöðunum þínum áður en þú leggur af stað eða meðan á ferðinni stendur.

Sem þátttakanda verður þér einnig úthlutað DiscoverEU-afsláttarkorti. Það veitir þér afslætti á ýmsum heimsóknum og þátttöku á sviði menningar, í tengslum við nám, náttúruna, íþróttir, staðbundin samgöngutæki, gistingu, fæði o.s.frv. 
 

• Read more about D.2 Hvar finn ég nánari upplýsingar um ferðaskilyrðin?

Ef umsóknin þín ber árangur færðu aðgang að Hjálparmiðstöð á netinu varðandi öll skipulagsatriði ferðarinnar og hvernig þú kemst í samband við verktakann.

Ef þig vantar upplýsingar, stuðning eða ráðgjöf meðan á ferðinni stendur, þá eru nokkrir tengiliðir til reiðu sem þú getur haft samband við:

Ef eitthvað fer úrskeiðis

• Read more about B.4 Er hverju landi úthlutaður viss kvóti?

Úthlutun ferðapassanna og afsláttarkortanna er í höndum búsetulandsins og/eða lands ríkisfangs þar sem það á við, í samræmi við þann fjölda ferðapassa sem kemur í hlut hvers lands (sjá hlutann Kvóti hvers lands á Evrópsku ungmennagáttinni). Sú úthlutunarregla byggist á Erasmus+ áætluninni, lykilaðgerð 1, dreifingarlykli fyrir hreyfanleika "ungmenna".

• Read more about B.2 Hvernig eru umsóknirnar metnar?

Þú finnur svarið í Reglunum, 4. kafla. „Úthlutunarferli“. 

• Read more about A.12 Geta ríkisborgarar frá Bretlandi sótt um?

Ungt fólk með breskt ríkisfang getur því aðeins sótt um að það sé búsett í aðildarríkjum ESB eða þeim þriðju löndum sem tengjast Erasmus+ áætluninni. Breskir ríkisborgarar sem búa í Bretlandi geta ekki sótt um vegna þess að Bretland yfirgaf Evrópusambandið 31. janúar 2020. 

• Read more about A.6 Getur ættingi eða vinur eldri en 18 ára ferðast með mér?

Já, svo lengi sem þeir bóka og borga ferðakostnaðinn sjálfir. Hins vegar er þeim ráðlagt að bóka ekki miða eða gistingu áður en DiscoverEU-ferðapassinn þinn er afhentur.