C.5 Kif nista’ nuża l-vjaġġ ’l barra jew ’il ġewwa?
Fuq il-pass tal-ivvjaġġar jiġi speċifikat il-pajjiż tar-residenza tiegħek. Dan ikun il-pajjiż li tkun ktibt fl-applikazzjoni tiegħek. Fuq il-pass tal-ivvjaġġar ma jistax ikollok pajjiż tar-residenza differenti minn dak miktub fl-applikazzjoni. L-ivvjaġġar bil-pass minn u lejn il-pajjiż tar-residenza tiegħek hu limitat għal vjaġġ wieħed ’il barra u ieħor ’il ġewwa.
C.3 Nista’ nibda l-vjaġġ minn pajjiż differenti mill-pajjiż ta’ residenza tiegħi?
Iva, huwa possibbli li tibda l-vjaġġ tiegħek minn pajjiż li mhuwiex il-pajjiż ta’ residenza tiegħek. Madankollu, l-ispiża biex tmur lejn dak il-pajjiż/post mhijiex koperta minn DiscoverEU u hija r-responsabbiltà tiegħek.
C.2 Kemm nista’ nżur pajjiżi?
Tista’ tivvjaġġa lejn il-pajjiżi eliġibbli kollha li tixtieq.
Madankollu, in-numru ta’ jiem għall-ivvjaġġar hu limitat; eż. tista’ tkun barra mill-pajjiż sa xahar iżda f’dan ix-xahar ma tistax tuża aktar minn ċertu numru ta’ jiem għall-ivvjaġġar attwali (eż fuq ferrovija).
Tista’ ssib aktar informazzjoni fil-mistoqsijiet t’hawn taħt. Ladarba l-applikazzjoni tiegħek tkun ta’ suċċess, il-kuntrattur estern se jagħtik aktar informazzjoni dwar kif tippjana l-ivvjaġġar tiegħek.
C.14 Għandi nibbukkja u nixtri l-passes tal-ivvjaġġar jien stess?
Le. Ma tibbukkjax jew tixtri l-passes tal-ivvjaġġar u l-biljetti inti stess, peress li passes mixtrija separatament ma jiġux rimborżati. Il-passes tal-ivvjaġġar u kwalunkwe biljett komplementari jiġu bbukkjati, mixtrija u mibgħuta esklużivament mill-kuntrattur maħtur mill-Kummissjoni Ewropea u l-EACEA.
Għandek tikkunsidra wkoll li ma tibbukkja u ma tħallas ebda akkomodazzjoni qabel ma tkun ċert dwar id-dati tal-ivvjaġġar tiegħek u tirċievi l-pass tal-ivvjaġġar tiegħek.
C.1 Kemm-il jum nista’ nivvjaġġa?
Il-vjaġġ tiegħek jista’ jkun ta’ bejn jum u xahar. F’dan il-perjodu ta’ xahar ikollok 7 ijiem ta’ vvjaġġar bit-tren. Tista’ tagħżel kull wieħed mis-7 ijiem tal-ivvjaġġar liberament f’dan il-perjodu ta’ xahar.
Aktar informazzjoni tinsab fit-taqsima 8 tar-Regoli. “L-ibbukkjar tal-biljetti u r-regoli għall-ivvjaġġar”.
C.13 Nista’ nivvjaġġa fi grupp, minkejja li ntgħażilt bħala individwu?
Tista’ tivvjaġġa ma’ ħbieb oħrajn li jkollhom il-pass tal-ivvjaġġar. U tista’ tbiddel il-grupp u anki d-direzzjoni fi kwalunkwe stadju waqt il-vjaġġ tiegħek.
Meta tkun qed tibbukkja, ħu ħsieb li ddaħħal l-istess data tal-bidu bħall-bqija tal-parteċipanti li trid tivvjaġġa magħhom.
B.15 Ismi qiegħed fil-lista ta’ riżerva. X’inhi l-probabbiltà li nikseb pass biex nivvjaġġa?
Jiddependi minn tliet fatturi:
C.12 Aħna grupp u xi ħadd għandu bżonn imur id-dar qabel. Il-bqija tal-grupp jista’ jkompli bil-vjaġġ tiegħu?
Iva, possibbli. Il-membri ta’ grupp wieħed jistgħu jivjaġġaw b’mod indipendenti. Il-pass tal-ivjaġġar hi personali.