Il-Kummissjoni Ewropea tixtieq tisma’ mill-vjaġġaturi żgħażagħ u tinkoraġġihom jaqsmu l-esperjenzi u l-avventuri tagħhom. Għalhekk il-parteċipanti kollha jistgħu jsiru Ambaxxaturi ta’ DiscoverEU. Huma mistednin jaqsmu l-esperjenzi tal-ivvjaġġar tagħhom permezz tal-media soċjali jew billi jagħtu preżentazzjoni fl-iskola jew fil-komunità lokali tagħhom. Il-parteċipanti huma mistiedna jingħaqdu mal-Grupp uffiċjali ta’ Facebook #DiscoverEU.
Iva, sakemm dawn jibbukkjaw u jħallsu l-ispejjeż tal-ivvjaġġar huma stess. Madankollu, jingħataw il-parir li ma jibbukkjawx biljetti jew akkomodazzjoni qabel ma jingħata l-pass tal-ivvjaġġar ta’ DiscoverEU.
Iż-żgħażagħ b’ċittadinanza tar-Renju Unit jistgħu japplikaw biss jekk huma residenti fi Stati Membri tal-UE jew f’pajjiżi terzi assoċjati mal-Programm Erasmus+. Iċ-ċittadini tar-Renju Unit li huma residenti fir-Renju Unit ma jistgħux japplikaw peress li r-Renju Unit ħareġ mill-Unjoni Ewropea fl-31 ta’ Jannar 2020.
It-tweġiba ta’ din il-mistoqsija tinsab fit-Taqsima 4 tar-Regoli. “Il-proċess tal-għotja”.
Jekk tixtieq tapplika, irid ikollok indirizz tal-email validu. Jeżistu bosta fornituri ta’ emails bla ħlas li tista’ tuża! Kun ċert li tiftakar il-kredenzjali tiegħek peress li l-komunikazzjoni se tintbagħat f’dan l-indirizz tal-email.
Il-parteċipanti kollha li jimlew l-istħarriġ li se jintbagħtilhom awtomatikament wara l-vjaġġ tagħhom, se jingħataw ċertifikat tal-parteċipazzjoni. Imnebbaħ mill-Youthpass, dak iċ-ċertifikat isemmi l-eżiti tat-tagħlim u jinkludi elementi ta’ kompetenzi ewlenin li jkunu nkisbu.
Il-parteċipanti jistgħu jivvjaġġaw waħedhom jew fi grupp ta’ mhux aktar minn 5 persuni. Tista’ tindika dan fil-formola tal-applikazzjoni tiegħek.
Le. Il-pass tal-ivvjaġġar se jkollu ismek fuqu u ma jistax jiġi trasferit lil persuna oħra taħt ebda ċirkostanza. L-isem fuq il-pass tal-ivvjaġġar ma jistax jinbidel.
Meta nieda din l-inizjattiva, il-Parlament Ewropew għażel li jiffoka fuq iż-żgħażagħ ta’ 18-il sena għax hija l-età li timmarka pass importanti lejn il-ħajja adulta u ċ-ċittadinanza Ewropea.
Iva. Meta timla l-formola biex tibbukkja, se tintalab ittella’ kopja ta’ dokument tal-identità validu (passaport, karta tal-identità nazzjonali jew karta ta’ residenza), jew tieħu ritratt bil-kamera tal-apparat tiegħek.
Tista’ tintalab ukoll prova valida tar-residenza. Kun af li se tiġi aċċettata biss id-dokumentazzjoni uffiċjali mill-awtorità nazzjonali tar-residenza tiegħek. F’każijiet eċċezzjonali u ġustifikati, jistgħu jiġu aċċettati dokumenti oħra ta’ sostenn bħall-kontijiet tal-elettriku jew il-kuntratti tal-kirjiet.
