F’każ ta’ problemi tekniċi, pereżempju jekk ma tirċevix il-kodiċi/l-email ta’ konferma jew iddaħħal id-dettalji l-ħżiena, jekk jogħġbok ikkuntattja lill-kuntrattur responsabbli għall-ibbukkjar. Il-proċess ta’ komunikazzjoni se jiġi spjegat fl-emails kollha li se tirċievi mingħand il-kuntrattur.
Biex tkun infurmat dwar id-drittijiet tiegħek bħala passiġġier, agħti daqqa t’għajn lejn it-taqsima tal-ivvjaġġar fil-Portal Ewropew taż-Żgħażagħ. Iż-żgħażagħ bi bżonnijiet speċjali jistgħu jiffamiljarizzaw ruħhom mad-drittijiethom. Għandek tkun taf li d-dispożizzjonijiet kollha għal dawk bi bżonnijiet speċjali jiġu kkunsidrati każ b’każ, biex ikunilhom aktar faċli jippjanaw il-vjaġġi tagħhom.
It-tweġiba għal din il-mistoqsija tinsab fit-taqsima 7 tar-Regoli. “Lista ta’ riżerva.”
It-trasport pubbliku lokali u t-trasport privat mhumiex inklużi fil-pass tal-ivvjaġġar ta’ DiscoverEU. Trid tfittex l-informazzjoni inti stess dwar il-mezzi tat-trasport, l-ispejjeż tal-biljetti, eċċ. fid-destinazzjonijiet kollha tal-ivvjaġġar tiegħek qabel jew matul il-vjaġġ tiegħek.
Bħala parteċipant se tingħata wkoll kard ta’ skont ta’ DiscoverEU. Din se toffrilek skontijiet għal xi żjarat u attivitajiet relatati mal-kultura, it-tagħlim, in-natura, l-isport, it-trasport lokali, l-akkomodazzjoni, l-ikel, eċċ.
Fil-Portal Ewropew taż-Żgħażagħ, tista’ ssib informazzjoni prattika u suġġerimenti utli dwar l-ivvjaġġar fl-Ewropa.
Irid ikollok dokument/pass validu tal-ivvjaġġar matul il-vjaġġ tiegħek. Kwalunkwe ħaġa relatata ma’ tali dokument (validità, eċċ) hi r-responsabbiltà tiegħek. Inti obbligat legalment li ġġorr passaport jew karta tal-identità (ID) valida miegħek meta tivvjaġġa. Aktar informazzjoni dwar l-assigurazzjoni tinsab fit-taqsima 16 tar-Regoli. “Assigurazzjoni”.
Tista’ tivvjaġġa lejn kemm trid bliet u rħula, sakemm iżżur mill-inqas pajjiż wieħed barra minn pajjiżek, u sakemm l-għadd totali ta’ ġranet tal-ivvjaġġar ma jinqabiżx.
Jekk l-applikazzjoni tiegħek ikollha eżitu pożittiv, tirċievi aċċess għal ċentru ta’ assistenza online dwar l-aspetti loġistiċi kollha tal-ivvjaġġar u dwar kif tikkuntattja lill-kuntrattur.
F’każ li jkollok bżonn xi informazzjoni, appoġġ jew pariri matul il-vjaġġ tiegħek, hemm diversi punti ta’ kuntatt li tista’ tikkuntattja:
Jekk xi ħaġa tmur ħażin
It-tweġiba għal din il-mistoqsija tinsab fit-taqsima 9 tar-Regoli. “Mezzi tat-trasport”.
Id-dokument ta’ referenza bir-regoli tas-sejħa għall-applikazzjonijiet ta’ DiscoverEU hu ppubblikat fuq il-Portal Ewropew taż-Żgħażagħ.
Le. L-ibbukkjar tal-akkomodazzjoni hija responsabilità li titħalla f’idejn il-parteċipant. Huwa ferm irrakkomandat li ma tibbukkjax l-akkomodazzjoni qabel ma tirċievi l-pass tal-ivvjaġġar. Permezz tal-kard ta’ skont ta’ DiscoverEU tista’ ssib akkomodazzjonijiet bi prezz li jintleħaq bħal f’hostels taż-Żgħażagħ.
