Германскиот град Хамбург нуди многу нешта да се прават и истражат, што го прави совршенa станица за време на твоето DiscoverEU патување. Дали знаеше дека има повеќе мостови од било кој друг европски град? Предизвикај ги твоите пријатели да пронајдат што е можно повеќе мостови и дадат дополнителни поени на оној кој ќе го најде најстариот мост во градот – кој датира од 1633 година! Именуван за Европска зелена престолнина за 2011 година, северната метропола, Хамбург презела мерки како воведување на обновливи извори на енергија и забрана на пластични шишиња и чаши за кафе за еднократна употреба во јавните канцеларии. Постојат дури и планови да се ослободи центарот на градот од автомобили до 2034 година, за да се направи достапен исклучиво за велосипедисти и пешаци.
Една од мисиите за еколошкото живеење и циркуларната економија е да им се најде нова намена на старите предмети. Во Познањ, еден од најстарите градови на Полска, токму тоа се направило со неколку историски тврдини и утврдувања. Фортификацие в Познаниу се згради од деветнаесеттиот век, кои можат да се најдат во центарот на градот и во прстенот околу неговата надворешност. Тие се зачувани благодарение на програмата Натура 2000 на ЕУ, поради тоа што се вредни засолништа за многу заштитени видови на лилјаци.
Дефиниран со својата готска архитектура од црвени тули, Олштин е едно од скриените богатства на Полска. Овој град е некогашен дом на Никола Коперник и се наоѓа северно од шумата Напиводзко-Рамуцка – област заштитена од ЕУ во рамките на програмата Натура 2000. Шумата е дом на многу заштитени видови птици, меѓу кои и кингфишер, малиот орел и бувот – колку видови можеш ти да забележиш?
Сместено на исток од историскиот литвански град Каунас се наоѓа Кауно Мариос (или „Каунска лагуна“), вештачки резервоар заштитен од ЕУ како Натура 2000 локација. Резервоарот не е дом само на многу видови на инсекти, риби, видри и лилјаци, туку браната е исто така место и на хидроелектраната Каунас, која го снабдува градот со зелена, обновлива енергија. Крајбрежјето околу полуостровот Пажаислис е погодно за пливање и има одлични места за кампување на југ по должината на резервоарот на Дуобакалнис и Самилај. Затоа спакувај го костимот за капење, постави шатор и уживај во прекрасната литванска природа.
Од своите неокласични цркви до неговото фасцинантно минато, литванската престолнина Вилнус треба да биде на твојата листа на градови кои треба да се посетат. Како еден од 15-те градови кои ја иницирале наградата за Европска зелена престолнина, Вилнус е град во кој 46% од површината е покриена со паркови, градини, шумски подрачја и шуми. Можеби најпознатиот пример е паркот Калнаи, каде што се наоѓа Ридот на трите крста. Овие крстови се национален симбол, така што искачувањето на врвот не само што овозможува прекрасен поглед на градот, туку и можност да се доживее дел од литванското културно наследство. Дополнително, градот истотака изградил електрични централи за добивање на енергија од комунален отпад, што го доближува Вилнус до реализација на концептот на циркуларна економија.
Летонскиот туристички град Јурмала се наоѓа во близина на плажите на Ришкиот Залив, веднаш покрај Балтичкото Море. Тој е дом на Националниот парк Кемери, област со мочуришта и тресетишта која содржи уникатен спектар на див свет вклучувајќи гуски, бувови и мрморци или тритони. Како значајна област за биодиверзитетот, националниот парк е заштитен од ЕУ како место од мрежата на Натура 2000 и вреди да се посети за секој патник кој сака да ги набљудува животните во нивното природно летонско живеалиште.
Сместен на бреговите на Балтичкиот Залив на Финска, естонската престолнина Талин е позната по својата средновековна тврдина и прекрасниот стар град. Како финалист на наградата наградата за Европска зелена престолнина во 2019 и 2022 година, градот во последниве години ја елиминирал својата зависност од тешката индустрија. Неодамнешните подобрувања на градските езера и брегови им донесоа статус на сино знаме за квалитетот на водата за капење, а градот го направи јавниот превоз бесплатен за своите жители. Автобусот бр.1А вози по крајбрежјето на северо-исток од градот - така што качи се во него и тестирај го квалитетот на водата сам/а!
Помеѓу сауните, свежата риба и нордиската кујна, како и уникатната мешавина на архитектонски стилови, во Хелсинки може да најдеш многу што да правиш. Уште повеќе, градот си дал обврска да стане јаглеродно неутрален до 2035 година – обврска која веќе може да се види, со оглед на тоа што истражувањето од 2014 година покажа дека три четвртини од патувањата во финската престолнина се одржливи. Зборувајќи за тоа, зошто да не изнајмиш велосипед и да патуваш до островот Сеурасари, до кој се пристапува преку мост од копното. Овој спокојен, пошумен остров е дом на Музејот на отворено Сеурасари, кој ги зачувал и преместил историските градби од целата земја за да обезбеди културна слика на традиционалниот фински живот.
Она што започнало како мисија за чистење на езерото Весијарви, довело до тоа градот Лахти да ја добие титулата Европска зелена престолнина за 2021 година. Сместен меѓу густи шуми на југот на Финска, Лахти не само што има за цел да стане јаглеродно-неутрален град до 2025 година, туку има за цел и да стане циркуларна економија – целосно без отпад – до 2050 година. Патниците на DiscoverEU можат да најдат многу нешта за да се види и направи на езерото Весијарви –од возење со кану преку езерото, до доживување на чудната музичката фонтана на јужните брегови на езерото.
