Брно претставува врела точка на литературниот свет. Бохумил Храбал и Милан Кундера, двајца од најпознатите чешки автори, се родени тука. Еднаш годишно, познатата издавачка куќа Ветрне Млину го организира Месецот на читање на автори, кој е најголемиот книжевен фестивал во Централна Европа. Со својата шармантна нео-ренесансна архитектура и бајковитите замоци, Брно сигурно ќе го привлече вашето внимание. Брно е исто така и еден од петте европски градови домаќин на Веркбунд Естејтс; пионерски модернистички градежни проекти за домување изградени помеѓу 1927 и 1932, кои имале за цел да обезбедат висококвалитетни, евтини живеалишта по Првата светска војна. Поради културното значење на проектите, на комплексите колективно им беше доделено обележјето за Европско наследство. Кога си во Брно, посети ја старата градска сала и искачи се на нејзината 63-метарска кула за да уживаш во спектакуларниот поглед кон историскиот центар на градот.

Срцето на бохемиската култура, Прага е литературен рај, со околу 200 книжарници и 20 литературни кафулиња. Praga прогласенa за град на литературата на УНЕСКО во 2004 година, a тоа со добра причина, од Фестивалот на писатели во Прага до Прашкиот микрофестивал, литературата се слави во голема мера. Богатото архитектонско наследство може да се види низ целиот град, а неговиот историски центар е вклучен на листата на светското наследство на УНЕСКО во 1992 година. Примери за модернистички дизајн може да се најдат во градските комплекси Веркбунд Естејтс, транснационален објект на кој му е доделена ознака за Европско наследство кој, како и сличните комплекси во Брно и Вроцлав, има за цел да го реши проблемот со недостаток на квалитетни и достапни домови после Првата светска војна. Посетата на Прашкиот замок е задолжителна кога си во градот, како и прошетката по Карловиот мост.

Од другата страна на чешката граница се наоѓа Вроцлав, градот со сто мостови. Вроцлав не е непознат за книжевниот свет. Во 2016 година, тој беше именуван за европска престолнина на културата и Светска книжевна престолнина на УНЕСКО, а во 2019 година, за град на литературата на УНЕСКО - сето тоа е доказ за неговата жива книжевна традиција. Како и Брно и Прага, Вроцлав е уште еден од петте града кои го сочинуваат транснационалниот објект Веркбунд Естејтс со ознака за Европско наследство што го прави значајно место за развојот на модернистичката станбена архитектура.

Додека си во Вроцлав, посети една од 60-те градски книжарници или отиди во Домот на литературата во Вроцлав, кој често е домаќин на литературни настани од рецитали на поезија до објавување на книги. Ако го посетиш градот во летните месеци, обрни внимание на некој од фестивалите, како на пример Меѓународниот фестивал за кратки приказни.

Kраков е вториот град по големина во Полска. Неговиот стар град, вклучувајќи го и Кралскиот замок Вавел, ја има честа да биде прогласен за прво Светско наследство на УНЕСКО. Округот Казимир, во кој некогаш имало дури 90 синагоги, сега е светилиште на еврејското наследство, кое се оббележува преку годишниот фестивал на еврејската култура. Краков ја доби втората награда за Пристапен град во 2012 за своите напори за подобрување на пристапноста во градот, и покрај присуството на многу историски и културно значајни улици, згради и споменици. Во литературата, Краков е дом на ЧитајПЛ! Проект, платформа за електронски книги која го промовира читањето со доделување на слободен пристап до електронски верзии на бестселери и нови изданија. Во 2013 година, бил прогласен за град на литературата на УНЕСКО - што му дало повод за воспоставување на неколку литературни рути, посветени на познати автори како Станислав Лем и Џозеф Конрад.

Во северозападна Словачка, во близина на чешката и полската граница, се наоѓа Жилина; град каде што литературното значење е испреплетено со историското значење. Во него се наоѓа Жилинска книха (Градска книга на Жилина), историски документ од 1378 година кој го содржи најстариот познат примерок на словачко пишување. Мај и јуни се најдобрите месеци за посета на Жилина, бидејќи тогаш се одржуваат Фестивалите на Стариот град, најголемиот културен настан во Словачка. Фестивалот носи со себе различни народни занаетчиства и широк спектар на музика, од џез и свинг до поп и рок.

Кошице е втор по големина град во Словачка и Европска престолнина на културата за 2013 година. Добро зачуваниот историски центар е најголем во земјата и содржи многу заштитени згради, најчесто во ренесансни и барокни стилови. Три големи уметнички центри во градот (Културпарк, Кунстхале и Амфитеатар) нудат сè, од визуелна уметност до театарски настапи. Книжевната традиција на градот е вкоренета во еден од неговите познати жители; познатиот писател Сандор Мараи, кој станал познат за време на австро-унгарската ера во градот.

Унгарскиот универзитетски град, Дебрецин, исто така е светилиште за природата - се наоѓа на северната Голема рамница, а паркот Нагиердеи е мирно место со шума, уредени патеки, уметнички дела на отворено и патеки за велосипеди. Неговата протестантска црква, најголемата во Унгарија, е архитектонско ремек-дело и симбол на националната гордост. Дебрецен е дом на некои од највлијателните писатели во земјата, како што е Магда Сабо, најпреведуваниот автор на Унгарија, и националниот поет Шандор Петефи.

Можеби е помалку познат од унгарскиот главен град, Будимпешта, но Веспрем е скриен скапоцен камен со многу културни понуди. Како Европска престолнина на културата за 2023 година, градот зрачи со богата културна енергија, што се рефлектира во неговата цел да ја направи културата одржлива, иновативна и инклузивна. Веспрем е награден со титулата Град на музиката на УНЕСКО во 2019 година, награда која се одразува во бројните светски познати настани со музика во живо како што се ВеспремФест и фестивалот за виолина Ауер. Качи се на воз и оди до блиското езеро Балатон и на неговите брегови ќе го најдеш Меморијален музеј посветен на Јозеф Атила, еден од најпознатите унгарски поети на 20 век.