Skip to main content

An Cór Dlúthpháirtíochta Eorpach

I dteannta a chéile is treise sinn

Na prionsabail

Prionsabail maidir le hiompar

Is prionsabail ghinearálta maidir le hiompair iad na prionsabail a bhfuil cur síos déanta orthu anseo, prionsabail a dearadh chun réimse leathan rannpháirtithe, eagraíochtaí agus timpeallachtaí féideartha a chlúdach agus ar féidir gníomhaíochtaí a dhéanamh iontu. Ba cheart iad a chur in oiriúint do chúinsí sonracha gníomhaíochtaí aonair.

I do cháil mar rannpháirtí óg

Tá an-chuid ama, fuinnimh agus acmhainní curtha isteach ag na heagraíochtaí a chuireann do ghníomhaíocht le chéile. Bíodh meas agat ar a n-iarracht, chomh maith leis na pobail áitiúla agus daoine a bhfuil baint dhíreach acu leis na gníomhaíochtaí.

I do cháil mar eagraíocht óstach

Bíonn smaointe, creidimh agus ionchais ar leith ag rannpháirtithe. Tabhair aird ar na riachtanais sin mar go bhfuil tú freagrach as timpeallacht mheasúil iontaofa a chur ar fáil. 

Gealltanas pearsanta

  • I do cháil mar rannpháirtí óg, seasfaidh tú leis na prionsabail seo a leanas:
  • Glacaim le luachanna na dlúthpháirtíochta, le meas ar dhínit an duine agus ar chearta an duine, agus sochaí atá cothrom comhionann a chur chun cinn, sochaí atá bunaithe ar iolrachas, ar neamh-idirdhealú, ar chaoinfhulaingt, ar cheartas, ar dhlúthpháirtíocht agus ar chothromaíocht
  • Is mian liom feabhas a chur ar an dlúthpháirtíocht idir daoine, agus a gcultúir agus a dtraidisiúin á n-urramú ag an am céanna; tá sé d'aidhm againn pobal tacaíochta frithpháirtí a bhunú ina ndéantar freagrachtaí a roinnt
  • Is mian liom cuidiú go fonnmhar agus ar bhealach fónta leis an tsochaí agus dlúthpháirtíocht, comhar agus tuiscint fhrithpháirteach a léiriú
  • Ní ghníomhóidh mé ar bhealach ar bith a d’fhéadfadh daoine eile nó mé féin a chur i mbaol go ndéanfaí díobháil dóibh

Saincheisteanna praiticiúla

  • Is rud deonach é clárú leis an gCór, agus is féidir leat do chuntas a scriosadh am ar bith is mian leat (ach amháin má ghlac tú páirt i ngníomhaíocht oibre deonaí cheana féin. Is féidir leat tuilleadh eolais a fháil ar Thairseach Eorpach na hÓige - ráiteas príobháideachais https://youth.europa.eu/privacy_ga)
  • Is féidir leat aon tairiscint ar ghníomhaíocht oibre deonaí de chuid an Chóir a dhiúltú agus ní bheidh tionchar aige sin ar aon deis ar thairiscintí eile a fháil amach anseo
  • Ní bheidh ceanglas ort riamh aon táille a íoc chun páirt a ghlacadh i ngníomhaíocht

Maidir le hobair dheonach:

  • Sula dtosaíonn tú ar an ngníomhaíocht agus lena linn, gheobhaidh tú eolas soiléir faoi na cúraimí a bheidh ort agus (más gá) oiliúint agus tacaíocht teanga oiriúnach.
  • Nuair a ghlacann tú le gníomhaíocht, ní mór duit comhaontú a shíniú leis an eagraíocht óstach lena dtabharfar sonraí maidir le coinníollacha do ghníomhaíochta
  • Ní mór duit rialacha, struchtúr agus cleachtais na heagraíochta óstaí a urramú (rudaí a d’fhéadfadh a bheith riachtanach chun do shláinte, do shábháilteacht agus do dhínit féin a chosaint) 
  • Ní mór duit cloí le dlíthe na tíre óstaí
  • Ag deireadh do ghníomhaíochta, bronnfar teastas de chuid an Chóir Dlúthpháirtíochta Eorpaigh ort lena ndeimhneofar do rannpháirtíocht