DiscoverEU - umsóknir lokaðar

Þessari umsóknarumferð hefur verið lokað. Tvær umsóknarumferðir fara fram ár hvert, ein á vorin og ein á haustin. 

Næsta umsóknarlota verður haldin vorið 2027 og er opin umsækjendum fæddum á tímabilinu frá 1. júlí 2008 til 30. júní 2009.

Ertu 18 ára að aldri og ríkisborgari eða með löglega búsetu í einu aðildarríkja ESB eða þriðju löndum sem taka þátt í Erasmus+? Undirbúðu þig undir að uppgötva Evrópu! 

Hvað er DiscoverEU?

DiscoverEU er hluti af Erasmus+ áætluninni og veitir þér tækifæri á að uppgötva þann fjölbreytileika sem Evrópa hefur upp á að bjóða, læra um menningararfleifð hennar og sögu, og tengjast fólki víðs vegar að í heimsálfunni.  

Þú færð kost á ferðapassa og þú ferðast aðallega með lest. Skoðaðu reglurnar sem gilda fyrir þau sem búa á eyjum og á afskekktum svæðum.

Ef þú verður fyrir valinu til að ferðast færð þú í hendurnar DiscoverEU afsláttakortið evrópska ungdómskortið (European Youth Card) sem hefur að geyma ríkulega afslætti á menningarviðburðum, námstengdum viðburðum, íþróttaviðburðum, almenningssamgöngum, gistingu og mat.

Hvernig virkar það?

Til að vera hæfur umsækjandi þarft þú að:

• Vera 18 ára eða eldri á fyrsta degi ferðarinnar;
• Skrifa númer á skilríki, vegabréfi eða íbúaskilríki í umsóknareyðublaðið á netinu;
• Vera ríkisborgari eða íbúi* í einhverju af eftirfarandi löndum:
  • aðildarríkjum Evrópusambandsins, þ.m.t. ystu svæðum þess, eða
  • löndum og yfirráðasvæðum handan hafsins sem tengjast Evrópusambandinu eða 
  • einu af hinum þátttökulöndum Erasmus+ áætluninnar: Íslandi, Liechtenstein, Norður Makedóníu, Noregi, Serbíu og Tyrklandi. 
• Staðfesta að þú ert sammála heiðursyfirlýsingunni á umsóknareyðublaðinu.

* Frekari upplýsingar finnur þú í kaflanum Reglur “2. Gjaldgengir umsækjendur”.

Síðan er skilyrði að taka þátt í spurningakeppni (nema ef þú sækir um sem hluti af hópi).

Ef þú ert með fötlun eða veikindi sem setur þér skorður á ferðalögum færð þú aðstoð og stuðning. Skoðaðu Algengar spurningar C.10 ef þú vilt frekari upplýsingar.

Get ég ferðast með vinum mínum?

Já, það getur þú! Þú getur farið ein/einn/eitt þíns liðs eða í hópi með allt að 4 vinum að því gefnu að þau eru einnig hæfir umsækjendur samkvæmt skilyrðunum hér að ofan. Vinir þínir nota umsóknarkóðann þinn þegar þau sækja um. Skoðaðu Algengar spurningar B.5 til B.11 ef þú vilt frekari upplýsingar.

Þú getur einnig aðlagað ferðaplön þín öðrum DiscoverEU ferðalöngum! DiscoverEU Facebook-hópurinn gæti verið kjörinn vettvangur til að gera þetta, ef þú samþykkir að nota þennan samfélagsmiðil*. Bættu þér við hópinn núna til að byrja að spjalla við aðra þátttakendur.

Þegar þú hefur orðið fyrir valinu mun landsskrifstofa Erasmus+ aðstoða þig við að tengjast og læra með fræslufundum og viðburðum fyrir ferðalanga áður en þú leggur af stað.

* Vinnsla persónuupplýsinga er háð aðskildum gagnaverndunarskilyrðum og fellur undir sérstaka persónuverndaryfirlýsingu Facebook, sem kemur fram sem aðskilinn ábyrgðaraðili gagna.

Að deila upplifuninni

Valdir þátttakendur verða sjálfkrafa DiscoverEU fulltrúar. Sem fulltrúi, munum við bjóða þér að deila ferðaupplifun þinni á samfélagsmiðlum með því að nota #DiscoverEU. Þú getur einnig haldið kynningar í skólanum þínum eða á öðrum opinberum vettvangi.

Ég vil fá að vita meira!

Hefur þú áhuga á að heyra um fyrri umsóknarumferðir? Skoðaðu upplýsingablöð DiscoverEU ef þú vilt fá að vita meira um ferðir og upplifanir annarra sem hafa ferðast með DiscoverEU.

Evrópa að fótum þér. Taktu fyrsta skrefið.     

TedX innblástursmyndband með Vincent-Immanuel Herr