Reglur um kall eftir umsóknum í DiscoverEU¹

1. Lýsing

DiscoverEU er verkefni á vegum Erasmus+ áætlunarinnar (2021-2027). Tilgangurinn með því er að bjóða ungu fólki sem er 18 ára er að öðlast ferðareynslu sem mun efla tilfinningu þeirra fyrir því að tilheyra Evrópusambandinu, gera því kleift að kanna fjölbreytni Evrópu, menningararfleifð hennar og sögu, mynda tengsl við fólk frá allri álfunni og loks að uppgötva sjálfan sig. 

Haustið 2026 áætla framkvæmdastjórnin og Evrópska menntunar- og menningarumboðsskrifstofan (EACEA) að úthluta 40.000 ungmennum ferðapassa² og afsláttarkort til að skoða Evrópu. Áætluð fjárveiting vegna þessarar umsóknarlotu er 23.500.000 evrur.

Ungmennin geta sótt um á Ungmennagáttinni. 

Upphaf og lok umsóknartímabils er áætlað frá 1. október 2026, kl. 12:00 (á hádegi á Brusselstíma) til 15. október 2026, kl. 12:00 (á hádegi á Brusselstíma). 

Þeir umsækjendur sem ná tilhlýðilegum árangri munu fá ferðapassa til að skoða Evrópu milli 1. mars og 31. maí 2028. Innan þess tíma geta þátttakendur notað ferðapassann sinn til að ferðast með lest í 7 daga á því tímabili sem þeir völdu (sem getur verið allt að 30 dögum³). Þegar þeir hafa bókað og fengið ferðapassann sinn eru þessir farsælu umsækjendur orðnir þátttakendur⁴.

Þátttakendur munu að jafnaði ferðast á sem umhverfisvænstan hátt. Til að tryggja sem víðtækastan aðgang, býður þessi aðgerð upp á aðra mögulega ferðamáta ef þess er þörf og jafnframt eru tekin með í reikninginn umhverfissjónarmið, tími og vegalengdir.

Í undantekningartilvikum, þegar engin önnur samgöngutæki eru í boði, þá verður unga fólkinu boðið uppá að ferðast með flugvél. Þetta tryggir að ungt fólk sem býr á afskekktum svæðum eða á eyjum hafi einnig tækifæri til að taka þátt í DiscoverEU. 

Þeir þátttakendur sem fá úthlutað fá einnig afhent DiscoverEU-afsláttarkort. Kortið veitir ungu fólki afslátt á gistingu, heimsóknum og þátttöku á sviði menningar, námi, íþróttum, nærsamgöngum, mat, o.fl. 

2. Gjaldgengir umsækjendur

Til að vera gjaldgengir verða umsækjendur að:

• ­hafa haldið eða munu halda upp sitt 18 ára afmæli á tímabilinu milli 1. janúar 2026 og 31. desember 2026, þ.e. ungmennin þurfa að vera fædd milli 1. janúar 2008 (meðtalinn) og 31. desember 2008 (meðtalinn).
• vera borgarar eða búsettir í einu af:
  • hinum 27 aðildarríkjum Evrópusambandsins, þ.m.t. ystu svæðum þess (frönsku Gvæjana (FR), Gvadelúpeyjum (FR), Martiník (FR), la Réunion (FR), Mayotte (FR), Saint-Martin (FR), Asoreyjum (PT), Madeiru (PT) og Kanaríeyjum (ES)) eða
  • löndum og yfirráðasvæðum handan hafsins (e. Overseas Countries and Territories, OCTs) sem tengjast Evrópusambandinu: Arúba (NL), Bonaire (NL), Curação (NL), Frönsku Pólýnesíu (FR), Frönsku landsvæði í Suðri- og Suðurskautslandinu (FR), Grænlandi (DK), Nýju-Kaledóníu (FR), Saba (NL), Sankti Bartólómeusareyjum (FR), Sint Maarten (NL), Sankti Pierre et Miquelon (FR), Wallis og Futunaeyjum (FR), eða
  • þeim þriðju löndum sem tengjast Erasmus+ áætluninni: Íslandi, Liechtenstein, Norður-Makedóníu, Noregi, Serbíu eða Tyrklandi.
• gefa upp kennitöluna sína, nafnskírteinis- (ID) eða vegabréfsnúmer eða búsetuleyfisnúmer á umsóknareyðublaðinu.
• -fallast á Drengskaparyfirlýsinguna á umsóknareyðublaðinu.

Hlutskarpir þátttakendur geta því aðeins ferðast að þeir: 

• hyggjast ferðast í allt að 7 daga innan eins mánaðar á leyfilega ferðatímabilinu sem stendur frá 1. mars 2027 til 31. maí 2028;
• ætli að ferðast til a.m.k. eins erlends lands sem uppfyllir skilyrði DiscoverEU (sjá hér að framan);

Umsækjendur sem ekki uppfylla skilyrðin um gjaldgengi verða ekki teknir til greina við úthlutunina. 

3. Umsóknarferlið

DiscoverEU-umsóknarlotan er aðgengileg um sérstakt netlægt umsóknareyðublað á Evrópsku ungmennagáttinni. Hvorki verður hægt að leggja fram umsókn fyrir né eftir umsóknartímabilið sem tilgreint er í 1. lið.

Það eru 7 þrep í þessu umsóknarferli:

1. Fyrst þarf að ganga úr skugga um að umsækjendur séu gjaldgengir, sem þýðir að þeir eru beðnir um að gefa upp fæðingardag sinn, búsetu og ríkisfang. Ef gögnin reynast ekki vera í samræmi við þær reglur um gjaldgengi sem taldar eru upp í 2. lið undir „gjaldgengir umsækjendur“, þá geta þeir ekki haldið áfram með næsta skref. Þeir verða einnig beðnir um að fallast á Drengskaparyfirlýsinguna og reglur DiscoverEU um kall eftir umsóknum, ennfremur að samþykkja að persónuupplýsingar þeirra verði geymdar og unnar í tengslum við kall eftir umsóknum í DiscoverEU og fallast á að haft verði samband við þá í tengslum við DiscoverEU af framkvæmdastjórn Evrópusambandsins og stofnunum sem framkvæmdastjórnin hefur viðurkennt í sama tilgangi, svo og af EACEA, landsskrifstofum Erasmus+ og Eurodesk. Umsækjendur þurfa að samþykkja að verða DiscoverEU-sendiherrar⁵.
2. Umsækjendur þurfa að gera grein fyrir því hvort þeir vilji ferðast einir síns liðs eða í hópi að hámarki 5 manns.
3. Umsækjendur þurfa að gefa upp gilt tölvupóstfang. Að svo búnu munu þeim berast sjálfvirkur tölvupóstur frá Evrópsku ungmennagáttinni til þess að staðfesta hvort netfangið sé gilt. Þessi staðfesting er nauðsynleg í ljósi þess að samskipti við umsækjendur eftir úthlutun fara fram um tölvupóst. Með því að biðja umsækjendur um að staðfesta tölvupóstfang sitt munu framkvæmdastjórn Evrópusambandsins og Framkvæmdastofnun Evrópu (EACEA) koma í veg fyrir óleyfilega notkun annarra á tölvupóstföngum.  
4. Eftir staðfestinguna á netfangi sínu, þá þarf unga fólkið að fylla út umsóknareyðublaðið. Í fyrsta lagi verður það að gefa upp persónuupplýsingar sínar: Ríkisborgararétt, fæðingardag, fornafn, eftirnafn, kyn, netfang, símanúmer, aðsetursland, póstnúmer, svæði, starf og persónuskilríki eða vegabréf eða dvalarleyfisnúmer. 
5. Þegar persónuupplýsingar hafa verið veittar þurfa umsækjendur að svara fimm fjölvalsspurningum um almenna þekkingu á Evrópusambandinu og um önnur framtaksverkefni Evrópusambandsins sem beinast að ungu fólki. Loks verða þau beðin um að svara einni aukaspurningu. Þessi aukaspurning krefst þess að umsækjendur gefi áætlað svar og miðar að því að ákvarða röðun milli umsækjenda sem fá sömu einkunn úr 5 spurninga skyndiprófinu. Þegar umsóknarfrestinum er lokið eru svörin við aukaspurningunni dregin út úr umsóknarkerfinu. Umsækjendur sem fengið hafa sömu einkunn úr 5 spurninga skyndiprófinu verða þá raðaðir í samræmi við svör þeirra á aukaspurningunni. röðun þeirra ræðst af því hve nálægt þeir voru að svara aukaspurningunni rétt. Úthlutað verður til umsækjenda eftir því sem fjárveitingin leyfir og þeim verður raðað eftir því hve rétt svörin eru. Ef svör reynast jafngild mun framkvæmdastjórn Evrópusambandsins/EACEA beita sem síðasta úrræði reglunni „fyrstur kemur fyrstur fær“ til að ákvarða röðunina.
6. Umsækjendur eru beðnir um að gefa viðbótarupplýsingar um ferðaáætlanir sínar (þ.e. hvenær þeir ætla að hefja ferð sína, hvort það sé í fyrsta skipti sem þeir ferðast einir án foreldra sinna, hvað þeir vilja helst læra af þessari reynslu sinni, hvernig þeir koma til með að fjármagna kostnað á borð við gistingu, uppihald, grunntryggingar o.s.frv. á meðan á ferðinni stendur og hvernig þeir uppgötvuðu DiscoverEU). Upplýsingarnar sem færðar eru inn undir þeim lið eru ekki bindandi og hafa engin áhrif á úthlutunarferlið. Þau gögn, sem safnað hefur verið á þann hátt, verða notuð í tölfræðilegum tilgangi og sem upplýsingar fyrir framkvæmdastjórnina og EACEA í því skyni að betrumbæta DiscoverEU.  

7. Áður en umsækjendur senda inn umsóknina sína eru þeir beðnir um að fara yfir og staðfesta útfyllt umsóknareyðublaðið. Breytingar á svörum úr skyndiprófinu og aukaspurningunni eru ekki leyfðar eftir innsendingu umsóknarinnar. Ennfremur verður unnið úr beiðnum um afturköllun umsóknar eftir að umsóknartímabili lýkur og eftir staðfestingu á fjölda umsókna.

   Að svo búnu mun öllum umsækjendum berast sjálfvirkur tölvupóstur frá Evrópsku ungmennagáttinni, eftir að hún hefur meðtekið umsókn þeirra. Í tölvupóstinum kemur fram að umsóknin hafi verið skráð og hann hefur einnig að geyma umsóknarkóðann og upplýsingar um hvenær úrskurður um úthlutun verður tilkynntur.

Umsækjendur þurfa að passa vel upp á umsóknarkóðann því hann þarf að nota við öll frekari samskipti. Ef einhver umsækjandi vill bjóða öðru fólki að ganga í sinn hóp, þá verður hann eða hún þar með leiðtogi hópsins og verður þá að miðla kóðanum sínum til annarra meðlima hópsins svo þeir geti skráð sig. Aðrir meðlimir hópsins verða síðan að skrá sig á netinu út frá kóðanum sem leiðtogi hópsins miðlaði þeim, og gefa upp persónuupplýsingar sínar. 

Ef umsækjendur hafa tekið fram að þeir vilji ferðast einir, geta þeir samt bætt vinum við umsóknina eða gengið inn í hóp eftir umsóknarskil og áður en lokaskilafresti lýkur með því að fylgja sama ferli og er nefnt hér ofar. 

Vinsamlegast athugið að meðlimir hópsins þurfa ekki að taka þátt í spurningakeppninni eða svara aukaspurningunni, aðeins leiðtogi hópsins þarf að gera það. Hins vegar þurfa þeir samt sem áður að fylla út persónuupplýsingar til þess að unnt sé að staðfesta umsóknir þeirra. Meðlimir í hóp verða að uppfylla sömu skilyrði um gjaldgengi. 

Hópumsókn verður metin eins og um eina umsókn sé að ræða. Aðeins þeir hópmeðlimir sem hafa fyllt út umsóknareyðublaðið með því að nota kóðann frá hópstjóranum verða teknir til greina þegar að úthlutun kemur. Meðlimir hópsins skulu ekki skrá sig hver fyrir sig. 

Hópar geta samanstaðið af einstaklingum með ólík ríkisföng og búandi á ólíkum stöðum.

Aðeins er heimilt að leggja fram eina umsókn fyrir hvern einstakling í sömu umsóknarumferð. Fyrsta umsóknin sem skráð er í Evrópsku ungmennagáttina verður sú eina sem tekin er til greina við úthlutunina. Einstaklingar geta ekki sótt um í mismunandi hópum. Ef fleiri en ein umsókn finnst á einhverju stigi umsóknarferlisins verður aðeins fyrsta skráða umsóknin í Evrópsku ungmennagáttina tekin til athugunar og öðrum umsóknum verður hafnað. 

Ungmenni sem þegar hafa bókað ferðapassa á DiscoverEU í fyrri umsóknarlotum geta ekki fengið nýjan passa í þessari lotu. Þetta verður athugað á fyrsta umsóknarstigi og nýrri umsókn eða umsóknum verður hafnað. Ef umsóknir berast frá ungu fólki, sem hlaut DiscoverEU ferð við einhverja af fyrri úthlutunum, uppgötvast við eitthvert seinni tíma umsóknarferli, annaðhvort af verktakanum sem framkvæmdastjórnin og EACEA tilnefndi til þess að sjá um ferðabókanir eða af framkvæmdastjórninni og EACEA sjálfum, þá verða slíkir umsækjandur dæmdir úr leik

4. Úthlutunarferli

Farsælum umsækjendum verður úthlutað ferðapössum til samræmis við skilyrði í 244. gr. fjárhagslegra laga nr. 2024/2509⁶.

Vissum kvóta af ferðapössum er úthlutað til hvers lands fyrir sig. Úthlutunarreglan byggir á Erasmus+ áætluninni, lykilaðgerðinni 1 um dreifingarlykil einstaklingsbundins hreyfanleika ungmenna⁷.

Úthlutunin miðast við þá búsetu sem umsækjandinn tilgreinir á umsóknareyðublaðinu. Ef hinsvegar um er að ræða færri umsækjendur frá vissum löndum heldur en tiltækir ferðapassar til þeirra segja til um, þá verður þeim sem eftir standa dreift á þau lönd þar sem þátttakendur eru fleiri heldur en úthlutaður kvóti þess var.

Búseta leiðtoga hópsins mun skera úr um hvaða búseta verður lögð til grundvallar við útreikning kvótans. Ef hópur er síðastur á lista umsækjenda sem fengu úthlutað í hverju landi fyrir sig og kvótanum fyrir það land hefur verið náð, mun allur hópurinn samt sem áður vera tekinn til greina við úthlutun.

Umsækjendur þurfa fyrst að standast hæfisskilyrðin, þ.e. vera með fæðingardag, aðsetur eða ríkisborgararétt sem uppfylla skilyrðin sem getin eru 2. og 3. lið, byggt á eigin yfirlýsingu. Athugið að þessi atriði verða sannreynd við mat á umsókn og gögn verða tvískoðuð eftir úthlutunina út frá fylgigögnum, af verkefnastjóranum sem tilnefndur var af framkvæmdastjórninni og EACEA til að sjá um ferðabókanirnar. Ef verktakinn kemst að því, þegar hann kannar nafnskírteini, vegabréf og/eða búsetuvottorð, að umsækjandinn hefur veitt rangar upplýsingar, þá verður umsækjandinn útilokaður frá úthlutuninni.

Ef öll skilyrði um gjaldgengi eru uppfyllt þurfa umsækjendur síðan að gefa rétt svör við fjölvalsspurningunum fimm og svara aukaspurningu. Ef um er að ræða hópa, þá verður aðeins leiðtogi viðkomandi hóps krafinn um að svara krossaspurningunum fimm og aukaspurningunni. Svör hópstjórans við spurningunum fimm og aukaspurningunni gilda fyrir allan hópinn og það á einnig við um umsóknarskilatíma hópstjórans.

Umsækjendur verða settir í hópa eftir aðseturslandi og raðaðir eftir fjölda réttra svara við 5 spurninga skyndiprófinu og síðan eftir svari við aukaspurningunni.

Þegar umsóknartímabilinu er lokið skoðar matsnefndin greininguna frá Evrópsku ungmennagáttinni til að ganga frá endanlegu mati sínu.

Ef um er að ræða of margar jafngildar umsóknir (einstaklinga eða hópa) þegar kvótanum er náð mun matsnefndin beita reglunni „fyrstur kemur fyrstur fær“ til að ákvarða síðustu sætin.

Þeim 250 umsækjendum sem svara best úr öllum löndunum í prógramminu verður boðin frí nótt á farfuglaheimili fyrir ungmenni (allir meðlimir hópsins ef um er að ræða hópumsókn). Boðinu um fría nótt er hægt að nýta meðan á DiscoverEU-ferð stendur, en aðeins á farfuglaheimilum sem taka þátt og sem verktakinn hefur veitt upplýsingar um, háð framboði og í sameiginlegum herbergjum/svefnsölum. Bókunar fyrirfram er krafist og fara þarf eftir leiðbeiningum frá verktakanum. Umsækjendur geta átt von á því að verða beðnir um að sýna DiscoverEU-pass í móttöku farfuglaheimilisins.

5. Matsnefnd

Matsnefnd sem í eiga sæti fulltrúar framkvæmdastjórnarinnar og EACEA kemur saman þegar umsóknarferlinu er lokið. Þau taka ákvörðun um niðurstöðurnar á grundvelli viðmiðanna sem greint var frá hér að ofan. Þau munu meta og komast að niðurstöðu um endanlega röðun farsælu umsækjendanna sem fá úthlutaða ferðapassa sem byggja á svörum þeirra á skyndiprófinu og við aukaspurningunni, með kvóta hvers lands í huga og tíma umsóknarskila í tilfelli umsókna eftir sanngirni. Matsnefndin mun búa til aðallista, bið- og höfnunarlista vegna umsækjenda. Umsækjendur á biðlistanum gætu hugsanlega fengið ferðapassa síðar ef til kemur viðbótarfjárveiting eða ef hlutskarpir umsækjendur afsala sér ferðapassanum sínum ellegar þátttakendur virkja ekki ferðapassann sinn (sjá 7. lið).

Á grundvelli matsins frá matsnefndinni samþykkir EACEA úthlutunarúrskurðinn með upplýsingum um þann heildarfjölda ferðapassa og afsláttarkorta sem úthlutað verður, um þá heildarupphæð sem varið verður í ferðapassana og afsláttarkortin, listanum yfir valda hlutskarpa umsækjendur, biðlistanum og listanum yfir þá umsækjendur sem var hafnað. 

6. Niðurstöðurnar tilkynntar

Í lok úthlutunarferlisins geturðu gengið úr skugga um það á Evrópsku ungmennagáttinni hvort umsókn þín hafi borið árangur með því að nota umsóknarkóðann þinn.

Þú færð einnig senda tilkynningu með tölvupósti frá Evrópsku ungmennagáttinni, þar sem fram kemur hvort:-

• þú hafir komist á aðallistann (árangursríkar umsóknir) eða
• lagt hafi verið til að setja þig á biðlistann eða
• Þú hafir ekki orðið fyrir valinu (umsóknum hafnað).

Frekari samskiptum verður síðan komið á milli verktakans sem EACEA hefur tilnefnt og þeirra umsækjenda sem urðu fyrir valinu til að undirbúa bókunina. Nánari upplýsingar um þetta má finna í 8. lið. 

7. Biðlistinn

Þegar þröskuldinum fyrir tiltæka ferðapassa hefur verið náð, þá er stofnaður biðlisti. Á biðlistanum er umsækjendum raðað eftir svörum þeirra við krossaspurningunum og aukaspurningunni og eftir því hvenær umsókn var skilað inn ef um er að ræða jafngildar umsóknir. EACEA getur úthlutað ferðapössum til umsækjenda sem settir eru á biðlista í eftirfarandi tilvikum: ef viðbótarfjárveiting er fyrir hendi, ef hlutskarpir umsækjendur draga umsókn sína til baka eða ef þátttakendur virkja ekki ferðapassann sinn innan frestsins sem þeim var gefinn upp. Þessu fyrirkomulagi má beita allt þar til hin tiltæka fjárhagsáætlun er uppurin. 

Skráning á biðlistann skapar ekki réttindi gagnvart framkvæmdastjórn Evrópusambandsins eða EACEA og tryggir ekki að viðkomandi fái úthlutað ferðapassa síðar.

Evrópska ungmennagáttin getur haft samband við umsækjendur á biðlistanum og boðið þeim ferðapassa. Þeir sem haft er samband við vegna þess að þeir eru á biðlistanum geta ekki krafist endurgreiðslu fyrir ferðir sem voru bókaðar eða farnar áður en þeir fengu boðið, né heldur geta þeir óskað eftir framlengingu ferðatímabilsins.

8. Bókanir á farseðlum og ferðareglurnar

Þátttakendur eiga að hefja ferðalagið í landi sem er hluti af Interrail-kerfinu og ferðast til a.m.k. eins lands sem er hluti af DiscoverEU og er frábrugðið aðseturslandinu. Alls getur ferðalagið staðið yfir frá einum degi minnst og upp í einn mánuð að hámarki. Áætlað er að ferðatímabilið hefjist 1. mars 2027 og ljúki 31. maí 2028. Ferðapassann er hægt að nota í búsetulandinu til aðeins einnar brottfarar þaðan og einnar heimfarar þangað til baka.

Bókanir, kaup og afhending ferðapassa handa hlutskörpum umsækjendum er alfarið í höndum verktakans sem EACEA tilnefnir. Hlutskarpir umsækjendur og þátttakendur eiga ekki undir neinum kringumstæðum að bóka ferðapassa eða lestar-, flug-, ferju- eða rútumiða upp á eigin spýtur eða í gegnum ferðaskrifstofu sem ekki hefur verið tilnefnd í þessu skyni af EACEA í tengslum við DiscoverEU. Passar eða miðar sem hlutskarpir umsækjendur eða þátttakendur kaupa beint verða ekki endurgreiddir.

Hlutskarpir umsækjendur fá tölvupóst frá Evrópsku ungmennagáttinni þar sem þeim er boðið að bóka ferðapassann í bókunarkerfi verktakans. Umsækjendur ættu að ganga úr skugga um að pósthólfið sem þeir notuðu fyrir umsóknina geti tekið á móti tilkynningunni um niðurstöðu (að það sé t.d. ekki fullt). Eftir að farsæli umsækjandinn hefur bókað mun verktakinn útvega ferðapassann og nauðsynlegar upplýsingar til að hjálpa þátttakendum við að skipuleggja og undirbúa ferðir þeirra. Hlutskörpum umsækjendum verður einnig úthlutað DiscoverEU afsláttarkortinu.

Með kortinu fæst aðgangur að allskyns afsláttum og hagræði hvar sem er í aðildarlöndum Erasmus+ áætlunarinnar. Afsláttarkort sem þátttakendur kaupa beint verða ekki endurgreidd. 

Verktakinn velur hagstæðustu og mest viðeigandi flutningsaðilana og uppfyllir skilmálana í samningnum milli hans og EACEA.

Dagsetningarnar sem þátttakandinn getur ferðast á eru sveigjanlegar þangað til ferðapassinn og valdir ferðadagar hafa verið virkjaðir af þátttakandanum. 

Þátttakendur geta ferðast: 

• Yfir tímabil sem nemur einn mánuð að hámarki, með 7 ferðadögum.
• á samfelldum dögum eða þeir geta dreift ferðadögum sínum á eins mánaðar tímabil.
• til eins margra gjaldgengra landa og þeir vilja.

Þeir umsækjendur sem sóttu um haustið 2026 og voru valdir, hafa tíma til 15. mars 2027 til að virkja ferðapassann sinn⁸. Það þýðir að þeir verða að tilgreina upphafsdagsetningu á gildistíma eins mánaða passans fyrir tilgreindan frest. Eftir að ferðapassinn hefur verið virkjaður er hægt að breyta upphafsdagsetningu fram að endadagsetningu tímabilsins (t.d. 01.03.2027-31.05.2028), svo framarlega sem það er gert fyrir upphaf valinnar upphafsdagsetningar. Ef upphafsdagurinn er runninn upp eða liðinn er ekki lengur hægt að breyta dagsetningunni.

Ef þátttakendur virkja ekki ferðapassann innan tímafrestsins eða bregðast ekki við tengdum skilaboðum, þá má fella hann úr gildi og bjóða umsækjendum á biðlistanum passann. 

Í sumum lestum er skylt að bóka sæti en slíkar bókanir geta einnig verið í boði sem aukavalkostur. Þátttakendur geta bókað allt að 4 sætapantanir án endurgjalds. En þeir geta ekki bókað ókeypis á 1. farrými, svefnpláss í næturlestum né sæti í lestum sem eru ekki sýndar í sætisbókunarkerfinu. Ókeypis bókanir fást ekki endurgreiddar og það er heldur ekki hægt að skipta þeim. 

Athugið að kostnaðurinn við slíkar sætabókanir, eða önnur útgjöld sem til falla í ferðinni, fást ekki endurgreidd hjá framkvæmdastjórninni eða EACEA.

Hlutskarpir umsækjendur sem vilja ferðast til Kýpur, Íslands, Írlands eða Möltu þurfa að láta verktakann vita. Fyrir þá sem ferðast frá Kýpur, Íslandi, Írlandi og Möltu gildir kvótinn sem nefndur er í hlutanum „Kvóti hvers lands“ á Evrópsku ungmennagáttinni. Fyrir hlutskarpa umsækjendur sem vilja ferðast til Kýpur, Íslands, Írlands og Möltu gildir að hámarki þrefaldur þessi kvóti. Flugmiðarnir til þessara tilteknu áfangastaða verða bókaðir á grundvellinum „fyrstur kemur fyrstur fær“ að því marki sem fjárveiting leyfir. Hlutskarpir umsækjendur og þátttakendur skulu ekki að kaupa slíka miða sjálfir.

Heimilt er að veita undanþágu frá skilyrðinu um ferðatímabil ungu fólki sem býr í landi sem er hluti af Evrópusambandinu eða þriðju löndum sem tengjast Erasmus+ áætluninni (sjá 2. lið) og þar sem skylt er að sinna samfélagslegri eða hernaðarlegri þjónustu. Í slíkum tilvikum verður ferðatíminn framlengdur í 6 mánuði eftir að lagalegum skyldum þeirra lýkur.

9. Farartæki

Þátttakendur munu að jafnaði ferðast með umhverfisvænstu samgöngutækjunum. En til að tryggja sem breiðastan aðgang gæti DiscoverEU þó boðið aðra flutningsmáta ef nauðsyn krefur, að teknu tilliti til sjónarmiða varðandi umhverfi, tímalengd og vegalengdir. Aðeins verður ferðast á öðru farrými. 

Aðeins í sérstökum tilvikum er heimilt að leyfa ferðalög með flugvél og verða þau skipulögð fyrir þá hlutskörpu umsækjendur sem um ræðir. Þetta á við um þau ungmenni sem búsett eru:

1. Á ystu svæðunum níu (þau eru: Gvadelúpeyjar, Franska Gvæjana, Martiník, Réunion, Mayotte, Sankti Martin, Madeira, Asoreyjar og Kanaríeyjar);
2. Í ríkjum og á yfirráðasvæðum ESB handan hafsins (Arúba, Bonaire, Curaçao, Frönsku Pólýnesíu, Grænlandi, Nýju Kaldedóníu, Saba, Sankti Bartólómeusareyjum, Sankti Estatíusey, Sankti Maarten, Sankti Pierre og Miquelon, Wallis- og Fútúnaeyjum)
3. Í þeim löndum/svæðum í prógramminu þar sem ekki er hægt að fara til með öðrum samgönguleiðum;
4. Þegar ungmenni þurfa að ferðast lengur en 18 tíma í landi eða á sjó áður en þau ná næstu alþjóðlegu lestarstöðina sem tengd er Interrail-kerfinu.

Aðeins ferð þeirra að heiman og heim aftur geta verið flug, og taka þarf tillit til mögulegra takmarkana í fjárveitingu sem verktaki EACEA tilkynnir um. Það sem eftir er af ferðinni þurfa þátttakendur að ferðast samkvæmt meginreglunni.  

Þau ungmenni sem búa á ystu landssvæðum Evrópusambandsins og í ríkjum og á yfirráðasvæðum þess handan hafsins geta valið sér hvern þann áfangastað sem uppfyllir gefnar kröfur. Hlutskarpir umsækjendur sem vilja ferðast til ystu svæða eða landa og yfirráðasvæða handan hafsins (e. OCT) geta gert það ef ferð þeirra rúmast innan fjárveitingarmarkanna.

Farsælir umsækjendur sem búa á Kýpur, Íslandi, Írlandi eða Möltu eða í löndum og á yfirráðasvæðum handan hafsins, geta ferðast með flugi til meginlands Evrópu. Þeir eiga ekki að kaupa flugmiða sjálfir: verktakinn sér um miðann fyrir þau fram og til baka.

10. Virði ferðapassans og afsláttarkortsins

Hlutskarpir umsækjendur fá einungis ferðapassa og DiscoverEU-afsláttarkortið. Kostnað vegna gistingar, framfærslu, trygginga, ferðaviðbóta eða hvers konar annan kostnað í tengslum við ferðina skulu hlutskarpir umsækjendur bera sjálfir.

Meginreglan er sú að hver hlutskarpur umsækjandi á rétt á ferðapassa og afsláttarkorti. Aðeins verður ferðast á 2. eða almennu farrými, aðallega með lestum, og ef þörf krefur með rútu, ferju eða flugvél. Verktakanum er heimilt að skipuleggja ferð með flugvél í þeim sérstöku tilfellum sem tilgreind eru hér á eftir:

• Fyrir hlutskarpa umsækjendur sem ferðast til meginlands Evrópu frá ystu svæðum ESB og löndum og svæðum handan hafsins. En um leið og þau eru komin til meginlands Evrópu, þá tekur grundvallarreglan aftur gildi.
• Fyrir hlutskarpa umsækjendur utan ofangreindra landfræðilegra svæða sem þurfa að ferðast með flugvél til meginlands Evrópu. En um leið og þau eru komin til meginlands Evrópu, þá tekur grundvallarreglan aftur gildi.
• Við tilteknar aðstæður, sem meta skal í hverju tilviki fyrir sig (t.d. fyrir valda umsækjendur sem eru búsettir á öðrum eyjum sem tilheyra löndum í Erasmus+), gæti heimildin náð til viðbótarferðar.

Fyrir hlutskarpa umsækjendur með skerta hreyfigetu og/eða sérþarfir: kostnaður vegna sérstakrar aðstoðar (fylgdarmanneskju, leiðsöguhunds fyrir sjónskerta hlutskarpa umsækjendur o.s.frv.) gæti verið greiddur á grundvelli viðeigandi gagna sem rökstyðja sérþarfirnar, eins og krafist er samkvæmt landslögum búsetulandsins.

Verktakinn bókar flugferðir að heiman og heim og tekur tillit til mögulegra takmarkana í fjárveitingu.

11. Tímaáætlun til viðmiðunar

12. Afturköllun og niðurfelling ferðar af hálfu umsækjanda sem hefur verið valinn

Sérhver ferðapassi verður skráður á visst nafn og óheimilt er að framselja hann til annars einstaklings. Ekki er hægt að breyta nafninu í ferðapassanum.

Þátttakandi sem hefur verið valinn og hefur sótt um haustið 2026, þarf að virkja ferðapassann sinn fyrir tilkynntan frest. Ef ferðapassinn er ekki virkjaður fyrir þá dagsetningu og/eða þátttakandinn svarar ekki fyrirspurnum þar um, mun verktakinn sem EACEA útnefndi til að afhenda passann aflýsa passanum og endurúthluta til einhvers af biðlista í lækkandi einkunnarröð. 

Ef hlutskarpur umsækjandi hafnar ferðapassanum sínum af hvaða ástæðu sem er áður en verktakinn, tilnefndur af EACEA, hefur bókað ferðapassann, þá gengur sæti hans til einhvers annars af biðlistanum samkvæmt lækkandi forgangsröð. Hlutskarpir umsækjendur eru beðnir að láta verktakann vita áður en nokkuð er bókað.

Ef meðlimur í hópi (leiðtogi eða meðlimur hópsins) hættir við að ferðast áður en verktaki EACEA hefur bókað ferðapassann, mun afboðun hans ekki setja ferð hópsins í uppnám. Þeir meðlimir hópsins sem eftir standa geta samt sem áður ferðast eins og ekkert hafi í skorist. Hins vegar er ekki hægt að skipta um þann sem hætti við. Ferðapassi sem þannig losnar gengur til einstaklings á biðlistanum samkvæmt lækkandi forgangsröð.

Meðlimir hóps geta ákveðið síðar að ferðast einir og mun það ekki hafa áhrif á hópinn sem slíkan.

Ferðapassanum fæst hvorki skipt né fæst hann endurgreiddur. 

13. Óviðráðanlegar aðstæður

Ef ferð er rofin vegna ófyrirsjáanlegra og óvenjulegra aðstæðna eða atburða sem þátttakandinn ræður ekki við og sem ekki er hægt að rekja til glappaskots eða vanrækslu af hans hálfu, þá er hægt að gefa út nýjan ferðapassa. EACEA og framkvæmdastjórn Evrópusambandsins munu vega og meta sérhvert slíkt tilvik út af fyrir sig.

14. Ferðasagan rakin

Framkvæmdastjórnin vill gjarnan heyra frá þátttakendum og hvetur ungu DiscoverEU-ferðalangana til að deila upplifun sína og ævintýrum. Farsælir umsækjendur verða DiscoverEU-sendiherrar aðgerðarinnar. Þeim er boðið að gefa skýrslu um reynslu sína af ferðalögum, t.d. í gegnum samfélagsmiðla eða með því að bjóða upp á kynningu í skólum eða í nærsamfélaginu. 

Umsækjendur geta gerast aðilar að #DiscoverEU Official Facebook Group ef þeir samþykkja notkun þessara samfélagsmiðla⁹. Ungir ferðalangar munu einnig þurfa að gefa skýrslu gegnum netkönnun sem send verður af verktaka EACEA eftir að ferð þeirra lýkur. Að svo búnu munu ferðalangarnir fá vottorð, sem myndast sjálfkrafa, um þátttöku sína þar sem lögð verður áhersla á þá hæfni og færni sem þeir öfluðu sér með ferðareynslu sinni.

15. Vegabréfsáritanir

Með hliðsjón af ríkisborgararétti og áætlaða ferð (utan Schengen-svæðis) gætu þátttakendur þurft á einni eða fleiri vegabréfsáritanir. Það er í verkahring viðkomandi ríkis að gefa út vegabréfsáritanir. Þátttakendur þurfa að afla sér sjálfir upplýsinga um þetta hjá opinberum aðilum og leggja fram umsóknir sínar með góðum fyrirvara hjá ábyrgum yfirvöldum. Afgreiðsla vegabréfsáritana getur tekið nokkrar vikur og/eða mánuði. Því ætti að leggja fram beiðnir um vegabréfsáritun með að minnsta kosti eins mánaðar fyrirvara áður en brottförin var áætluð. DiscoverEU ferðapassinn verður ekki bókaður uppá nýtt vegna seinkunar á útgáfu vegabréfsáritunarinnar, ef umsóknin um hana var lögð fram innan við 4 vikum fyrir brottför eða innan 8 vikna fyrir lok ferðatímabilsins. Verktakinn mun veita aðstoð (almenna ráðgjöf) í þessu samhengi. En hvernig svo sem því vindur við, þá það ætíð á ábyrgð þátttakenda að hafa skilríki sín í lagi áður en þeir hefja ferð sína.

Framkvæmdastjórn ESB, EACEA og verktakinn eru ekki í þeirri stöðu að geta haft áhrif á ákvarðanir landsyfirvalda varðandi vegabréfsáritanir.

DiscoverEU greiðir kostnaðinn sem tengist vegabréfsárituninni. 

Þegar sjúkratrygging er ófrávíkjanleg krafa vegna útgáfu vegabréfsáritunarinnar, þá mun verktakinn útvega hana. DiscoverEU greiðir kostnaðinn sem tengist því.  

Þátttakendur skulu leggja fram rökstuðningsgögn til að hægt sé að vinna úr endurgreiðslubeiðnum fyrir þann frest sem verktaki tilkynnir þeim.

16. Tryggingar

Þátttakendum er ráðlagt að afla sér viðeigandi sjúkra- og ferðatryggingar fyrir allan ferðatímann. Venjulega tryggja almennar sjúkratryggingar heimalandsins þátttakendurna meðan á ferðalaginu stendur gegnum Evrópska sjúkratryggingakortið. 

Hinsvegar dekkar Evrópska sjúkratryggingakortið eða heilsutrygging hjá einkareknu fyrirtæki ekki öll hugsanleg tilfelli, einkum og sér í lagi heimflutning eða ef þörf er á aðkomu sérfræðilækna. Í slíkum tilfellum er ráðlegt að afla sér viðbótartrygginga.  

17. Fyrirvarar

Framkvæmdastjórn Evrópusambandsins, EACEA og verktaki þess munu einungis láta í té ferðapassa og DiscoverEU-afsláttarkortið og greiða kostnað vegna útgáfu vegabréfsáritana og tengdan tryggingarkostnað eins og útskýrt er hér að ofan. Í undantekningartilvikum og ef það er samþykkt fyrirfram af EACEA má taka til greina kostnað sem tengist sérþörfum, hreyfihömlun, truflunum á ferðum vegna óviðráðanlegra atvika o.þ.u.l. Kostnað vegna gistingar, framfærslu, grunntryggingar, ferðaviðbóta eða hvers konar annan kostnað í tengslum við ferðina skulu hlutskarpir umsækjendur bera sjálfir.

Framkvæmdastjórnin, EACEA og verktakinn hans, bera ekki ábyrgð á tjóni sem þátttakendur valda eða verða fyrir, þar með talið tjóni sem þriðju aðilar valda eða verða fyrir vegna framkvæmdar niðurgreiddra verkefna eða á meðan á framkvæmd þeirrar starfsemi stendur.

Framkvæmdastjórnin, EACEA og verktaki þeirra skulu ekki sæta ábyrgð fyrir neitt efnislegt, óefnislegt eða líkamlegt tjón sem þátttakendurnir verða fyrir eða fylgimanneskja á þeirra vegum ef um er að ræða sérþarfir meðan á ferðalagi þeirra eða dvöl stendur.

Ferðin sem stefnt er að er háð takmörkunum sem tengjast fjárveitingu, tíma og ferðapössum og afsláttarkortum í boði. Þess vegna getur það verið háð breytingum, og utanaðkomandi verktakinn sem tilnefndur er af framkvæmdastjórn Evrópusambandsins og EACEA getur því ekki tryggt að hægt sé að ljúka ferðalaginu eins og að var stefnt.

Framkvæmdastjórnin og EACEA áskilja sér rétt til að breyta reglum sem settar eru undir 10. go 11. lið við sérstakar aðstæður.

18. Gildandi lög

Þetta kall eftir umsóknum lýtur lögum ESB. Dómstóll Evrópusambandsins skal hafa óskerta lögsögu í hverjum þeim ágreiningi, sem upp kann að koma milli Sambandsins og hvaða umsækjanda eða þátttakanda sem er, um túlkun, beitingu eða gildi reglna þessa kalls eftir umsóknum, ef ekki er unnt að leysa slíkan ágreining með vinsamlegum hætti.

19. Gagnavernd

Umbeðin gögn verða aðeins notuð til úthlutunar ferðapassa fyrir umsækjendur sem gerir þeim kleift að bóka ferðamiða og veita þeim þjónustu sem tengjast DiscoverEU, eins og DiscoverEU Learning Cycle eða DiscoverEU-kynningarherferðir. Í þessu tilviki getur framkvæmdastjórnin, stofnanir EACEA sem heimilaðar eru af framkvæmdastjórninni og EACEA haft samband við þátttakandann, Erasmus+ National Agencies og Eurodesk.

Framkvæmdastjórnin og EACEA munu vinna úr öllum persónuupplýsingum samkvæmt reglugerð Evrópuþingsins og ráðsins (ESB) 2018/1725 frá 23. október 2018 (um úrfellingu reglugerðar (EB) nr. 45/2001) og í samræmi við „tilkynningar um vinnsluaðgerðir“ til persónuverndarfulltrúa framkvæmdastjórnarinnar (aðgengilegar almenningi í skrá persónuverndarfulltrúa). Gögnin verða unnin af „sameiginlegum gagnaábyrgðaraðilum“, framkvæmdastjórnarinnar og EACEA, í þeim tilgangi að auglýsa eftir umsóknum, framkvæma og fylgja eftir frumkvæðinu eða vernda fjárhagslega hagsmuni ESB.

Umsækjendur og þátttakendur eiga rétt á að leita hvenær sem er til Evrópsku persónuverndarstofnunarinnar (EDPS).

Skjöl sem lýsa hvernig persónuleg gögn eru unnin og hvaða tilgangi eru listuð hér neðar.

EAC

EACEA

20. Kvartanir

Kvörtunareyðublað verður aðgengilegt á vefsíðu verktakans sem framkvæmdastjórnin og EACEA tilnefna til að sjá um ferðabókanirnar. Hlutskarpir umsækjendur verða upplýstir um þennan möguleika þegar passar þeirra verða bókaðir.

¹ Enski textinn gengur framar þýðingum á öll önnur tungumál. Sama gildir um aðrar upplýsingar og skjöl frá DiscoverEU sem birt eru á Evrópsku ungmennagáttinni.

² Ferðapassi er miði sem gerir farþega kleift að fara ótakmarkaðar ferðir innan ákveðins tíma á skilgreindu landsvæði.

³ Tíminn sem tilkemur vegna ferða með öðrum samgöngumáta í óvenjulegum tilfellum telst ekki með innan sjö dagana. Samt sem áður, þarf upphaf og lok ferðar að vera innan valinna 30 daga og innan ferðatímabilsins frá 1. mars 2027 til 31. maí 2028.

⁴ Vísað er til ungmenna sem sækja um á Ungmennagáttinni sem „umsækjendur“. Ef umsókn þeirra ber árangur eru þeir nefndir „hlutskarpir umsækjendur“. Þegar þeir hafa bókað og fengið ferðapassa eru þeir skoðaðir sem „þátttakendur“. 

⁵ Umsækjendum/þátttakendum sem starfa sem sendiherrar DiscoverEU, er minnt á að skoðanir þeirra og yfirlýsingar eru þeirra eigin og að þeir ættu ekki á nokkurn hátt að gefa í skyn að þessar skoðanir og yfirlýsingar séu studdar eða samþykktar af Evrópusambandinu. Ennfremur ættu þeir að forðast framkomu sem samræmist ekki markmiðum og meginreglum Evrópusambandsins eða DiscoverEU-áætlunarinnar eða hvers konar framferði sem er ólöglegt.

⁶ Reglugerð Evrópuþingsins og ráðsins (ESB, KVB) 2024/2509 frá 23. september 2024 um fjárhagsreglur sem gilda um almenna fjárhagsáætlun Sambandsins (endurútgefin) („fjárhagsreglugerð ESB“) (Stjtíð. ESB L, 2024/2509, 26.9.2024).

⁷ Sjá Kvótar hvers lands.

⁸ Virkjun ferðapassa: þátttakendur skulu fylgja leiðbeiningunum sem verktakinn sendir þeim í tölvupósti osfrv. Virkjun evrópska ungmennakortsins þýðir ekki að ferðapassinn hafi verið virkjaður.

* Vinnsla persónuupplýsinga fellur undir aðskilda persónuverndarskilmála og undir sérstaka persónuverndaryfirlýsingu Facebook, sem virkar eins og aðskildur ábyrgðaraðili gagna.