Sejħa għal proposti

Sejħa tal-2024 

Is-sejħa għal proposti ta’ proġetti tal-2024 ġiet ippubblikata. Jekk jogħġbok ikkonsulta d-dokumenti u l-għodod mogħtija hawn taħt.

Avviż f'Il-Ġurnal Uffiċjali tal-Unjoni Ewropea

CALL FOR PROPOSALS 2024 - EAC/A11/2023 European Solidarity Corps (C/2023/1263)

Gwida tal-Programm tal-Korp Ewropew ta’ Solidarjetà għall-2024

Il-Gwida tal-Korp Ewropew ta’ Solidarjetà għall-2024 hi qari essenzjali għal kull min huwa interessat li japplika. Din tispeċifika l-kondizzjonijiet li jirregolaw il-proġetti li tista’ tapplika għalihom taħt is-sejħa ġenerali għal proposti. 

Verżjonijiet preċedenti:

• Verżjoni 1 tal-2024
• Verżjoni 2023
• Verżjoni 2022
• Verżjoni 2 tal-2021 (05/05/2021) u r-Rettifika tagħha
• Verżjoni 1 tal-2021
• Verżjoni 2020
• Verżjoni 2019
• Verżjoni 2018

Tip ta’ attività	Skadenza	Fejn tapplika
Proġetti ta’ Volontarjat	20 ta’ Frar 2024 1 ta’ Ottubru 2024 (round fakultattiv)	Aġenzija Nazzjonali
Timijiet ta’ Voluntieri f’oqsma ta’ prijorità għolja	8 ta’ Frar 2024	L-Aġenzija Eżekuttiva Ewropea tal-Edukazzjoni u l-Kultura
Proġetti ta’ Solidarjetà	20 ta’ Frar 2024 7 ta’ Mejju 2024 (round fakultattiv) 1 ta’ Ottubru 2024	Aġenzija Nazzjonali
Volontarjat fil-kuntest tal-Korp ta’ Għajnuna Umanitarja	16 ta’ April 2024	L-Aġenzija Eżekuttiva Ewropea tal-Edukazzjoni u l-Kultura

L-applikazzjonijiet għat-Tikketta tal-Kwalità jistgħu jiġu ppreżentati fuq bażi kontinwa.

Proċedura tal-applikazzjoni

Għall-attivitajiet deċentralizzati mmaniġġjati mill-Aġenziji Nazzjonali jekk jogħġbok applika billi tuża l-paġna tal-Erasmus+ u tal-Korp Ewropew ta’ Solidarjetà.

Tista’ ssib mudelli tal-formoli ta’ applikazzjoni għal skopijiet ta’ informazzjoni u tħejjija hawnhekk: Kampjun tas-Sejħa tal-2024 għat-Tikketta tal-Kwalità (ESC 50), kampjun tas-Sejħa tal-2024 għall-Proġetti ta’ Volontarjat (ESC 51), kampjun tas-Sejħa tal-2024 għall-Proġetti ta’ Solidarjetà (ESC 30). 

Għall-attivitajiet ċentralizzati mmaniġġjati mill-Aġenzija Eżekuttiva Ewropea għall-Edukazzjoni u l-Kultura, l-informazzjoni dwar il-formoli tal-applikazzjoni u l-proċedura tal-għażla se tkun disponibbli fuq is-sit web tal-EACEA u fil-portal Opportunitajiet ta’ finanzjament u offerti.
 

Kif tirreġistra l-organizzazzjoni tiegħek

1. L-ewwel trid tikseb EU login validu. Is-Servizz ta’ Awtentikazzjoni tal-EU Login jawtentika lill-utenti ta’ diversi sistemi ta’ informazzjoni tal-Kummissjoni (ara l-gwida għall-utent għad-dettalji).
2. Identifika fejn tirreġistra. L-attività li għaliha tixtieq tapplika hi mmaniġġjata mill-Aġenzija Eżekuttiva Ewropea għall-Edukazzjoni u l-Kultura jew minn Aġenzija Nazzjonali? Ara r-Reġistrazzjoni tal-organizzazzjonijiet għal aktar informazzjoni.