Романската гастрономија содржи влијанија од различни култури - романците прилагодиле рецепти и стилови од Римјаните, Турција, Грција, Австрија и Бугарија, што ја прави одлично место за вкусување на нови јадења. Кога си во Тимисоара, не пропуштај да посетиш пазар каде што можеш да пробаш свежи производи од романските провинции. Градот нуди многу вкусни јадења и локални специјалитети како што се салата де винете, печена салата од печен син патлиџан, или закуска, сос од син патлиџан и црвени пиперки. Благодарение на својата долга историја на иновации (Тимисоара е познат како "град на првите") и култура, Тимисоара е именувана за Европска престолнина на културата за 2023 година, што поттикнало ново културно наследство. 

Добивањето на наградата за Европска престолнина на културата во 2010 година, беше стимул за обновување на културниот кварт Зсолнај, трансформирајќи ги претходно некористените фабрички згради во нов културен центар. Додека си во Печ, искористи ја можноста да пробаш традиционални унгарски специјалитети како халасзле (позната топла и зачинета рибена супа со лута пиперка), или летната супа спенотфозелек (супа од спанаќ) или можеби токфозелек (супа од тиква). Исто така, можеш да посетиш и некој пазар и да уживаш во свежо овошје и зеленчук. После некој вкусен ручек, прошеткај по пешачката улица Кирали и застани во едно од многуте кафулиња кои се наоѓаат долж улицата или едноставно восхитувај се на неокласичните фасади и историските куќи.

Благодарение на грчките, бугарските, турските и унгарските влијанија, српската храна е исклучително разновидна, што ја прави Србија совршено место за проширување на твоите кулинарски хоризонти. Посети ги зелените пазари за да купиш свежо овошје, зеленчук и домашни производи. Рибља пијаца (рибниот пазар) и пазарот Футошка се одлични за истражување и разгледување. Нови Сад е фантастично место за да се истражува со пешачење и да се создаде апетит. Зошто да не се прошеташ по делумно пешачката улицата Дунавска (Дунав), и да им се восхитуваш на големите градски куќи изградени во средината на 19 век, откако Нови Сад настрадал за време на револуцијата во 1848 година? Нови Сад беше Eвропска престолнина на културата во 2022, оставајќи наследство на интересни места за истражување.

Скопје има уникатен шарм и богата историја. Исто така градот е одлично место за да се проба националниот специјалитет на Северна Македонија, тавче гравче - грав потпечен со лук и зачини. Дебар Маало, прекрасен кварт нареден со дрвја, има прекрасна сцена за јадење и пиење и е одлично место да се пробаат локални специјалитети. Или можеш да уживаш во атмосферата на историјата во Бит пазар кој постои од 12^ти век, или со посета на византиската (а подоцна и османлиската) тврдина Кале од 6-ти век. Исто така вреди да се посети и Старата Скопска Чаршија, која претставува стариот град на Скопје, со своите кривулести улички и историски градби.

Пловдив се наоѓа помеѓу планините Стара планина-Балкан, Средна Гора и Родопите, во средината на Долината на Траките. Тој е опкружен со природни убавини - клисури, ридови, шуми, водопади - и силно е препорачлив еднодневен излет за да се поврзеш со природата. Во рамки на градот има многу интересни објекти и места за посета, како што се древниот римски театар (сеуште се користи и денес) и црквата Света Богородица, изградена во 1884 година на местото на светилиште од 9^ти-век. Пловдив исто така беше и Европска престплнина на културата во 2019. Или пак можеш да посетиш некој од неговите градски пазари за да купиш локални зеленчуци, кои честопати ги продаваат самите земјоделци, и да пробаш боза (исто така наречена боса), лесно ферментиран пијалак направен од пченка, пченица или ориз, за кое се тврди дека има здравствени својства. Ферментираните зеленчуци, за кои неодамнешните студии покажаа дека придонесуваат за добра цревна флора, претставуваат важен дел од бугарската кујна.

Место каде се спојуваат Европа и Азија, динамичен, возбудлив, ненадминлив град - добредојде во Истанбул. Оваа живописна метропола е одлично место за истражување на мешавина на кулинарни култури. Благодарение на разновидноста на климатските услови во Турција, надополнето со пристапот до морето и историјата на Истанбул како важен трговски пат, постои неверојатна разновидност на свежи состојки, зачини и билки. Истанбул е благословен со прекрасни пазари за храна, од неделни пазари на отворено каде што се продаваат свежи производи од соседните села до постојани пазари кои продаваат свежа риба, зачини и органски производи. Египетскиот Базар постои од 1660 година, па неговата посета претставува кулинарско и историско искуство. Не пропуштај да пробаш свежо исцеден сок од калинка, кој се продава сезонски на колички низ целиот град во септември и октомври.

Софија е енергичен град со динамична младинска сцена и култура на храна. Додека си таму, пробај шопска салата, едноставна салата од краставици, домати, пролетен лук, пиперки и солено сирење или таратор, кремаста смеса од краставици и јогурт, сервирана ладна, или кисело млеко, вид на бугарски јогурт познат по својот остар вкус и густа текстура и за кој се смета дека има бројни здравствени придобивки. Посети ja и Централните софиски хали, една од најстарите згради на пазарот што сè уште се користи или неодамна реновираниот женски пазар, за да купиш свежи зеленчуци и самостојно да ги подготвиш јадењата. Софија моментално поминува низ зелена ренесанса; Софија го има надминато своето индустриско минато, и во 2022 година беше финалист за наградите за Европски зелена метропола.