Uirlis TF – Tairseach na nEagraíochtaí (PASS)

Tá sé seo ceaptha cuidiú le d’eagraíocht rannpháirtithe a lorg agus a earcú le haghaidh na ngníomhaíochtaí atá beartaithe ag an gCór Dlúthpháirtíochta Eorpach.

Ní mór d’eagraíocht a bheith údaraithe ar dtús faoi cheann de chláir an Aontais atá nasctha leis an gCór Dlúthpháirtíochta Eorpach.

Nuair a bheidh sí údaraithe, pioc ceann de na bealaí seo a leanas chun úsáid a bhaint as Tairseach na nEagraíochtaí (PASS), ag brath ar an gclár lena mbaineann d’eagraíocht.

1. An bhfuil Lipéad Cáilíochta bailí (ESC50 nó ESC52) ag d’eagraíocht? Má tá, féadfaidh baill foirne atá liostaithe sa chinneadh lenar bronnadh an Lipéad Cáilíochta, Tairseach na nEagraíochtaí (PASS) a rochtain trína gcuntas EU Login. Féadfaidh d’eagraíocht na baill foirne atá liostaithe sa chinneadh sin a sheiceáil trí dhul i dteagmháil le do Ghníomhaireacht Náisiúnta.
2. An bhfuil d’eagraíocht creidiúnaithe faoin tSeirbhís Dheonach Eorpach (EVS) de chuid Erasmus+? Má tá, féadfaidh baill foirne (atá liostaithe sa chreidiúnú EVS) Tairseach na nEagraíochtaí (PASS) a rochtain trína gcuntas EU Login. Féadfaidh d’eagraíocht na baill foirne atá liostaithe ina creidiúnú EVS a sheiceáil trí dhul i dteagmháil le do Ghníomhaireacht Náisiúnta.
3. An bhfuil Lipéad Cáilíochta um Chabhair Dhaonnúil ag d’eagraíocht agus an bhfuil ról tacaíochta aici i dtionscadal maoinithe maidir le hObair Dheonach i réimse na Cabhrach Daonnúla? Má tá, féadfaidh an príomhdhuine teagmhála atá luaite leis an tionscadal maidir le hObair Dheonach i réimse na Cabhrach Daonnúla Tairseach na nEagraíochtaí (PASS) a rochtain trína chuntas EU Login. Is féidir le d’eagraíocht cé na baill foirne a bhfuil rochtain acu ar PASS a sheiceáil trí theagmháil a dhéanamh leis an nGníomhaireacht Feidhmiúcháin Eorpach um Oideachas agus Cultúr (EACEA)

Ansin, ba cheart do gach úsáideoir údaraithe Tairseach na nEagraíochtaí (PASS) a rochtain trí úsáid a bhaint as a gcuntas EU Login féin, lena bhfíordheimnítear iad sa chóras. 
/!\ Chun fíordheimhniú a dhéanamh trí EU Login, ní mór d’eagraíochtaí an seoladh ríomhphoist atá nasctha lena gcreidiúnú a úsáid. 

Tacaíocht Theicniúil Thairseach na nEagraíochtaí (PASS) agus Treoir Úsáideora

An bhfuil cuidiú uait chun Tairseach na nEagraíochtaí (PASS) a rochtain nó a úsáid? Íoslódáil an leagan is déanaí de Threoir Úsáideora Thairseach na nEagraíochtaí (PASS). Nó logáil isteach ar Thairseach na nEagraíochtaí (PASS) agus faigh rochtain dhíreach uirthi.