Lipéad Cáilíochta

Dearbhaíonn Lipéad Cáilíochta an Chóir Dlúthpháirtíochta Eorpaigh gur féidir le heagraíocht atá rannpháirteach sa Chór na dálaí riachtanacha a chur ar fáil do dhaoine óga le go mbeidh siad in ann páirt a ghlacadh i ngníomhaíochtaí dlúthpháirtíochta.

Is gá don eagraíocht rannpháirteach cloí leis na prionsabail agus na caighdeáin cháilíochta atá leagtha amach i dTreoir an Chláir.

Is féidir le heagraíocht iarratas a dhéanamh ar Lipéad Cáilíochta le haghaidh obair dheonach – ról tacaíochta agus/nó óstaigh Ó 2021 i leith agus a bhuí le cineál breise Lipéid Cháilíochta (Lipéad Cáilíochta le haghaidh na Ceanneagraíochta) is féidir lena sealbhóirí iarratas a dhéanamh ar mhaoiniú ar bhealach simplithe.

Leis an Lipéad Cáilíochta tugtar rochtain d’eagraíocht ar dheiseanna an Chóir Dlúthpháirtíochta Eorpaigh agus ar bhuíon daoine óga spreagtha.

Is féidir na foirmeacha iarratais seo (ESC50) a úsáid tráth ar bith chun iarratas a dhéanamh ar Lipéad Cáilíochta. Tógann sé tuairim is 8 seachtaine ar na Gníomhaireachtaí Náisiúnta na hiarratais a phróiseáil. Nuair a bheidh a Lipéad Cáilíochta ag d’eagraíocht, beidh an lipéad bailí i gcaitheamh thréimhse an chláir reatha 2021-2027.

Tugann an Lipéad Cáilíochta rochtain do d’eagraíocht ar Thairseach na nEagraíochtaí (ar ar tugadh an ‘Córas Riaracháin agus Tacaíochta maidir le Socrúcháin’, PASS, a bhí le fáil ar thairseach an Chóir Dlúthpháirtíochta Eorpaigh). Bain úsáid as an tairseach chun poiblíocht a dhéanamh ar na deiseanna is féidir leat a chur ar fáil do dhaoine óga agus/nó chun cuardach a dhéanamh ar dhaoine a d’fhéadfadh a bheith rannpháirteach.

Níl Lipéad Cáilíochta ag teastáil do Thionscadail Dlúthpháirtíochta.

Tá gá le lipéad cáilíochta de chineál eile chun páirt a ghlacadh sa Chór Saorálach Eorpach um Chabhair Dhaonnúil. 

Eagraíochtaí atá bunaithe i mBallstát den Aontas Eorpach nó i dtríú tír atá comhlachaithe leis an gclár:

• Déan iarratas chuig Gníomhaireacht Náisiúnta na tíre ina bhfuil d’eagraíocht bunaithe

Eagraíochtaí atá bunaithe i dtríú tír nach bhfuil comhlachaithe leis an gClár:

• Na Balcáin Thiar agus Lichtinstéin – déan iarratas le lárionad um thacaíocht, ardfhoghlaim agus deiseanna oiliúna (SALTO) na hEorpa Thoir-Theas
• Tíortha Chomhpháirtíocht an Oirthir, an Rúis agus an Iorua – déan iarratas le SALTO na hEorpa Láir agus Cugais
• An Mheánmhuir Theas – déan iarratas le SALTO EuroMed

Bain úsáid as na foinsí seo a leanas chun teacht ar eagraíochtaí comhpháirtíochta:

• Bunachar sonraí de gach eagraíocht chreidiúnaithe/ag a bhfuil Lipéad Cáilíochta
• Tairseach chlárúcháin lenar féidir le heagraíochtaí a n-aitheantas eagraíochta a fháil le haghaidh Erasmus+ agus an Chóir Dlúthpháirtíochta Eorpaigh (déan cuardach trí ainm cathrach a chlóscríobh sa bhosca cuardaigh, mar shampla) 
• Tairseach Tionscadal an Chóir Dlúthpháirtíochta Eorpaigh: taispeáin gach tionscadal a fuair maoiniú faoin scéim seo.
• Uirlis chuardaigh i leith chomhpháirtithe OTLAS